សាលាដំបូងខេត្តចេញមុខបដិសេធរឿងជនម្នាក់អះអាងជាជំនួយការចៅក្រមឆបោកជាង៥ពាន់ដុល្លារ
- បន្ទាយមានជ័យ
សាលាដំបូងខេត្តបន្ទាយមានជ័យ បានបដិសេធពាក់ព័ន្ធនឹងរឿងជនឆបោកជនរងគ្រោះ៣នាក់យកអស់ជាង៥ពាន់ដុល្លារនោះ គឺមិនមែនជា
សាលាដំបូងខេត្តបន្ទាយមានជ័យ បានបដិសេធពាក់ព័ន្ធនឹងរឿងជនឆបោកជនរងគ្រោះ៣នាក់យកអស់ជាង៥ពាន់ដុល្លារនោះ គឺមិនមែនជា
ខេត្តបន្ទាយមានជ័យ ៖ សាលាដំបូងខេត្តបន្ទាយមានជ័យ បានបដិសេធពាក់ព័ន្ធនឹងរឿងជនឆបោកជនរងគ្រោះ៣នាក់យកអស់ជាង៥ពាន់ដុល្លារនោះ គឺមិនមែនជាមន្ត្រីក្រឡាបញ្ជី និងជាជំនួយការរបស់ចៅក្រមនោះទេ គឺគ្រាន់តែជាជនឆបោកប៉ុណ្ណោះ នេះបើយោងតាមសេចក្តីប្រកាសព័ត៌មាន នៅថ្ងៃទី១០ ខែមិថុនា ឆ្នាំ២០២១នេះ។
សេចក្តីប្រកាសព័ត៌មានស្តីពីករណីបុគ្គលឆបោកខាងលើ ឈ្មោះ នី ឆេងឡេង ភេទប្រុស អាយុ២៤ឆ្នាំរស់នៅភូមិក្បាលស្ពាន១ សង្កាត់-ក្រុងប៉ោយប៉ែត ដែលបានតាំងខ្លួនជាក្រឡាបញ្ជី ឬជាជំនួយការផ្ទាល់របស់ចៅក្រមសាលាដំបូងខេត្តបន្ទាយមានជ័យ។
ហើយជនសង្ស័យរូបនេះបានធ្វើសកម្មភាពឆបោកប្រាក់ពីជនរងគ្រោះចំនួន៣នាក់ ១-ឈ្មោះ ស៊ុ ម៉ាលី ភេទស្រី អាយុ២៦ឆ្នាំ ២-ឈ្មោះ វុទ្ធី វណ្ណថា ភេទប្រុស អាយុ២៩ឆ្នាំ ៣-ឈ្មោះ សួន ស៊ីម៉ាប់ ភេទប្រុសអាយុ៤១ឆ្នាំ ដែលរស់នៅសង្កាត់-ក្រុងប៉ោយប៉ែត ដែលត្រូវបានជនឆបោកឈ្មោះ នី ឆេងឡេង ប្រើល្បិច ដោយអះអាងថា ខ្លួនជាក្រឡាបញ្ជីកម្មសិក្សារបស់លោក អាំង ចិន្តា ចៅក្រមសាលាដំបូងខេត្តបន្ទាយមានជ័យ ហើយបានឆបោកលុយពីជនរងគ្រោះចំនួន៣នាក់អស់ចំនួន៥,៣៥០ដុល្លារ ដើម្បីរត់ការដោះស្រាយរឿងក្តី និងធ្វើប្លង់ដី ធ្វើស្លាកលេខរថយន្ត និងដោះស្រាយរឿងក្តីផ្សេងៗទៀត។
ក្រោយពេលជនរងគ្រោះ៣នាក់បានប្តឹងកម្លាំងរាជអាវុធហត្ថក្រុងប៉ោយប៉ែត ដោយមានការណែនាំពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ និងសម្របសម្រួលពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ ក៏បានធ្វើការឃាត់ខ្លូនឈ្មោះ នី ឆេងឡេង ពីបទប្រព្រឹត្តិបទល្មើសឆបោក កាលពីថ្ងៃទី០៩ ខែមិថុនា ឆ្នាំ២០២១ នៅភូមិក្បាលស្ពាន១ សង្កាត់-ក្រុងប៉ោយប៉ែត។
ក្រោយមកជនសង្ស័យ ក៏ត្រូវបានកសាងសំណុំរឿង រួចបញ្ជូនទៅសាលាដំបូងខេត្តបន្ទាយមានជ័យ ដើម្បីចាត់ការតាមច្បាប់ បន្ទាប់ពីស្តាប់ចម្លើយ និងពិនិត្យសំណុំរឿងរួច តំណាងអយ្យការក៏បានធ្វើការចោទប្រកាន់ឈ្មោះ នី ឆេងឡេង ពីបទ(ឆបោក) បទល្មើសព្រហ្មទណ្ឌមានចែង និងផ្តន្ទាទោសតាមមាត្រា៣៧៧ និងមាត្រា៣៧៨ នៃក្រមព្រហ្មទណ្ឌ ហើយបុគ្គលនេះ ក៏ត្រូវបានចៅក្រមស៊ើបសួរសម្រេចឃុំខ្លួនដាក់ពន្ធនាគារខេត្តបន្ទាយមានជ័យ។
គួររំលឹកថា ៖ ហ៊ានមែន! គ្រាន់តែជាជំនួយការចៅក្រមសោះ ដើរបោកពលរដ្ឋយកលុយខ្ទង់ពាន់ដុល្លារ ៕
ចែករំលែកព័តមាននេះ