ឥណ្ឌាបញ្ជាទិញវ៉ាក់សាំងកូវីដ៣០០លានដូស ទោះមិនទាន់ទទួលការអនុញ្ញាតប្រើប្រាស់
ឥណ្ឌា ៖ ប្រទេសឥណ្ឌាបានបញ្ជាទិញវ៉ាក់សាំងប្រឆាំងវីរុសកូវីដ១៩ ចំនួន៣០០លានដូស បើទោះមិនទាន់ទទួលបានការអនុញ្ញាតឱ្យ
ឥណ្ឌា ៖ ប្រទេសឥណ្ឌាបានបញ្ជាទិញវ៉ាក់សាំងប្រឆាំងវីរុសកូវីដ១៩ ចំនួន៣០០លានដូស បើទោះមិនទាន់ទទួលបានការអនុញ្ញាតឱ្យ
ឥណ្ឌា ៖ ប្រទេសឥណ្ឌាបានបញ្ជាទិញវ៉ាក់សាំងប្រឆាំងវីរុសកូវីដ១៩ ចំនួន៣០០លានដូស បើទោះមិនទាន់ទទួលបានការអនុញ្ញាតឱ្យប្រើប្រាស់ជាបន្ទាន់ក៏យ៉ាងណាដោយ។ ខណៈដែលប្រទេសនេះ កំពុងប្រយុទ្ធប្រឆាំងនឹងរលកឆ្លងទី២ ដ៏កាចសាហា.វបំផុត។
រដ្ឋាភិបាលសហព័ន្ធឥណ្ឌាបានបញ្ជាក់ក្នុងសេចក្តីថ្លែងការណ៍មួយថា វ៉ាក់សាំងដែលមិនបញ្ចេញឈ្មោះពីក្រុមហ៊ុនឥណ្ឌា Biological E គឺស្ថិតនៅក្នុងការសាកល្បងដំណាក់កាលទី៣ ដែលបានបង្ហាញលទ្ធផលជោគជ័យក្នុងពីរដំណាក់កាលដំបូង។
នេះជាការបញ្ជាទិញវ៉ាក់សាំងលើកដំបូងរបស់ឥណ្ឌា ដែលមិនទាន់ទទួលការអនុញ្ញាតសម្រាប់ការប្រើប្រាស់ជាបន្ទាន់ ដែលមានទំហំទឹកប្រាក់ប្រមាណ២០៦លានដុល្លារ។ ហើយការសម្រេចចិត្តនេះ កើតឡើងនៅពេលដែលប្រទេសនេះ កំពុងពុះពារ ដើម្បីបង្កើនល្បឿនកម្មវិធីចាក់វ៉ាក់សាំងរបស់ខ្លួន។
រហូតមកដល់ពេលនេះ ឥណ្ឌាទើបតែចាក់វ៉ាក់សាំងជូនប្រជាជនខ្លួន បានជាង២២០លានដូសតែប៉ុណ្ណោះ។ ទោះបីជាប្រជាជនប្រមាណ១,៤ពាន់លាននាក់ មានសិទ្ធិទទួលបានការចាក់វ៉ាក់សាំងយ៉ាងណាក៏ដោយ។
បច្ចុប្បន្នទោះបីជាចំនួននៃករណីឆ្លងកូវិដ១៩ បានធ្លាក់ចុះក៏ពិតមែន។ ប៉ុន្តែឥណ្ឌានៅតែបន្តរកឃើញករណីឆ្លងថ្មីជាង១០ម៉ឺននាក់ក្នុងមួយថ្ងៃ។ ហើយរហូតមកដល់ពេលនេះ អ្នកឆ្លងសរុបបានកើនឡើងដល់ជាង២៨,៥លាននាក់។ ខណៈអ្នកស្លា.ប់សរុបបានកើនឡើងជាង៣៤ម៉ឺននាក់។ ប៉ុន្តែអ្នកជំនាញនៅតែជឿថា ចំនួនពិតប្រាកដអាចមានច្រើនជាង ចំនួនដែលប្រកាសជាផ្លូវការ។
សូមបញ្ជាក់ជូនថា រដ្ឋាភិបាលសហព័ន្ធឥណ្ឌា ក្រោមការដឹកនាំដោយលោកនាយករដ្ឋមន្ត្រី ណារិនដ្រា ម៉ូឌី នៅតែទទួលបានការរិះគន់ថា មិនបានដាក់ការបញ្ជាទិញវ៉ាក់សាំងជាមុនជាមួយក្រុមហ៊ុនផលិតឥណ្ឌា ឬបរទេស។ ដែលបណ្តាលឱ្យប្រទេសធ្លាក់ក្នុងដំណាក់កាលខ្វះខាតវ៉ាក់សាំង ក្នុងនាមខ្លួនជាអ្នកផលិតវ៉ាក់សាំងធំបំផុតលើពិភពលោក៕ (ដកស្រង់ចេញពី BBC)
ចែករំលែកព័តមាននេះ