បង្ហោះវីដេអូ TikTok ថាចិនរត់ចេញពីកន្លែងធ្វើចត្តាឡីស័ក អភិបាលខណ្ឌដូនពេញ ចុះមករាប់ផ្ទាល់ គ្មានបាត់១នាក់
រាជធានីភ្នំពេញ ៖ លោក សុខ ពេញវុធ អភិបាល នៃគណៈអភិបាលខណ្ឌដូនពេញ នៅព្រឹកថ្ងៃទី១១ មិថុនា ២០២១នេះ…
រាជធានីភ្នំពេញ ៖ លោក សុខ ពេញវុធ អភិបាល នៃគណៈអភិបាលខណ្ឌដូនពេញ នៅព្រឹកថ្ងៃទី១១ មិថុនា ២០២១នេះ…
រាជធានីភ្នំពេញ ៖ លោក សុខ ពេញវុធ អភិបាល នៃគណៈអភិបាលខណ្ឌដូនពេញ នៅព្រឹកថ្ងៃទី១១ មិថុនា ២០២១នេះ បានដឹកនាំកម្លាំង ចុះមកត្រួតពិនិត្យផ្ទាល់ ដល់ទីតាំងកាដ្ឋានក្រុមហ៊ុនសំណង់មួយ ដោយមានការសហការពីខាងក្រុមហ៊ុន ហើយបានហៅកម្មករចេញមក ដើម្បីរាប់ចំនួនជាក់ស្តែង ។
ការចុះរាប់ចំនួនកម្មករនេះ ក្រោយពីទទួលបានព័ត៌មាន ដែលគេបង្ហោះក្នុងបណ្តាញសង្គម Tik Tok ផ្សាយថា មានជនជាតិចិនលួចរត់ចេញពីកន្លែងធ្វើចត្តាឡីស័ក ក្នុងកាដ្ឋានសំណង់ MCC ដែលស្ថិតនៅបឹងកក់ ភូមិទី២ សង្កាត់ស្រះចក ខណ្ឌដូនពេញ ។
កម្លាំងគណបញ្ជាការឯកភាពខណ្ឌដូនពេញ ដឹងនាំដោយលោក សុខ ពេញវុធ អភិបាល នៃគណៈអភិបាលខណ្ឌ លោកវរសេនេយ៍ឯក ទៀង ចាន់សារ អធិការនគរបាលខណ្ឌដូនពេញ លោកនាយប៉ុស្តិ៍នគរបាលស្រះចក បានចុះធ្វើការត្រួតពិនិត្យដល់គោលដៅក្រុមហ៊ុនសំណង់ និងបានស្នើឲ្យអ្នកដែលកំពុងធ្វើចត្តាឡីស័កទាំងអស់ ចេញមក តម្រង់ជួរ ដើម្បីធ្វើការត្រួតពិនិត្យ និងរាប់ចំនួនជាក់ស្តែង ក្រោយពីការរាប់ និងត្រួតពិនិត្យឃើញថា ចំនួនកម្មករទាំងខ្មែរ និងចិនចំនួន ១៩៤នាក់ គ្រប់ចំនួន ពោលគឺពុំមានបាត់ជនជាតិខ្មែរ ឬជនជាតិចិនណាម្នាក់រត់ចេញពីទីតាំងធ្វើចត្តាឡីស័ក ដូចការចុះផ្សាយរបស់គណនី Tik Tok នោះទេ ។
ជាក់ស្តែង តាមការស្រាវជ្រាវឲ្យដឹងថា មានជនបរទេសមួយក្រុម បានជិះរថយន្ត មកឈប់បត់ជើងតូចនៅតំបន់នោះតែប៉ុណ្ណោះ មិនមែនជាជនជាតិចិនរត់ចេញពីកន្លែងចត្តាឡីស័ក នោះទេ ។
ដូច្នេះការបង្ហោះព័ត៌មានក្នុង Tik Tok ជាការបង្ហោះបំភ្លៃ ខុសការពិត ដែលធ្វើអោយប៉ះពាល់ដល់សណ្តាប់ធ្នាប់សាធារណៈ និងសន្តិសុខសង្គម ពេលនេះសមត្ថកិច្ចជំនាញ នៃស្នងការដ្ឋាននគបាលរាជធានីភ្នំពេញ និងគណៈបញ្ជាកាឯកភាពរដ្ឋបាលខណ្ឌ នឹងធ្វើការស្រាវជ្រាវស្វែងរកម្ចាស់គណនី Tik Tok ដែលបង្ហោះព័ត៌មានមិនពិតនេះចាត់ការតាមនិតិវិធីច្បាប់ ដោយមិនមានការលើកលែងឡើយ ។ សូមផ្សព្វផ្សាយតែព័ត៌មានពិត និងលុបបំបាត់ឲ្យបាន នូវព័ត៌មានមិនពិត ៕
ចែករំលែកព័តមាននេះ