រាជធានីភ្នំពេញ ៖ រហូតមកដល់ម៉ោងនេះរោងចក្រកាត់ដេរ ហ្គ្រេនធ្វីន ហៅរោងចក្រGTI ក្រុមពេទ្យជំនាញបានរកឃើញវិជ្ជមានកូវីដ-១៩ ឡើងដល់ជាង១៤០នាក់ ហើយនៅបន្តធ្វើតេស្តទាំងយប់ទៀត។ នេះបើតាមសន្តិសុខរោងចក្រឲ្យដឹងនៅយប់នេះ។ រោងចក្រ…
រាជធានីភ្នំពេញ ៖ រហូតមកដល់ម៉ោងនេះរោងចក្រកាត់ដេរ ហ្គ្រេនធ្វីន ហៅរោងចក្រGTI ក្រុមពេទ្យជំនាញបានរកឃើញវិជ្ជមានកូវីដ-១៩ ឡើងដល់ជាង១៤០នាក់ ហើយនៅបន្តធ្វើតេស្តទាំងយប់ទៀត។ នេះបើតាមសន្តិសុខរោងចក្រឲ្យដឹងនៅយប់នេះ។ រោងចក្រ GTIនេះមានទីតាំងស្ថិតនៅភូមិត្រាំងពោធិ៍សង្កាត់ចោមចៅ៣ ខណ្ឌពោធិ៍សែនជ័យ មានកម្មករប្រមាណជាង៥ពាន់នាក់ តែបច្ចុប្បន្ននៅសល់ប្រមាណជិត៤ពាន់នាក់។
បើតាមសន្តិសុខរោងចក្រនេះបានធ្វើតេស្តរកកូវីដ៣ថ្ងៃមកហើយ តែ២ថ្ងៃមុនធ្វើតេស្តនៅព្រទា ក៏រកឃើញប្រមាណ៨០នាក់ ហើយនៅថ្ងៃទី០៦ ខែមិថុនានេះ ធ្វើតេស្តនៅក្នុងរោងចក្ររកឃើញ១៤០នាក់ គិតត្រឹមម៉ោងប្រមាណ៦ និង៤០នាទីល្ងាចនេះ ហើយក្រុមគ្រូពេទ្យនៅបន្តធ្វើតេស្តនៅឡើយ។ បញ្ជាក់ថា នៅម៉ោងប្រមាណ៣ និង៣០នាទីរសៀល រថយន្តចំនួន៧គ្រឿង បានមកដឹកកម្មករវិជ្ជមានទៅព្យាបាលនៅដឺព្រីមៀរសិនធើសែនសុខ ហើយនៅសល់ជាច្រើននាក់ទៀតកំពុងរង់ចាំរថយន្តមកដឹកបន្ត៕ ដោយ ៖ ម៉េង ធា
ចែករំលែកព័តមាននេះ