ស៊ីហ្គេមនៅវៀតណាមនាចុងឆ្នាំនេះនឹងត្រូវពន្យារពេល ដោយសារជំងឺកូវីដ-១៩ រីករាលដាលខ្លាំង
- ភ្នំពេញ
រាជធានីភ្នំពេញ ៖ ការប្រកួតកីឡាកម្រិតតំបន់ដែលធ្វើរៀងរាល់២ឆ្នាំម្ដងនោះ សម្រាប់ឆ្នាំ២០២១នេះដែលគ្រោងធ្វើនៅទីក្រុង
រាជធានីភ្នំពេញ ៖ ការប្រកួតកីឡាកម្រិតតំបន់ដែលធ្វើរៀងរាល់២ឆ្នាំម្ដងនោះ សម្រាប់ឆ្នាំ២០២១នេះដែលគ្រោងធ្វើនៅទីក្រុងហាណូយប្រទេសវៀតណាមត្រូវបានពន្យារពេលហើយ ។
បើតាមលោកវ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មាធិការជាតិរៀបចំស៊ីហ្គេមឆ្នាំ២០២៣ បានឲ្យដឹងថា គណៈកម្មាធិការជាតិអូឡាំពិកវៀតណាមបានផ្ញើលិខិតទៅបណ្ដាប្រទេសសមាជិកអាស៊ាន ស្ដីពីការត្រៀមពន្យារពេលការប្រកួតកីឡាស៊ីហ្គេម លើកទី៣១ នៅរដ្ឋធានីហាណូយ នាចុងឆ្នាំ២០២១ ។
ចំពោះការសម្រេចពាក់ព័ន្ធនឹងការពន្យាពេលនេះ នឹងធ្វើឡើងក្នុងកិច្ចប្រជុំរបស់គណៈអចិន្ត្រៃសហព័ន្ធកីឡាអាស៊ីអាគ្នេយ៍ នាថ្ងៃទី៩ ខែមិថុនាស្អែកនេះ ។
នាពេលថ្មីៗនេះ វៀតណាមបានបង្ហាញពីការប្ដេជ្ញាចិត្តថានឹងរៀបចំការប្រកួតកីឡាស៊ីហ្គេមលើកទី៣១នៅទីក្រុងហាណូយឲ្យទាល់តែបាន តែពេលនេះអ្វីៗទំនងជាត្រូវផ្លាស់ប្ដូរហើយ ទោះបីកន្លងមក លោកNguyen Ngoc Thien រដ្ឋមន្ត្រីក្រសួងវប្បធម៌ កីឡា និង ទេសចរណ៍វៀតណាមបានប្រកាសពីការមិនដកថយក៏ដោយ ។
សូមបញ្ជាក់ថា តាមការគ្រោងទុកព្រឹត្តិការណ៍ស៊ីហ្គេមលើកទី៣១២នេះនឹងធ្វើពិធីសម្ភោធបើកការប្រកួតជាផ្លូវការនៅថ្ងៃទី២១វិច្ឆិកា នាពហុកីឡដ្ឋានជាតិMY DINH National Stadium និងបិទការប្រកួតនាថ្ងៃទី២ធ្នូឆ្នាំ២០២១ ។
សូមបញ្ជាក់បន្តថា ការពន្យារពេលនេះធ្វើឡើងក្រោមហេតុផលនៃជម្ងឺកូវីដ ១៩មិនត្រឹមតែមិនទាន់ថយចុះនោះទេ តែមួយថ្ងៃៗគឺកាន់តែធ្ងន់ធ្ងរឡើងថែមទៀត ។
ប្រទេសក្នុងតំបន់ចំនួន១១ដែលបានត្រៀមចូលរួមក្នុងព្រឹត្តិការណ៍នេះ ក្នុងនោះមានកីឡាចំនួន៤០ប្រភេទដែលមានចំនួន៥២៦វិញ្ញាសានឹងត្រូវដាក់ឲ្យប្រកួត ៕
ចែករំលែកព័តមាននេះ