រុស្ស៊ីផ្ទុះកំហឹងប្តឹងទៅ UEFA ពាក់ព័ន្ធអាវថ្មីរបស់ក្រុមជម្រើសជាតិអ៊ុយក្រែន
រុស្ស៊ី ៖ ប្រទេសរុស្ស៊ីផ្ទុះកំហឹង និងបានផ្ញើលិខិតបណ្តឹងមួយទៅកាន់អង្គភាពគ្រប់គ្រងបាល់ទាត់អ៊ឺរ៉ុប UEFA ជុំវិញអ្វីដែលទីក្រុងម៉ូស្គូ
រុស្ស៊ី ៖ ប្រទេសរុស្ស៊ីផ្ទុះកំហឹង និងបានផ្ញើលិខិតបណ្តឹងមួយទៅកាន់អង្គភាពគ្រប់គ្រងបាល់ទាត់អ៊ឺរ៉ុប UEFA ជុំវិញអ្វីដែលទីក្រុងម៉ូស្គូបានអះអាងថា អាវថ្មីរបស់ក្រុមជម្រើសជាតិអ៊ុយក្រែន សម្រាប់ព្រឹត្តិការណ៍ Euro 2020 ជាប់ពាក់ព័ន្ធនឹងនយោបាយ។
សហព័ន្ធកីឡាបាល់ទាត់រុស្ស៊ី (RFS) បានចោទប្រកាន់លើអាវថ្មីរបស់អ៊ុយក្រែន បានប្រឆាំងនឹងគោលការណ៍មូលដ្ឋានរបស់ UEFA។ ដោយមានបង្ហាញពីផែនទីរួមបញ្ចូលតំបន់គ្រីមៀ (Crimean)។ បូករួមនឹងពាក្យស្លោកថា «ភាពរុងរឿងនៃអ៊ុយក្រែន» នៅផ្នែកខាងក្រោយនៃកអាវ។
ប្រទេសរុស្ស៊ីបានបញ្ចូលឧបទ្វីបគ្រីមៀពីប្រទេសអ៊ុយក្រែនក្នុងឆ្នាំ ២០១៤ ហើយបានចាត់ទុកតំបន់នោះថា ជាផ្នែកមួយនៃទឹកដីរបស់ខ្លួន ប៉ុន្តែវាត្រូវបានបដិសេធដោយអន្តរជាតិ៕
ទោះយ៉ាងណា ស្ថាប័ន UEFA បានចេញមកបញ្ជាក់ប្រាប់ BBC ថា អាវថ្មីរបស់ក្រុមជម្រើសជាតិអ៊ុយក្រែន ត្រូវបានអនុម័តពី UEFA ដោយអនុលោមតាមបទប្បញ្ញត្តិនៃឧបករណ៍ដែលអាចអនុវត្តបាន។
តាមរយៈអ្នកនាំពាក្យក្រសួងការបរទេសរុស្ស៊ី លោកស្រី Maria Zakharova និងសមាជិកសភារុស្ស៊ីលោក Dmitry Svishchev នៅតែបញ្ជាក់ថា រុស្ស៊ីមិនពេញចិត្តយ៉ាងខ្លាំង ចំពោះការសម្រេចចិត្តរបស់ UEFA ។ ហើយជំរុញឱ្យ UEFA ត្រូវតែចាត់វិធានការពាក់ព័ន្ធនឹងបញ្ហានេះ៕
ចែករំលែកព័តមាននេះ