ខេត្តកំពង់ឆ្នាំង ៖ បុរសវ័យចំណាស់អាយុជាង៧០ឆ្នាំម្នាក់បានបាត់បង់ជីវិត ដោយសារតែឆក់ចរន្តអគ្គិសនី ខណៈគាត់បានយកម៉ូទ័រទៅស្វានដែកបណ្ដាលឱ្យឆ្លងចរន្តអគ្គិសនី ដែលហេតុការណ៍នេះ បានកើតឡើងនៅវេលាម៉ោង១១និង១០នាទីព្រឹកថ្ងៃទី១១ មិថុនា រស់នៅក្នុងភូមិកោះក្របី សង្កាត់ផ្សារឆ្នាំង ក្រុងកំពង់ឆ្នាំង ។
តាមការបញ្ជាក់ពីអាជ្ញាធរមូលដ្ឋានបានឲ្យដឹងថា ជនរងគ្រោះមានឈ្មោះ ទេព ហេង អាយុ៧៦ឆ្នាំ ជាគ្រួសារក្រីក្ររស់នៅជាមួយប្រពន្ធ គ្មានផ្ទះសម្បែង ដោយសុំដីគេសង់ខ្ទមស្នាក់នៅ ។ នៅមុនពេលកើតហេតុ បុរសខាងលើបានយកម៉ូទ័រទៅស្វានដែកដាក់ផ្ទាល់នឹងដី ប៉ុន្តែដោយសារដីមានសភាពសើម គួបផ្សំខ្សែភ្លើងមានមុខដំណរផង ទើបបណ្ដាលឲ្យឆ្លងចរន្តអគ្គិសនីបណ្ដាលឲ្យឆក់ស្លា.ប់តែម្ដង ។
ក្រោយពេលកើតហេតុសមត្ថកិច្ចបានទៅពិនិត្យនិងធ្វើកោសល្យវិច័យឃើញថា បុរសខាងលើពិតជាឆក់ខ្សែភ្លើងស្លា.ប់ពិតប្រាកដមែន ហើយបានប្រគល់សព ទៅក្រុមគ្រួសារធ្វើបុណ្យតាមប្រពៃណី ។ បើតាមអាជ្ញាធរមូលដ្ឋានបានបញ្ជាក់ថា ដោយសារតែគាត់សុំដីគេស្នាក់នៅគ្មានកន្លែងធ្វើបុណ្យ សពខាងលើបានយកមកតម្កល់នៅសាលាបុណ្យភូមិកោះក្របី ដើម្បីធ្វើបុណ្យ តាមប្រពៃណី ក្រោមការជ្រោមជ្រែងពីប្រជាពលរដ្ឋនិងអ្នកជិតខាង និងអាជ្ញាធរមូលដ្ឋាន ៕
ចែករំលែកព័តមាននេះ