អតីតមេដឹកនាំមីយ៉ាន់ម៉ា លោកស្រីអ៊ួងសាន់ ស៊ូជី ដែលត្រូវផ្ដួលរំលំដោយរដ្ឋប្រហារយោធាមួយហើយជាប់ការ
ចោទប្រកាន់ជាច្រើនពីសំណាក់របបយោធានឹងត្រូវបើកសវនាកាត់ទោស ចាប់ពីថ្ងៃទី
ប្រទេសមីយ៉ាន់ម៉ា ៖ អតីតមេដឹកនាំមីយ៉ាន់ម៉ា លោកស្រីអ៊ួងសាន់ ស៊ូជី ដែលត្រូវផ្ដួលរំលំដោយរដ្ឋប្រហារយោធាមួយហើយជាប់ការ
ចោទប្រកាន់ជាច្រើនពីសំណាក់របបយោធានឹងត្រូវបើកសវនាកាត់ទោស ចាប់ពីថ្ងៃទី១៤ មិថុនាទៅ ។
ត្រូវចាប់ខ្លួនកាលពីព្រឹកថ្ងៃទី១ កុម្ភៈ លោកស្រីស៊ូជី ជ័យលាភីពានរង្វាន់ណូបែលសន្តិភាពឆ្នាំ១៩៩១ ត្រូវប្រឈមមុខនឹងការចោទប្រកាន់ជាច្រើនដែលមានពីបទទិញដោយខុសច្បាប់នូវឧបករណ៍វិទ្យុទាក់ទងរហូតដល់ការអុជអាលឲ្យមានចលាចលសាធារណៈ និងរំលោ.ភបំពានច្បាប់ស្ដីពីការសម្ងាត់រដ្ឋ ។ សវនាការលើកដំបូងត្រូវចាប់ផ្ដើមពីថ្ងៃទី១៤ មិថុនា នៅរដ្ឋធានីណៃពិដោ។ នោះ
ជាការអះអាងរបស់អ្នកច្បាប់របស់លោកស្រីកាលពីថ្ងៃទី៧ មិថុនា ។ សវនាការកាត់ទោសលើកទី២ នៅទីក្រុងណៃពិដោដែរ ប្រឆាំងលោកស្រីស៊ូជីនឹងត្រូវចាប់ផ្ដើមពីថ្ងៃទី១៥ មិថុនា រួមជាមួយអតីតប្រធានាធិបតីលោក WIN MYINT ពីបទបង្កការបះបោរ ។
ក្រុមមេធាវីលោកស្រីស៊ូជី ដែលអាចជួបរយៈពេលប្រមាណជា៣០នាទីជាមួយកូនក្ដីពួកគេនិយាយថា សវនាការទាំង២នោះអាចអូសបន្លាយពេលរហូតដល់ដំណាច់ខែកក្កដា ។ ចំពោះការចោទប្រកាន់ធ្ងន់ធ្ងរបំផុតប្រឆាំងលោកស្រី គឺបទរំលោភបំពានច្បាប់សម័យអាណានិគមមកស្ដីពីការរំលោភបំពានលើការសម្ងាត់រដ្ឋដោយបទចោទប្រកាន់នោះលោកស្រីស៊ូជី អាយុ៧៥ឆ្នាំ នឹងចូលតុលាការក្រុងរ៉ង់ហ្គូននាពេលក្រោយ ។
ប្រសិនបើតុលាការកឃើញថា លោកស្រីពិតជាមានកំហុសដូចការចោទប្រកាន់ទាំងនេះ នោះលោកស្រីដែលធ្លាប់ជាប់ឃុំឃាំងក្នុងផ្ទះអស់ពេលជាង១៥ឆ្នាំរួចមកហើយ ក្រោមរបបយោធាមុនៗ មុនពេលត្រូវដោះលែងកាលពីឆ្នាំ២០១០ អាចត្រូវផាត់ចេញពីជីវិតនយោបាយ និងជាប់ពន្ធនាគារយូរឆ្នាំ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ