មិនយកជាសត្រូវ! តែ ម៉ន សាម៉េត ដាច់អហង្ការមិនប្រកួតជាមួយ វៀត ប៊ុនឌឿន
- ភ្នំពេញ
រាជធានីភ្នំពេញ ៖ ដ្បិតតែមានការពន្យល់ និងសំណើរអោយមានការប្រកួតសាជាថ្មីជាមួយគ្នា តែជំហរចុងក្រោយរបស់ម្ចាស់ខ្សែក្រ
រាជធានីភ្នំពេញ ៖ ដ្បិតតែមានការពន្យល់ និងសំណើរអោយមានការប្រកួតសាជាថ្មីជាមួយគ្នា តែជំហរចុងក្រោយរបស់ម្ចាស់ខ្សែក្រវ៉ាត់២គ្រឿង និងជាម្ចាស់ពានរង្វាន់ អមដោយមេដៃរាប់មិនអស់ គឺកីឡាករខ្លាចាស់កំពូលល្បិច ម៉ន សាម៉េត បានអះអាងថា ខ្លួននឹងមិនឡើងរេញ ប្រកួតជាមួយកីឡាករ វៀត ប៊ុនឌឿន ទៀតទេ បើទោះជាផ្ដល់តម្លៃអោយក្នុងមួយប្រកួតប៉ុន្មានក៏ដោយ។ មានហេតុផលធំមួយ ដែលធ្វើអោយលោកត្រូវតែរើសអើងកីឡាកររូបនោះ បើទោះជាលោកអះអាងថា នឹងមិនយកកីឡាករ វៀត ប៊ុនឌឿន ធ្វើសត្រូវនៅក្រៅសង្វៀន។
កីឡាករ ម៉ន សាម៉េត និយាយដដែលជាដដែលអមដោយការប្រកាសជាសាធារណៈថា «ចាប់ពីថ្ងៃនេះត រូបខ្ញុំ ម៉ន សាម៉េត ឈប់ទទួលការប្រកួតជាមួយនិងកីឡាករ វៀត ប៊ុនឌឿន តទៅទៀត ហើយមិនថាប្រកួតដាក់ពាន ដាក់ប្រាក់លាន រឺប្រកួតដណ្ដើមខ្សែរក្រវ៉ាត់ក៍ដោយ។ ទោះបីជាប្អូន វៀត ប៊ុនឌឿន នៅតែមិនទាន់អស់ចិត្តក៍ដោយ ក៍ខ្ញុំឈប់ឡើងប្រកួតជាមួយនឹងគាត់ទៀតដែរ ដោយមូលហេតុ-ដោយសារតែមានហ្វេនៗអ្នកគាំទ្រ វៀត ប៊ុនឌឿន មួយចំនួនតូចលេងComment ជេរពុកម៉ែរបស់ខ្ញុំ ដែលគាត់ចាស់ៗហើយនៅផ្ទះមិនដឹង។ អីចឹងហើយកុំអោយគាត់ពិបាកចិត្តតទៅទៀត ពុករបស់ខ្ញុំបានប្រាប់ខ្ញុំថាអោយឈប់ឡើងប្រកួតជាមួយគាត់ទៀតទៅ។ កិច្ចសន្យាឈប់ប្រកួតគ្នាជាមួយខ្ញុំម៉ន សាម៉េត និងប្អូន វៀត ប៊ុនឌឿន ចូលជាធរមាន និងផ្លូវការ ព្រែកឯង ថ្ងៃទី៨ ខែ មិថុនា ឆ្នាំ ២០២១ វេលាម៉ោង១និង៣០តទៅហត្ថលេខា និងស្នាមមេដៃម៉ន សាម៉េត។ សូមបងប្អូនអ្នកដែលស្នេហានូវវិស័យកីឡារប្រដាល់សូមចូលរួមធ្វើជាសាក្សីផង ។ សូមអរព្រះគុណនិងអរគុណ។ សូមបងប្អូនអ្នកស្នេហាគុនខ្មែរបើកចិត្តអោយទូលាយចូលរួមរិះគន់ដើម្បីស្ថាបនា កុំរិះគន់បែបជាន់ពន្លិចអី ខ្ញុំប្រកួតឈ្នះក៍ជេរ ចាញ់ក៍ជេរ ស្មើរក៍ជេរ។ ពេលខ្លះខ្ញុំបាក់ទឹកចិត្ដសឹងតែបោះបង់គុនខ្មែរម្ដងៗដែរខ្ញុំសឹងតែមិនយល់ថាបងប្អូនមួយចំនួនតូចចង់បានពីអ្វីពីខ្ញុំទេ»។
ការប្រកាសរបស់លោក គឺបន្ទាប់ពីអ្នកទាំងពីរឡើងប្រកួតជាមួយគ្នាចំនួន៦ដងកន្លងមក ហើយម៉ន សាម៉េត ឈ្នះ៥លើក និង ស្មើមួយលើកចុងក្រោយ ហើហក្រោយបញ្ចប់ការប្រកួតនីមួយៗ គឺអ្នកគាំទ្រតែងយល់ថា លទ្ធផលមិនស្មើភាព និង មានការជេរប្រទិចទៅ ម៉ន សាម៉េត ជាប្រចាំ ខណៈដែលហ្វេនៗរបស់អ្នកទាំងពីរ ត្រូវគេឃើញជេរគ្នាទៅវិញទៅមក បង្កើតជាសង្គ្រាមពាក្យសម្ដីនៅលើហ្វេសប៊ុកផង។ ហ្វេនៗទាំងនេះ ហាក់បញ្ឆេះអោយ កីឡាករទាំងពីរក្លាយជាសត្រូវនឹងគ្នា តែស្ថានភាពតានតឹងត្រូវបានធូរស្រាល បន្ទាប់ពីកីឡាករ ម៉ន សាម៉េត និង វៀត ប៊ុនឌឿន បានចុះកិច្ចសន្យាមួយរួមគ្នា ដោយឈប់ឡើងប្រកួតជាមួយគ្នា ដើម្បីផ្ញើជូនទៅសហព័ន្ធ និង ជូនទៅបណ្ដាប៉ុស្តិ៍ អោយមានការជឿជាក់ថា ពួកគេពិតជាឈប់ប្រកួតនឹងគ្នាមែន និងកុំអោយយល់ថាការប្រកាសរបស់ ម៉ន សាម៉េត គ្រាន់តែទាក់ទាញការចាប់អារម្មណ៍។
កីឡាករ ម៉ន សាម៉េត និយាយថា បើលោក មិមឈប់ប្រកួតជាមួយ វៀត ប៊ុនឌឿនទេ គឺថ្ងៃណាមួយពិតជាលោក និង វៀត ប៊ុនឌឿន នឹងក្លាយជាសត្រូវនឹងគ្នា ដោយសារតែការតវ៉ាជាមួយហ្វេនៗជាមិនខាន តែបើលែងមានការប្រកួតជាមួយគ្នា ទើបការតតាំងទាំងឡាយត្រូវបានបញ្ចប់។ ការប្រកាសរបស់លោកបានធ្វើអោយហ្វេនៗស្ងប់ចិត្តលែងបញ្ចេញមតិ ប៉ុន្តែអ្នកតាមដានកីឡាក៏បង្ហាញការសោកស្ដាយផងដែរ ដែលអ្នកទាំងពីរឈប់ឡើងប្រកួតជាមួយគ្នា៕
ចែករំលែកព័តមាននេះ