ខេត្តបន្ទាយមានជ័យ ៖ មន្ត្រីកសិកម្មថាខេត្តបន្ទាយមានជ័យប្រជាកសិករដាំដំណាំល្មើរប្រមាណជាង១០ហិកតា ដែលប្រមូលផលប្រមាណជិត៣ហិកតា ដែលតំលៃអាចទាបជាងឆ្នាំមុន។ លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់…
ខេត្តបន្ទាយមានជ័យ ៖ មន្ត្រីកសិកម្មថាខេត្តបន្ទាយមានជ័យប្រជាកសិករដាំដំណាំល្មើរប្រមាណជាង១០ហិកតា ដែលប្រមូលផលប្រមាណជិត៣ហិកតា ដែលតំលៃអាចទាបជាងឆ្នាំមុន។
លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ បានប្រាប់ថ្ងៃទី០៨ មិថុនា ឆ្នាំ២០២១ថា នៅខេត្តបន្ទាយមានជ័យ បងប្អូនប្រជាកសិករកំពុងនាំគ្នាដាំដំណាំល្មើរហូតដល់ឆ្នាំ២០២១នេះ មានប្រមាណជាង១០ហិកតា ហើយដែលប្រមូលផលមានប្រមាណជិត៣ហិកតា ដែលដាំមានចំណុចខាងលិចភ្នំកងវ៉ាក្រុងសិរីសោភ័ណដែលទទួលផល៣ឆ្នាំហើយ និងស្រុកស្វាយចេកបានទទួលផល២ឆ្នាំ ស្រុកថ្មពួកដាំឆ្នាំក្រោយអាចទទួលផល ស្រុកម៉ាឡៃទើបដាំអាច២ឆ្នាំទៀតទទួលផល ស្រុកភ្នំស្រុកទទួលផលរយៈពេល២ឆ្នាំហើយ។
លោកបានបញ្ជាក់ថា ដំណាំល្មើសនៅខេត្តបន្ទាយមានជ័យប្រជាកសិករបាននាំគ្នាដាំរយៈពេលប្រមាណ៥ឆ្នាំក្រោយពេលក្រុមហ៊ុនបណ្តុះកូល្មើរ បានឃើញដីក្នុងខេត្តបន្ទាយមានជ័យជាដីអាចដាំដំណាំល្មើបានទទួលទើបប្រជាកសិករនាំគ្នាំដាំជាបន្តបន្ទាប់ហើយរយៈពេល២ទៅ៣ឆ្នាំនេះប្រជាកសិករដែលដាំល្មើរអាចតំលៃល្មើថ្លៃជាដំណាំផ្សេងៗព្រោះដំណាំល្មើបើថែទាំបានល្អរយៈពេល៣ទៅ៤ឆ្នាំអាចប្រមូលផលជាបណ្តើរៗបាន។
ប្រជាកសិករដែលដាំល្មើរនៅខាងលិចភ្នំកងវ៉ាក្រុងសិរីសោភ័ណបានបញ្ជាក់ថា ផ្ទៃដីដែលដាំល្មើរបស់គាត់មានទំហំប្រមាណជាងកន្លះហិកតាដែលដាំល្មើរបានជិត២០០ដើម ហើយដាំដំណាំល្មើនេះបានរយៈពេល៥ទៅ៦ឆ្នាំមកហើយ ដែលទទួលផលរយៈពេល២ឆ្នាំមកហើយដែលប្រមូលផលកាលឆ្នាំ២០២០កន្លងទៅ បានប្រមាណ៣០ដើមក្នុង១ដើមទទួលផលបានជិត១០០គីឡូក្រាមក្នុង១គីឡូក្រាម លក់តំលៃបាន៥ម៉ឺនរៀលដែលភាគច្រើនប្រជាពលរដ្ឋមកមើលទិញដល់ចំការ ហើយឆ្នាំ២០២១នេះ ល្មើបានទទួលផលបានប្រមាណជាង៥០ដើមដែលកំពុងប្រមូលផលជាបណ្តើរៗហើយដែលលក់បានតំលៃទាបជាងឆ្នាំមុនបន្តិច៕
ចែករំលែកព័តមាននេះ