ខេត្តព្រះសីហនុ ៖ កម្មករទូកនេសាទម្នាក់ដែលបានរអិលជើងធ្លាក់ចូលទឹកសមុទ្រកាលពីព្រឹកថ្ងៃទី៥ ខែមិថុនា ឆ្នាំ២០២១នោះ ពេលនេះសាកស.ពជនរងគ្រោះត្រូវគេរកឃើញហើយ ដោយសារសាកស.ពបានអណ្តែតរសាត់មកក្បែរចំណុចក្បាលស្ពាន ជាប់នឹងផែប្រេងក្រុមហ៊ុន LHR បង្កឱ្យមានការភ្ញាក់ផ្អើលកាលពីម៉ោង៥និង៤០នាទីល្ងាច ថ្ងៃទី០៦ ខែមិថុនា ឆ្នាំ២០២១ ហើយសាកស.ពក៏ត្រូវបានប្រជាពលរដ្ឋនេសាទនាំគ្នាជួយស្រង់ឡើងគោកវិញ នៅចំណុចចំការដូង នៅក្រុម៥ ស្ថិតក្នុងភូមិ២ ឃុំកំពេញ ស្រុកស្ទឹងហាវ។
ជនរងគ្រោះខាងលើមានឈ្មោះ មាន់ តេន ភេទប្រុស អាយុ៥៦ឆ្នាំ មុខរបរកម្មករនេសាទ មានទីលំនៅស្ថិតនៅភូមិឈើទាលរាំ ឃុំស្វាយ ទងខាងជើង ស្រុកកំពង់ត្រាច ខេត្តកំពត។
បើតាមសមត្ថកិច្ចបានឲ្យដឹងថា យោងតាមលទ្ធផលនៃការធ្វើកោសល្យវិច្ច័យរបស់អធិការនគរបាល ស្រុកស្ទឹងហាវ បានសន្និដ្ឋានថា ជនរងគ្រោះពិតជាស្លា.ប់ដោយសារឈ្លក់ទឹកពិតប្រាកដមែន ហើយករណីនេះបណ្តាលមកពីការធ្វេសប្រហែស។ បច្ចុប្បន្ន សាកស.ពជនរងគ្រោះត្រូវបានប្រគល់អោយ ក្រុមគ្រួសារ និងសាច់ញាតិ ដើម្បីយកទៅធ្វើបុណ្យតាមប្រពៃណីហើយ។
សូមបញ្ជាក់ផងដែរថា កម្មករទូកនេសាទសមុទ្រប្រភេទមងអូសម្នាក់ បានរអិលជើងធ្លាក់ចូលក្នុងទឹកសមុទ្រកាលពីវេលាម៉ោង៥ព្រឹក នាថ្ងៃទី០៥ ខែមិថុនា ឆ្នាំ២០២១ នៅចំណុចដាវលេខ ៤៥/ ៩០០ និង ៣៥ /៩០០ ស្ថិតក្នុងភូមិ០១ ឃុំកំពេញ ស្រុកស្ទឹងហាវ ខេត្តព្រះសីហនុ។
ក្រោយពេលកើតហេតុភ្លាមៗ ម្ចាស់ទូកនេសាទ រួមទាំងក្រុមទូកនេសាទផ្សេងទៀតបាននាំគ្នាចេញស្វែងរុករកជនរងគ្រោះភ្លាមដែរ ប៉ុន្តែរកមិនឃើញឡើយ លុះរហូតមកដល់ម៉ោង៥និង៤០នាទីល្ងាច ថ្ងៃទី០៦ ខែមិថុនា ទើបប្រទះឃើញស.ពជនរងគ្រោះអណ្តែតរសាត់មកក្បែរចំណុចក្បាលស្ពាន ជាប់នឹងផែប្រេងនេះតែម្តង៕
ចែករំលែកព័តមាននេះ