ដំណាំល្មើ គឺជាដំណាំមួយប្រភេទដែលកន្លងមកមិនដែលធ្លាប់មាននៅក្នុងទឹកដីនៃខេត្តបន្ទាយមានជ័យ ហើយដំណាំហូបផ្លែប្រភេទនេះធ្លាប់មាននៅតែបរទេសប៉ុណ្ណោះ ប៉ុន្តែដោយការ
ខេត្តបន្ទាយមានជ័យ ៖ ដំណាំល្មើ គឺជាដំណាំមួយប្រភេទដែលកន្លងមកមិនដែលធ្លាប់មាននៅក្នុងទឹកដីនៃខេត្តបន្ទាយមានជ័យ ហើយដំណាំហូបផ្លែប្រភេទនេះធ្លាប់មាននៅតែបរទេសប៉ុណ្ណោះ ប៉ុន្តែដោយការចេះស្វែងយល់របស់ប្រជាកសិករពីការដាំដំណាំហូបផ្លែប្រភេទល្មើនេះ តាមសង្កេតឃើញថា មានកសិករមួយចំនួនទើបតែធ្វើការដាំដុះ និងមួយចំនួនទៀតគាត់ដាំជាយូរមកហើយ និងកំពុងតែប្រមូលផលបានបណ្តើរៗផងដែរ ។
បើតាមការៀ្យដឹងពីប្អូនប្រុសឈ្មោះយាន មេន អាយុ៣៦ឆ្នាំ ជាប្រជាកសិករដាំដំណាំល្មើ នៅភូមិកងវ៉ា សង្កាត់កំពុងស្វាយ ក្រុងសិរីសោភ័ណ ខេត្តបន្ទាយមានជ័យ បានប្រាប់ឲ្យដឹងនៅថ្ងៃទី០៦ ខែមិថុនា ឆ្នាំ ២០២១ថា ដំណាំល្មើនេះ ប្អូនបានដាំរយៈពេល៤ឆ្នាំកន្លងមកហើយ នៅលើផ្ទៃដីទំហំ០៤រ៉ៃ ស្មើនឹង៦,៦០០ម៉ែត្រការ៉េ ដែលមានដើមល្មើសរុបចំនួន១៦០ដើមជាប្រភេទល្មើបាសាហ៊ី ។
ពោះឆ្នាំនេះ គឺជាឆ្នាំទី០២ហើយ ដែលដំណាំល្មើរបស់ប្អូនបានទទួលផល ហើយបើប្រៀបធៀបទៅនឹងឆ្នាំទី០១ ឃើញថា វាមានកំណើនកើនឡើងចំពោះដើមនីមួយៗមានសាងផ្លែច្រើនជាងឆ្នាំទី០១ ក្នុងឆ្នាំទី០២នេះមានដើមខ្លះផ្លែចាប់១០ទៅ១៥សាង និងរហូតដល់ទៅ២០សាងក៏មាន ហើយក្នុង០១សាង មានទំងន់មិនតិចជាង០៥គីឡូក្រាម ហើយ០១ដើមចាប់ពី៣០គីឡូក្រាមឡើងទៅ។
ប្អូនប្រុសខាងលើបានបញ្ជាក់ថា ចំពោះដំណាំល្មើនេះ មិនសូវជាពិបាករកទីផ្សារនោះទេ ហើយបច្ចុប្បន្ននេះមានអថិតិជនជាច្រើន ទាំងក្នុង និងក្រៅខេត្ត បានទាក់ទងមក តែប្អូនមិនទាន់កាត់លក់ទេ ព្រោះល្មើទុំមិនទាន់ល្អ មានទុំល្អបន្តិចបន្តួច គ្រាន់តែលក់ជូនអថិតិជនដែលមកលេងដល់ចំការប៉ុណ្ណោះ តែចំពោះតម្លៃវិញ គឺមិនឡើងទេ គឺលក់ដូចឆ្នាំទៅមិញ គឺ០១គីឡូក្រាមតម្លៃ ៥០,០០០រៀលតែប៉ុណ្ណោះ ។
ប្អូនយាន មេន បានបញ្ជាក់ទៀតថា នៅថ្ងៃខាងមុខ ប្អូននឹងពង្រីកការដាំដុះដំណាំល្មើនេះបន្ថែមទៀត ។ ហើយក្នុងនោះដែរ បើមានអថិតិជនដែលមានបំណងចង់ប្រកបរបរដាំល្មើនេះ ប្អូនមានកូនល្មើ ដើម្បីលក់ជូនផងដែរ ដោយក្នុង០១ដើមតម្លៃជាង៣ដុល្លារ ជាប្រភេទកូនល្មើបាសាហ៊ី ដែលប្អូនបានបណ្តុះផ្ទាល់ខ្លួនឯង ៕
ចែករំលែកព័តមាននេះ