ប្រទេសអាហ្វហ្គានីស្ថាន ៖ បណ្ដាអ្នកទទួលខុសត្រូវអាហ្វហ្គានីស្ថានថ្លែងកាលពីថ្ងៃទី៧ ខែមិថុនា ឆ្នាំ២០២១ថា ទាហានអាហ្វហ្គានីស្ថានយ៉ាងតិច១៥០នាក់ បានត្រូវស្លា.ប់ ឬរបួសរយៈពេល២៤ម៉ោងចុងក្រោយនេះ ខណៈពួកតាលីបង់បង្កើនការវាយប្រហារ ពេលដែលកងកម្លាំងបរទេស ចាប់ដកចេញពីប្រទេសនោះ។
អ្នកទទួលខុសត្រូវម្នាក់ក្នុងចំណោមអ្នកទទួលខុសត្រូវទាំងនេះនិយាយថា ការប្រយុទ្ធគ្នានានាមានសភាពខ្លាំងក្លា ក្នុងខេត្ត២៦ក្នុងចំណោមខេត្តទាំង៣៤របស់ប្រទេស ដោយតុល្យការនៃការបាត់បង់ពិតជាធ្ងន់ធ្ងរបំផុត។
រដ្ឋាភិបាលអាហ្វហ្គានីស្ថានអះអាងថា ការប៉ះទង្គិចគ្នានានា មានការកើនឡើងក្នុងទូទាំងប្រទេស ខណៈដែលសហរដ្ឋអាមេរិកសម្រេចដកកងទាហានរបស់ខ្លួនទាំងអស់ ចេញពីប្រទេសនោះត្រឹមថ្ងៃទី១១កញ្ញា។
តាមបណ្ដាអ្នកទទួលខុសត្រូវមូលដ្ឋានថា ពួកតាលីបង់ កាលពីថ្ងៃទី៧មិថុនាវាយដណ្ដើមយកបាន ស្រុកSHAHRAKក្នុងខេត្តហ្គ័រភាគខាងលិចប្រទេស បង្ខំឲ្យកងទាហានអាហ្វហ្គានីស្ថានដកថយ មកកាន់បណ្ដាភូមិដែលនៅក្បែរ។ ចំណែកការវាយប្រហារ ដោយរថយន្តបង្កប់គ្រឿងផ្ទុះមួយសំដៅលើទីតាំងប៉ូលិសមួយ នៃស្រុកKHAS BALKHខេត្តBALKH កាលពីថ្ងៃទី៦មិថុនាបណ្ដាលឲ្យមនុស្សស្លា.ប់យ៉ាងតិច៤នាក់ និងរបួស៥០នាក់ ក្នុងនោះមានបណ្ដាជនស៊ីវិល។
អ្នកទទួលខុសត្រូវអាហ្វហ្គានីស្ថានម្នាក់បញ្ជាក់ថា រយៈពេល២៤ម៉ោងចុងក្រោយនេះ គួរឲ្យសោកស្ដាយមានជនរងគ្រោះដល់១៥៧នាក់ ក្នុងចំណោមកងកម្លាំងសន្តិសុខ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ