ដើម្បីអាចទស្សនាការប្រកួត Euro 2020 នៅកីឡដ្ឋាន Wembley អ្នកគាំទ្រចាំបាច់ត្រូវធ្វើរឿងសំខាន់២
អង់គ្លេស ៖ អ្នកគាំទ្រដែលចូលរួមទស្សនាការប្រកួតក្នុងព្រឹត្តិការណ៍ Euro 2020 របស់ក្រុមជម្រើសជាតិអង់គ្លេស នៅឯកីឡដ្ឋាន
អង់គ្លេស ៖ អ្នកគាំទ្រដែលចូលរួមទស្សនាការប្រកួតក្នុងព្រឹត្តិការណ៍ Euro 2020 របស់ក្រុមជម្រើសជាតិអង់គ្លេស នៅឯកីឡដ្ឋាន
អង់គ្លេស ៖ អ្នកគាំទ្រដែលចូលរួមទស្សនាការប្រកួតក្នុងព្រឹត្តិការណ៍ Euro 2020 របស់ក្រុមជម្រើសជាតិអង់គ្លេស នៅឯកីឡដ្ឋានជាតិ Wembley នឹងត្រូវបង្ហាញប័ណ្ណបញ្ជាក់ការចាក់វ៉ាក់សាំងបង្កាកូវីដ១៩ ឬការធ្វើតេស្តអវិជ្ជមានមុនពេលចូលកីឡដ្ឋាន។
UEFA បានលើកឡើងថា អ្នកកាន់សំបុត្រមានមូលដ្ឋាននៅចក្រភពអង់គ្លេស ដែលមានអាយុចាប់ពី១១ឆ្នាំឡើងទៅ ត្រូវបង្ហាញប័ណ្ឌបញ្ជាក់ការចាក់វ៉ាក់សាំងពេញលេញចំនួន២ដូស យ៉ាងហោចណាស់១៤ថ្ងៃ មុនការប្រកួតមកដល់។ ចំណែកអ្នកមិនបានចាក់វ៉ាក់សាំងពេញលេញ ត្រូវតែបង្ហាញភស្តុតាងលទ្ធផលការធ្វើតេស្តអវិជ្ជមាន ដែលត្រូវបានធ្វើក្នុងរយៈពេល៤៨ម៉ោង មុនពេលអាចចូលក្នុងកីឡដ្ឋាន។
អង់គ្លេស នឹងបើកទ្វារកីឡដ្ឋាន Wembley ទទួលស្វាគមន៍ក្រូអាត សម្រាប់ការប្រកួតបើកឆាកក្នុងពូល D នាថ្ងៃទី១៣ ខែមិថុនា ឆ្នាំ២០២១ ខាងមុខនេះ។
ទោះយ៉ាងណាក៏ដោយ អ្នកកាន់សំបុត្រសម្រាប់ការប្រកួតដែលធ្វើឡើងនៅឯកីឡដ្ឋាន Hampden Park នឹងមិនតម្រូវឱ្យបង្ហាញប័ណ្ណបញ្ជាក់ការចាក់វ៉ាក់សាំង ឬលទ្ធផលធ្វើតេស្តអវិជ្ជមានកូវីដ១៩ នោះទេ។
កីឡដ្ឋាន Wembley និង Hampden Park ស្ថិតក្នុងចំណោមទីលានចំនួន១១នៅទូទាំងទ្វីបអ៊ឺរ៉ុប ដែលទទួលសិទ្ធិធ្វើជាម្ចាស់ផ្ទះព្រឹត្តិការណ៍ Euro 2020 ។
Wembley នឹងទទួលអ្នកគាំទ្រប្រមាណ២២,៥០០នាក់ ស្មើនឹង២៥ភាគរយ នៃសមត្ថភាពផ្ទុកអ្នកទស្សនារបស់ខ្លួន សម្រាប់ការប្រកួតក្នុងពូល D ដែលរួមមាន អង់គ្លេស ក្រូអាត ស្កុតឡែន និងសាធារណរដ្ឋឆែក។ ហើយកីឡដ្ឋាននេះ ក៏នឹងត្រូវរៀបចំសម្រាប់ការប្រកួតវគ្គ១៦ក្រុមចុងក្រោយ វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រផងដែរ៕ (ដកស្រង់ចេញពី BBC)
ចែករំលែកព័តមាននេះ