ជម្រុញឱ្យខេត្តព្រះសីហនុដាំដើមកោងកាងនៅជុំវិញបរិវេណផ្លូវថ្មី
- ព្រះសីហនុ
ខេត្តព្រះសីហនុ ៖ លោក នេន ចំរើន ប្រធានមន្ទីរកសិកម្មខេត្តព្រះសីហនុបានឲ្យដឹងថា ដោយមានការចង្អុលបង្ហាញពី ឯកឧត្តម គួចចំរើន អភិបាលខេត្តព្រះសីហនុ…
ខេត្តព្រះសីហនុ ៖ លោក នេន ចំរើន ប្រធានមន្ទីរកសិកម្មខេត្តព្រះសីហនុបានឲ្យដឹងថា ដោយមានការចង្អុលបង្ហាញពី ឯកឧត្តម គួចចំរើន អភិបាលខេត្តព្រះសីហនុ…
ខេត្តព្រះសីហនុ ៖ លោក នេន ចំរើន ប្រធានមន្ទីរកសិកម្មខេត្តព្រះសីហនុបានឲ្យដឹងថា ដោយមានការចង្អុលបង្ហាញពី ឯកឧត្តម គួចចំរើន អភិបាលខេត្តព្រះសីហនុ ឲ្យមន្ទីរកសិកម្មរុក្ខាប្រមាញ់និងនេសាទខេត្ត ដាំដើមកោងកាងនៅជុំវិញផ្លូវថ្មីមួយខ្សែ ដែលមានបណ្ដោយប្រវែង ១០៣៤ម៉ែត្រ ទទឹងជាង១០ម៉ែត្រ ដែលមានទីតាំងស្ថិតនៅតំបន់ពយតាមូង ភ្ជាប់ទៅតំបន់កន្ទុយនាគឆ្នេរសុខា ដើម្បីសោភ័ណភាពជាម្លប់ទប់លំនឹងខ្យល់ ការហូរបាក់ច្រោះដី និងជាជម្រកដ៏សំខាន់សម្រាប់មច្ឆជាតិ គ្រប់ប្រភេទពងកូន។
លោកប្រធានមន្ទីរបានបន្តទៀតថា ការដាំដើមកោងកាងគឺមានប្រភេទដើមធំៗជាង២០០ដើម និងនៅមានដាំកូនកោងកាងតូចតូចមួយចំនួនបន្ថែមទៀត ដើម្បីធ្វើយ៉ាងណាឱ្យទីតាំងផ្លូវថ្មីមួយខ្សែនេះ កាន់តែមានសម្រស់ថែមទៀតក្នុងការទាក់ទាញ ភ្ញៀវទេសចរជាតិនិងអន្តរជាតិមកគយគន់ទេសភាពនៅតាមដង ផ្លូវនាមាត់សមុទ្រ ក្រោមការដឹកនាំរបស់រាជរដ្ឋាភិបាលកម្ពុជាជាពិសេសការយកចិត្តទុកដាក់ពីឯកឧត្តម គួច ចំរើនអភិបាលខេត្តព្រះសីហនុ។
សូមបញ្ជាក់ផងដែរថា នៅខេត្តព្រះសីហនុនាពេលបច្ចុប្បន្ន កំពុងមានការអភិវឌ្ឍន៍រីកចម្រើនលើគ្រប់វិស័យក្នុងនោះវិស័យ សំណង់អាគារខ្ពស់ៗរីកស្គុះស្គាយហេដ្ឋារចនាសម្ព័ន្ធផ្លូវថ្នល់ ល្អស្អាតបំពាក់ទៅដោយអំពូលភ្លើងសួនច្បារដាំដើមឈើបំពាក់កាមេរ៉ាសុវត្ថិភាព ដើម្បី មានភាពងាយស្រួលក្នុងការធ្វើដំណើររបស់បងប្អូនប្រជាពលរដ្ឋទាក់ទាញភ្ញៀវទេសចរមកលេងកំសាន្ត ។
ទោះបីបច្ចុប្បន្ន ខេត្តព្រះសីហនុមិនមានភ្ញៀវទេសចរមកលេងច្រើន ដោយសារប្រឈមនឹងជំងឺ កូវីដ១៩ កំពុងឆ្លងរីករាលដាលនៅក្នុងសហគមន៍នៅឡើយ ហើយរដ្ឋបាលខេត្តនៅតែកំពុងអភិវឌ្ឍជាបន្តបន្ទាប់នៅពេលស្ងប់ស្ងាត់នៃជំងឺកូវីដ១៩ ខេត្តព្រះសីហនុនិងស្វាគមន៍ទទួលភ្ញៀវទេសចរទាំងជាតិនិងអន្តរជាតិមកលេងកំសាន្តច្រើនប្រកបទៅដោយសោភ័ណភាពនិងបរិស្ថានល្អ៕
ចែករំលែកព័តមាននេះ