កក្រើកពិភពលោក! អ្នកម្តាយអាហ្វ្រិកខាងត្បូង១រូប ផ្តល់កំណើតកូនភ្លោះរហូតដល់១០នាក់
អាហ្វ្រិកខាងត្បូង ៖ អ្នកមា្តយអាយុ៣៧ឆ្នាំម្នាក់ នៅអាហ្វ្រិកខាងត្បូង បានធ្វើឱ្យកក្រើកពិភពលោក ក្រោយផ្តល់កំណើតកូនភ្លោះ
អាហ្វ្រិកខាងត្បូង ៖ អ្នកមា្តយអាយុ៣៧ឆ្នាំម្នាក់ នៅអាហ្វ្រិកខាងត្បូង បានធ្វើឱ្យកក្រើកពិភពលោក ក្រោយផ្តល់កំណើតកូនភ្លោះ
អាហ្វ្រិកខាងត្បូង ៖ អ្នកមា្តយអាយុ៣៧ឆ្នាំម្នាក់ នៅអាហ្វ្រិកខាងត្បូង បានធ្វើឱ្យកក្រើកពិភពលោក ក្រោយផ្តល់កំណើតកូនភ្លោះរហូតដល់១០នាក់ក្នុងពេលតែមួយ។ ដែលត្រូវបានគេមើលឃើញថា នឹងត្រៀមខ្លួនក្លាយជាម្ចាស់ឯតទគ្គកម្មពិភពលោក Guinness World Record ថ្មី។ គួររំលឹកថា កក្រើកពិភពលោក! អ្នកម្តាយជនជាតិម៉ាលីម្នាក់ ផ្តល់កំណើតកូនភ្លោះ៩នាក់
អ្នកម្តាយ Gosiame Thamara Sithole គឺជាអ្នកស្រុក Tembisa ក្នុងទីក្រុង Johannesburg បានផ្តល់កំណើតដល់កូនប្រុស៧នាក់ និងកូនស្រី៣នាក់ ដោយសុវត្ថិភាព ក្រោយការវះកាត់នៅឯមន្ទីរពេទ្យមួយក្នុងទីក្រុង Pretoria ។
បើតាមសម្តីរបស់លោក Teboho Tsotetsi ដែលត្រូវជាប្តីបានប្រាប់ Pretoria News ថា លទ្ធផលស្កេនបំបូងបានបង្ហាញថា មានតែកូនភ្លោះចំនួន៨ប៉ុណ្ណោះ នៅក្នុងស្បូន។ ប៉ុន្តែគ្រប់គ្នាភ្ញាក់ផ្អើលយ៉ាងខ្លាំង ក្រោយការវះកាត់ គឺមានកូនភ្លោះរហូតដល់១០នាក់។
បុរសដដែលបានបន្ថែមទៀតថា មុនផ្តល់កំណើតដល់កូន១០នាក់ដ៏ភ្ញាក់ផ្អើលនេះ ប្រពន្ធរបស់គាត់ក៏ធ្លាប់សម្រាលបានកូនភ្លោះផងដែរ។ ដែលមកដល់ពេលនេះ ពួកគេមានអាយុ៦ឆ្នាំហើយ។
ដោយឡែក Guinness World Records បានប្រាប់ BBC ថា ខ្លួនកំពុងពិនិត្យដោយហ្មត់ចត់លើករណីរបស់លោកស្រី Sithole ។
សូមរំលឹកថា កំណត់ត្រាពិភពលោកក្នុងសៀវភៅ Guinness World Record ក្នុងនាមជាអ្នកម្តាយដែលផ្តល់កំណើតកូនភ្លោះច្រើនបំផុតលើលោក ដោយលោកស្រី Nadya Suleman ជនជាតិអាមេរិក ដែលបានផ្តល់កំណើតកូនភ្លោះ៨នាក់ (Octuplets) កាលពីឆ្នាំ២០០៩។
ប៉ុន្តែកាលពីខែឧសភា ឆ្នាំ២០២១ កន្លងទៅ អ្នកមា្តយ Halima Cisse ជនជាតិម៉ាលីអាយុ២៥ឆ្នាំ បានផ្តល់កំណើតដល់កូនភ្លោះចំនួន៩នាក់ (Nonuplets) ដោយសុវត្ថិភាពនៅមន្ទីពេទ្យមួយក្នុងប្រទេសម៉ារ៉ុក។ តែពុំទាន់បានប្រកាសចូលក្នុងសៀវភៅ Guinness World Record ក្នុងការបំបែកកំណត់ត្រាលោកស្រី Nadya Suleman នៅឡើយទេ៕ (ដកស្រង់ចេញពី BBC)
ចែករំលែកព័តមាននេះ