ខេត្តស្វាយរៀង ៖ នៅថ្ងៃទី០៥ មិថុនា ២០២១ រដ្ឋបាលខេត្តស្វាយរៀងបានប្រកាសអត្តសញ្ញាណអ្នកវិជ្ជមានកូវីដ១៩ ថ្មីចំនួន៤០នាក់ ស្រី២២នាក់ អ្នកពាក់ព័ន្ធផ្ទាល់ចំនួន៥៣នាក់ ករណីជាសះស្បើយចំនួន០៤នាក់…
ខេត្តស្វាយរៀង ៖ នៅថ្ងៃទី០៥ មិថុនា ២០២១ រដ្ឋបាលខេត្តស្វាយរៀងបានប្រកាសអត្តសញ្ញាណអ្នកវិជ្ជមានកូវីដ១៩ ថ្មីចំនួន៤០នាក់ ស្រី២២នាក់ អ្នកពាក់ព័ន្ធផ្ទាល់ចំនួន៥៣នាក់ ករណីជាសះស្បើយចំនួន០៤នាក់ ស្រី២នាក់ តាមសេចក្ដីជូនព័ត៌មានរបស់ក្រសួងសុខាភិបាលថ្ងៃទី០៥ ខែមិថុនានេះ។
គិតត្រឹមថ្ងៃទី០៥ មិថុនា ២០២១ ខេត្តស្វាយរៀងមានអ្នកវិជ្ជមានកូវីដ១៩ សរុប១,០០៣នាក់ ស្រី៥៨៩នាក់ ជាសះស្បើយសរុប៤៨៣នាក់ ស្រី២៣៤នាក់ កំពុងសម្រាកព្យាបាលចំនួន៥១៣នាក់ស្រី៤៩៨នាក់ ករណីស្លាប់០៦នាក់ ស្រី០២នាក់ ។ ចំពោះអ្នកវិជ្ជមានកូវីដ១៩ ចំនួន៤០នាក់ បានបញ្ជូនទៅសម្រាកព្យាបាលនៅមន្ទីពេទ្យស្រុកស្វាយជ្រំចំនួន១១នាក់ ទៅមន្ទីរពេទ្យបង្អែកសាមគ្គីរំដួល០៧នាក់ និងបញ្ជូនទៅមជ្ឈមណ្ឌលព្យាបាលកូវីដ១៩ក្រុងបាវិតចំនួន២២នាក់ ។
ដើម្បីទប់ស្កាត់ការឆ្លងរីករាលដាលកូវីដ១៩ ទៅសហគមន៍ រដ្ឋបាលខេត្តស្វាយរៀង សូមអំពាវនាវដល់បងប្អូនប្រជាពលរដ្ឋដែលពាក់ព័ន្ធជាមួយអ្នកជំងឺកូវីដ-១៩ ខាងលើ សូមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោហ៊ុនសែន ៕
ចែករំលែកព័តមាននេះ