រាជធានីភ្នំពេញ ៖ តារាចម្រៀងនាង រស់ ម៉ូនីកា បានចេញមកវាយបកចំៗទៅមនុស្សមួយចំនួនដែលចូលចិត្តមើលងាយ និងមិនអោយតម្លៃទៅលើអ្នកសិល្បៈ ខណៈពេលតារារូបនេះបានបាត់វត្តមានពីសិល្បៈនៅក្នុងរយៈពេលចុងក្រោយនេះ។
តារាចម្រៀងដែលមានហាងឆេងខ្ពស់តែក្រៅប្រទេសរូបនេះ បបានចាត់ទុកពាក្យសម្តីដែលមិនអោយតម្លៃដល់អ្នកសិល្បៈពីមហា ជនមួយចំនួនតូចនោះ គឺកើតចេញពីការមិនយល់ស៊ីជម្រៅលើការងារអ្នកសិល្បៈ ខណៈពេលដែលនាងក៏ធ្លាប់បានជួបប្រទះនូវការម៉ាក់ងាយទាំងនោះផងដែរ។
តារាចម្រៀងនាង រស់ ម៉ូនីកា បានបង្ហោះសារតាមគណនេយ្យហ្វេសប៊ុករបស់ខ្លួនថា «ភាពអវិជ្ជមានរបស់មនុស្សមួយចំនួនដែលមើលងាយអ្នកសិល្បៈ ថា ៖ 1, អោយតែអ្នកសិល្បៈ (សុទ្ធតែមិនល្អ កុំយកធ្វើប្រពន្ធ, កុំយកធ្វើកូនប្រសារ ) 2, អោយតែអ្នកសិល្បៈ (សុទ្ធតែគ្មានកិត្តិយសមើលលើមើលក្រោម មុខមិនអោយក្រោយមិនមើល ដូចយើងមិនមែនមនុស្ស) 3, អោយតែអ្នកសិល្បៈ (សុទ្ធតែចិត្តងាយ ប្រមាថយើងពីក្រោយខ្នង ដូចជា… ចាំមើលអាញញ៉ែមីមួយនឹងយកទៅជាមួយអោយហែងមើល) 4, អោយតែអ្នកសិល្បៈ (សុទ្ធតែមុខលុយ ហែងអត់លុយ វាមិនស្រលាញ់ហែងទេ) 5, អោយតែអ្នកសិល្បៈ (មិនចេះធ្វើអីទេ តែងតែខ្លួន ដើរតែសប្បាយមិនចេះកើតទុក្ខ ចាយតែលុយមិនចេះទុកដាក់គ្មានគុំនិត) 6, អ្នកសិល្បៈក្មេងៗស្អាតៗ ជីវភាពធូរធា ( គេក្មេងស្អាត គេជប់លុយចេញ, ប្តីគេអ្នកមាន, គេមានខ្នង, គេមានអ្នក sponsor, ពាក្យដែលអាក្រក់ស្តាប់ជាងនឹងគេមានអ្នកចឹញ្ចឹម ឬស្រីតាតា)» ។
តារាចម្រៀងនាង រស់ ម៉ូនីកា បង្ហោះសារតាមគណនេយ្យហ្វេសប៊ុកបន្តថា «7, អ្នកសិល្បៈ ជីវភាពមធ្យម ( អ្នកសិល្បៈវាតែប៉ុណ្ណឹងឯង រកចំណូលបានប៉ុន្មានវា ចេះតែច្រៀងរាំ សម្ដែងនឹង គ្មានលុយទិញឡានជិះ ទិញផ្ទះនៅទេ) 8, អ្នកសិល្បៈ ជីវភាពខ្សត់ខ្សោយ ( ចឹងហើយពេលរកលុយបានមិនចេះសន្សំទុកដាក់ ចេះតែចាយវាយហ៊ឺហា ដល់ពេលអត់តាំងផុសរកជំនួយសុំគេជួយ) 9, អ្នកសិល្បៈដែលអោនលំទោនដាក់ខ្លួន ( វាពូកែផ្អែមរលួយ ពូកែសម្តែង កុំសូវនៅជិតវាពេក ប្រយត្ន័ចាញ់បោកវា) 10, អ្នកសិល្បៈដែលឯករាជ្យមិនសូវខ្វល់អ្នកផ្សេង (វារឹកណាស់ យើងមិនដល់គេទេ គេតារា យើងកុំចង់ស្គាល់គេ) និង11, អ្នកសិល្បៈ ស្រុកខ្មែរ ( វារកលុយបានប៉ុន្នានវា នៅស្រុកខ្មែរនោះ វាអរចង់ងាប់ហើយពេលបានចេញមកស្រុកក្រៅម្តងៗ វាព្រមគ្រប់យ៉ាងអោយតែបានមក) ល។ល។
នាងបញ្ជាក់ថា ចិត្តគំនិត ពាក្យសម្តីប្រមាថមើលងាយពីក្រោយខ្នងគ្រប់រូបភាពទាំងអស់ ទោះដោយចំពោះ ឬប្រយោល ខ្ញុំ MonikaRos ចង់ចាំវារហូតដល់ខ្ញុំអស់ដង្ហើម ។
នាងថា តែបើសួរថា តើខ្ញុំនឹងសង់ទៅអ្នកទាំងនោះវិញទេ? ចម្លើយ ទេ!…. ហេតុអ្វី?…ព្រោះ…អ្នកទាំងនោះជាពពួកខ្វះការអប់រំកម្រិតសីលធម៌ក្នុងចិត្តគំនិត ពួកគាត់ស្មានថាខ្លួនជាអ្នកខ្ពង់ខ្ពស់ ថ្លៃថ្នូរស.ស្អាត ការពិតជាពពួក low level… ជាប់សញ្ញាប័ត្រ និងពានរង្វាន់ខាងប្រមាថមើលងាយគេតែប៉ុណ្ណោះ។
នាងបន្ថែមថា តើខ្ញុំគេចចេញទេ…..? ទេ..! ខ្ញុំមិនយល់ថា ត្រូវរត់គេចទៅណាទេ ផ្ទុយទៅវិញខ្ញុំនឹងនៅកាន់តែកៀក ដើម្បីអោយពួកទាំងនោះស្គាល់ការពិតកាន់តែច្បាស់ថា អ្វីដែលពួកអ្នកធ្លាប់គិតមិនល្អកន្លងមកនោះ វាគ្រាន់តែជាគំនិតដ៏ស្អុយរលួយ មិនថ្លៃថ្លូររបស់មនុស្ស ដែលរើសអើង និងប្រកាន់ ហើយវាយតម្លៃគេពីសំបកក្រៅ រហូតក្លាយជាមនុស្សសន្តានសត្វទៅហើយ។
នាងថា ខ្ញុំច្បាស់ជាអហោសិកម្មអោយពួកអ្នក ព្រោះពួកអ្នកបានផ្តល់មេរៀនសំខាន់បំផុតអោយខ្ញុំ ទុកវាជាថាមពល និងទុកវាជាដើមទុនដ៏ល្អបំផុតសំរាប់ការបន្តាក់ទុនប្រឹងប្រែងលើផ្លូវជីវិតដ៏ជូរជត់មួយនេះ៕
ចែករំលែកព័តមាននេះ