ខេត្តកំពត ៖ អាជ្ញាធរកំពង់ត្រាច កាលពីព្រឹកថ្ងៃទី១១ មិថុនា បានយកគ្រឿងចក្រមកកាយពង្រីកទីកន្លែង សម្រាប់បូជាអ្នកស្លា.ប់ដោយជំងឺកូវីដ១៩ ស្ថិតនៅចំណុចភ្នំទទឹងថ្ងៃ ស្រុកកំពង់ត្រាច ខេត្តកំពត បន្ទាប់ពីអាជ្ញាធរស្រុកកំពង់ត្រាចរួមនិងស្រុកបន្ទាយមាស បានចុះមកពិនិត្យទីតាំងរួច ។ រីឯភ្នំរាបដែលនៅភូមិស្ដេចគង់ ឃុំស្ដេចគង់ខាងត្បូង ក៏កំណត់ជាទីកន្លែងបូជាសពអ្នកស្លា.ប់ដោយជំងឺកូវីដ១៩ផងដែរ ។
លោកឈុំ ឆៃយ៉ា ប្រធានការិយាល័យធម្មការ និងសាសនាស្រុកកំពង់ត្រាចបានប្រាប់អោយដឹងថា រដ្ឋបាលស្រុកកំពង់ត្រាចរួមទាំងមន្ត្រីពាក់ពន្ធ័ទាំងអស់ បានចុះពិនិត្យមើលផ្ទាល់ទីតាំងភ្នំទទឹងថ្ងៃនេះ ដោយកំណត់យកភ្នំនេះទុកជាកន្លែងបូជាអ្នកស្លា.ប់ដោយជំងឺកូវីដ19។
លោកឈុំ ឆៃយ៉ា និយាយទៀតថា ទីកន្លែងឈូសឆាយសម្រាប់ទុកបូជាសពនេះ មិនមានប៉ះពាល់ដល់លំដ្ឋានប្រជាពលរដ្ឋឡើយ ហើយក៏ក្នុងដីសហគមន៍ព្រៃឈើរបស់រដ្ឋដែរ ។ លោកថា រដ្ឋបាលស្រុកកំពង់ត្រាចបានដាក់ភ្លើងបំភ្លឺពន្លឺព្រះអាទិត្យផងដែរ នៅទីកន្លែងបូជាសព។
ចំណែកស្រុកបន្ទាយមាសវិញ អាជ្ញាធរស្រុកបានកំណត់យកភ្នំរាប នៅភូមិស្ដេចគង់ ឃុំស្ដេចគង់ខាងត្បូង កំណត់យកទីកន្លែងបូជាសពអ្នកស្លា.ប់ដោយជំងឺកូវីដ១៩ដូចគ្នា។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ