ពលក.ម្មកុមារបានកើនឡើងជាលើកដំបូង នៅក្នុងរយៈពេល២ទសវត្សរ៍
អន្តរជាតិ ៖ អង្គការសហប្រជាជាតិបានលើកឡើងនៅថ្ងៃទី១០ ខែមិថុនា ឆ្នាំ២០២១ នេះថា ពិភពលោកបានកត់សម្គាល់អំពីការ
អន្តរជាតិ ៖ អង្គការសហប្រជាជាតិបានលើកឡើងនៅថ្ងៃទី១០ ខែមិថុនា ឆ្នាំ២០២១ នេះថា ពិភពលោកបានកត់សម្គាល់អំពីការកើនឡើងពលក.ម្មកុមារជាលើកដំបូង នៅក្នុងរយៈពេល២ទសវត្សរ៍។ ហើយវិបត្តិជំងឺឆ្លងកូវីដ១៩ កំពុងគំរា.មកំហែង ក៏ដូចជាជំរុញកុមារៗរាប់លាននាក់បន្ថែមទៀត ឱ្យមានវាសនាដូចគ្នា។
របាយការណ៍រួមមួយរបស់អង្គការពលកម្មអន្តរជាតិ (ILO) និងទីភ្នាក់ងារកុមារអង្គការយូនីសេហ្វ (UNICEF) បានបង្ហាញថា ចំនួនពលក.ម្មកុមារមាន១៦០លាននាក់ នៅដើមឆ្នាំ២០២០ ដែលជាការកើនឡើងរហូតដល់៨,៤លាននាក់ ក្នុងរយៈពេល៤ឆ្នាំកន្លងមក។
ការកើនឡើងនេះ បានចាប់ផ្តើមមុនពេលមានការរីករាលដាលកូវីដ១៩ ទៅទៀត។ ដែល ជាសញ្ញាផ្ទុយស្រឡះនៃនិន្នាការធ្លាក់ចុះ ដែលបានរកឃើញចំនួនពលកម្មកុមារធ្លាក់ចុះ៩៤លាននាក់ នៅចន្លោះឆ្នាំ២០០០ និងឆ្នាំ២០១៦ ។
នៅពេលវិបត្តិកូវីដ១៩ ចាប់ផ្តើមដំបូង កុមារ១នាក់ក្នុងចំណោម១០នាក់នៅទូទាំងពិភពលោក បានបង្ខំចិត្តធ្វើការ។ ក្នុងនោះ អនុតំបន់សាហារ៉ានៃទ្វីបអាហ្វ្រិក ទទួលរងផលប៉ះពាល់ខ្លាំងបំផុត។
នៅក្នុងរបាយការណ៍បានព្រមានថា ប្រសិនបើគ្មានវិធានការបន្ទាន់ ដើម្បីជួយគ្រួសារដែលធ្លាក់ចូលក្នុងភាពក្រីក្រនោះទេ។ កុមារជិត៥០លាននាក់ផ្សេងទៀត អាចត្រូវបានបង្ខំឱ្យធ្វើការក្នុងរយៈពេល២ឆ្នាំខាងមុខ។ ហើយប្រសិនបើការប៉ាន់ស្មានចុងក្រោយនៃភាពក្រីក្រកើនឡើង ដោយសារការរីករាលដាលនៃជំងឺកូវីដ១៩។ កុមារចំនួន៩លាននាក់ផ្សេងទៀត នឹងត្រូវបង្ខំឱ្យធ្វើការនៅចុងឆ្នាំ២០២២ ។
លោកស្រី Henrietta Fore ប្រធានអង្គការយូនីសេហ្វបានប្រាប់អ្នកសារព័ត៌មានថា «យើងកំពុងបាត់បង់ជំហ៊ានក្នុងការប្រយុទ្ធប្រឆាំង ដើម្បីបញ្ចប់ពលក.ម្មកុមារ»។
លោកស្រីបានសង្កត់ធ្ងន់ថា «វិបត្តិរបស់កូវីដ១៩ កំពុងធ្វើឱ្យស្ថានការណ៍កាន់តែអាក្រក់ទៅៗ។ ហើយប្រសិនបើការគាំពារសង្គមថយចុះពីកម្រិតបច្ចុប្បន្ន ដោយសារវិធានការរឹតត្បិត និងកត្តាដទៃទៀត។ នោះចំនួនកុមារដែលធ្លាក់ចូលក្នុងពលក.ម្មកុមារ អាចកើនឡើង៤៦លាននាក់នៅដំណាច់ឆ្នាំក្រោយ»។
សូមបញ្ជាក់ថា របាយការណ៍ដែលត្រូវបានបោះពុម្ពផ្សាយរៀងរាល់៤ឆ្នាំម្តង បានបង្ហាញថា កុមារដែលកំពុងធ្វើការមានអាយុចន្លោះពី៥ឆ្នាំ ទៅ១១ឆ្នាំ ដែលនេះជាចំនួនជាងពាក់កណ្តាលនៃតួលេខជាសកល៕ (ដកស្រង់ចេញពី France24)
ចែករំលែកព័តមាននេះ