តាមឃាត់ខ្លួនបុរសខ្មែរ-អ៊ិស្លាមម្នាក់តាមដីកាដល់ភ្នំពេញ ពីបទលួចលក់អចលនវត្ថុអ្នកដទៃ
- ភ្នំពេញ
រាជធានីភ្នំពេញ ៖ បុរសជាជនជាតិខ្មែរ-អ៊ិស្លាមម្នាក់ ត្រូវបានកម្លាំងនគរបាលការិយាល័យ ព្រហ្មទណ្ឌកំរិតធ្ងន់នៃស្នងការដ្ឋាន
រាជធានីភ្នំពេញ ៖ បុរសជាជនជាតិខ្មែរ-អ៊ិស្លាមម្នាក់ ត្រូវបានកម្លាំងនគរបាលការិយាល័យ ព្រហ្មទណ្ឌកំរិតធ្ងន់នៃស្នងការដ្ឋាន
រាជធានីភ្នំពេញ ៖ បុរសជាជនជាតិខ្មែរ-អ៊ិស្លាមម្នាក់ ត្រូវបានកម្លាំងនគរបាលការិយាល័យ ព្រហ្មទណ្ឌកំរិតធ្ងន់នៃស្នងការដ្ឋាន នគរបាលខេត្តកំពង់ឆ្នាំងស្រាវជ្រាវ ហើយឈានទៅឃាត់ខ្លួន តាមដិការបង្គាប់អោយចាប់ខ្លួន របស់សាលាដំបូងខេត្តកំពង់ឆ្នាំង ពីបទ លួចលក់អចលនវត្ថុអ្នកដទៃ ។
ការឃាត់ខ្លួនជនសង្ស័យតាមដីកាបង្គាប់ខាងលើនេះ ធ្វើឡើងកាលពីវេលាម៉ោងប្រមាណ១១និង៣០នាទីព្រឹកថ្ងៃទី៩ ខែមិថុនា ឆ្នាំ២០២១ នៅចំនុចផ្លូវជាតិលេខបេតុងភូមិ ៣ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ ដោយមានការសហការពីនគរបាលខណ្ឌឬស្សីកែវ ផងដែរ។
ជនសង្ស័យដែលត្រូវចាប់ខ្លួនខាងលើឈ្មោះ ឯល រ៉សាត ភេទប្រុស អាយុ៤០ឆ្នាំ ជនជាតិខ្មែរ-អ៊ិស្លាម មុខរបរលក់ដូរ ស្នាក់នៅផ្ទះលេខ២៣ ផ្លូវបេតុង ភូមិ៣ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ ។
តាមនគរបាលខណ្ឌឬស្សីកែវបានអោយដឹងថា ការចាប់ខ្លួនគឺអនុវត្តន៍តាមដីកាបង្កាប់ឲ្យចាប់ខ្លួនលេខ១២០/២១ របស់ចៅក្រមស៊ើបសួរលោក ថាន់ ឡេង ចុះថ្ងៃទី២ ខែមិថុនា ឆ្នាំ២០២១ ពីបទ លួចលក់អចលនវត្ថុអ្នកដទៃ ប្រព្រឹត្តនៅភូមិស្វាយក្រោម ឃុំតាជេស ស្រុកកំពង់ត្រឡាច ខេត្តកំពង់ឆ្នាំង កាលពីអំឡុងខែកុម្ភ: ឆ្នាំ២០២០។
តាមព័ត៌មានអោយដឹងថា កាលដើមឡើយ ជនដែលត្រូវបានចាប់ខ្លួនស្នាក់នៅខេត្តកំពង់ឆ្នាំង ហើយបានប្រព្រឹត្តបទល្មើសលួចលក់អចលនវត្ថុអ្នកដ៍ទៃរួចក៏បានគេចខ្លួន ។ លុះក្រោយមក ត្រូវបានម្ចាស់គេដាក់ពាក្យបណ្តឹង ទៅសាលាដំបូងខេត្តកំពង់ឆ្នាំង ហើយ ត្រូវបានតុលាការចេញដីកាបង្គាប់អោយចាប់ខ្លួន និងបានបញ្ជាដល់កងកម្លាំងសាធារណៈអោយស្រាវជ្រាវចាប់និងនាំខ្លួន ឈ្មោះឯល រ៉សាត មកសាលាដំបូងខេត្តកំពង់ឆ្នាំងដើម្បី ចាត់ការតាមច្បាប់ ។ ដោយមានការស្រាវជ្រាវពីនគរបាលការិយាល័យព្រហ្មទណ្ឌកំរិតធ្ងន់នៃស្នងការដ្ឋាន នគរបាលខេត្តកំពង់ឆ្នាំង ទើបលោកវរៈសេនីយ៍ឯក ឌុច ចំរើន ជានាយការិយាល័យ បានដឹកនាំកម្លាំងចុះទៅសហការអនុវត្តន៍ដីកាបង្គាប់អោយចាប់ខ្លនតែម្តង។
ជនដែលត្រូវចាប់ខ្លួន ត្រូវបាននគរបាលបញ្ជូនទៅកាន់ស្នងការដ្ឋានខេត្តកំពង់ឆ្នាំង ដើម្បីចាត់ការតាមច្បាប់៕
ចែករំលែកព័តមាននេះ