រាជធានីភ្នំពេញ ៖ ប្រទេសកម្ពុជា និងថៃ ធ្លាប់បានកំណត់ផែនការក្នុងការសម្រេចឱ្យបាននូវទំហំពាណិជ្ជកម្មទ្វេភាគីឱ្យបាន១៥ពាន់លានដុល្លាអាមេរិក នៅក្នុងឆ្នាំ២០២០ប៉ុន្តែដោយសារតែស្ថានភាពកូវីដ១៩ ភាគីទាំងក៏បរាជ័យនូវផែនការនេះ តែភាគីទាំងពីរនៅតែមានឆន្ទៈក្នុងការជំរុញទំហំពាណិជ្ជកម្មៃប្រទេសទាំងពីរឱ្យបានឱ្យ១៥ពាន់លានដុល្លារអាមេរិកក្នុងពេលខាងមុខនេះ ។
ក្នុងជំនួបរវាងលោកប្រាក់សុខុន រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិ កម្ពុជា និងលោកដន ប្រាម៉ាត់វិណៃ រដ្ឋមន្ត្រីការបរទេសថៃកាលពីពេលថ្មីៗនេះ ក៏បានពិភាក្សាពីការធ្វើពាណិជ្ជកម្មរវាងប្រទេសទាំងនោះនិងត្រូវជំរុញឱ្យទំហំពាណិជ្ជកម្មរវាងភាគីទាំងពីរ សម្រេចឱ្យបាន១៥ពាន់លានដុល្លារអាមេរិកនៅពេលខាងមុខនេះ ។
លោកឧបនាយករដ្ឋមន្ត្រី ប្រាក់ សុខុន បានសម្តែង នូវការកោតសរសើរចំពោះប្រទេសថៃ ដែលបានផលិតវ៉ាក់ សាំងដោយជោគ ជ័យ និងថ្លែងអំណរគុណចំពោះរាជ រដ្ឋាភិបាលថៃ ព្រម ទាំង វិស័យឯកជន ដែលបានផ្តល់ ជំនួយដល់កម្ពុជាក្នុងការប្រយុទ្ធប្រឆាំង និងការគ្រប់គ្រងការផ្ទុះ ឡើងនៃជំងឺកូវីដ-១៩ ព្រមទាំង បានយកចិត្តទុកដាក់ ថែទាំសុខុមាលភាពប្រជាជនកម្ពុជា ដែល កំពុងធ្វើការ និងរស់នៅក្នុងប្រទេសថៃ ។
ដើម្បីសម្រេចបាននូវគោលដៅពាណិជ្ជកម្មទ្វេភាគីចំនួន ១៥ ពាន់លានដុល្លារ ដែលត្រូវបានកំណត់ដោយ នាយករដ្ឋមន្ត្រីនៃប្រទេសទាំងពីរនៅកិច្ច ប្រជុំចង្អៀតគណៈរដ្ឋមន្ត្រីរួមលើកទី៣ កាលពីខែកញ្ញា ឆ្នាំ២០១៧ រដ្ឋមន្ត្រីការបរទេស ទាំងពីរបានលើកទឹកចិត្តឱ្យអាជ្ញាធរពាក់ព័ន្ធនៃភាគីទាំង ពីរខិតខំទ្វេដង ដើម្បីសម្របសម្រួលលំហូរពាណិជ្ជកម្ម នៅតាមប៉ុស្តិ៍ត្រួតពិនិត្យព្រំដែន។ ភាគីទាំងពីរបានឯកភាពនឹងរៀបចំកិច្ចប្រជុំគណៈ កម្មការចម្រុះទ្វេភាគីកម្ពុជា-ថៃ លើក១១ នៅចុង ឆ្នាំ ២០២១ ឬដើម ឆ្នាំ ២០២២ នៅកម្ពុជា ហើយសង្ឃឹមថា កិច្ចប្រជុំនេះនឹងអាចរៀបចំ ដោយមានការចូលរួមដោយផ្ទាល់ ។
បន្ទាប់ពីភាគីបានកំណត់ផែនការបង្កើនទំហំពាណិជ្ជកម្មទ្វេភាគីឱ្យបាន១៥ពាន់លានដុល្លារមក ឃើញថាភាគីទាំងពីរបានបង្កើនសកម្មភាពដោយបានបើកច្រកព្រំដែនបន្ថែមថ្មីដើម្បីសម្រួលដល់ការនាំចេញនាំ ចូលទំនិញរវាងគ្នាទៅវិញទៅមក ប៉ុន្តែដោយសារតែស្ថានភាពកូវី១៩ ធ្វើឱ្យការកំណត់ត្រូវបរាជ័យ ៕
ចែករំលែកព័តមាននេះ