ឪពុកអ្នកកាសែតបេឡារុសដែលត្រូវបានចាប់ខ្លួនជឿថា កូនប្រុសកំពុងស្ថិតក្រោមការបង្ខិតបង្ខំ
បេឡារុស ៖ លោក Roman Protasevich អ្នកកាសែតជនជាតិបេឡារុស ដែលត្រូវបានរដ្ឋាភិបាលបេឡារុសកៀងយន្តហោះ Ryanair
បេឡារុស ៖ លោក Roman Protasevich អ្នកកាសែតជនជាតិបេឡារុស ដែលត្រូវបានរដ្ឋាភិបាលបេឡារុសកៀងយន្តហោះ Ryanair
បេឡារុស ៖ លោក Roman Protasevich អ្នកកាសែតជនជាតិបេឡារុស ដែលត្រូវបានរដ្ឋាភិបាលបេឡារុសកៀងយន្តហោះ Ryanair ឱ្យចុះចត ដើម្បីចាប់ខ្លួនរូបគាត់ កាលពីខែមុននោះ បានបង្ហាញវត្តមាននៅក្នុងបទសម្ភាសន៍មួយទាំងទឹកភ្នែក លើកញ្ចក់ទូរទស្សន៍រដ្ឋ។ គួររំលឹកថា ខ្លាំងមែន! បេឡារុសកៀងឱ្យយន្តហោះ Ryanair ចុះចត ដើម្បីចាប់ខ្លួនអ្នកកាសែតប្រឆាំង១រូប
Protasevich បានសារភាពថា ខ្លួនបានរៀបចំបាតុកម្មប្រឆាំងរដ្ឋាភិបាលបេឡារុស។ ហើយជាមួយគ្នានោះ គាត់ក៏បានធ្វើការលើកសរសើរអំពីលោកប្រធានាធិបតី Alexander Lukashenko ផងដែរ។ ដែលសកម្មភាពនេះ ត្រូវបានក្រុមគ្រួសាររបស់ Protasevich និយាយថា បទសម្ភាសន៍នោះ ធ្វើឡើងក្រោមការបង្ខិតបង្ខំ។
នៅក្នុងបទសម្ភាសន៍ ដែលបានចាក់ផ្សាយកាលពីល្ងាចថ្ងៃទី៣ ខែមិថុនា ឆ្នាំ២០២១ Protasevich បានសារភាពថា ខ្លួនបានប៉ុនប៉ងផ្តួលរំលំលោកប្រធានាធិបតី Lukashenko។ ហើយកន្លងមក គាត់បានរិះគន់ប្រធានាធិបតីយ៉ាងចាស់ដៃ។ ប៉ុន្តែពេលនេះ គាត់ចាប់ផ្តើមយល់ថា គាត់កំពុងធ្វើរឿងដ៏ត្រឹមត្រូវ ដើម្បីបង្ហាញការគោរពចំពោះលោក Lukashenko។ ខណៈដែលនៅចុងបញ្ចប់នៃបទសម្ភាសន៍ គាត់បានស្រក់ទឹកភ្នែក ហើយនិយាយថា គាត់សង្ឃឹមថាថ្ងៃណាមួយនឹងរៀបការ ហើយមានកូន។
ដោយឡែកឪពុកអ្នកកាសែតរូបនេះ បានប្រាប់ទីភ្នាក់ងារសារព័ត៌មាន AFP ថា «ខ្ញុំឈឺចា.ប់ខ្លាំងណាស់ ពេលបានមើលបទសម្ភាសន៍នោះ។ ខ្ញុំស្គាល់កូនប្រុសខ្ញុំច្បាស់ណាស់។ ហើយខ្ញុំជាក់ថា គេនឹងមិននិយាយបែបនេះទេ។ ពួកគេច្បាស់ជាគំរា.មកំហែងធ្វើបា.ប និងប.ង្ខំកូនប្រុសខ្ញុំឱ្យនិយាយអ្វីដែលពួកគេចង់បាន»។
សូមរំលឹកថា ចាប់តាំងពីការបោះឆ្នោតកាលខែសីហាបានបញ្ចប់ លោកប្រធានាធិបតី Lukashenko ដែលដឹកនាំប្រទេសបេឡារុស្សតាំងពីឆ្នាំ១៩៩៤ រហូតពេលបច្ចុប្បន្ន បានបង្ក្រាបសំឡេងប្រឆាំងជាបន្តបន្ទាប់។ ខណៈដែលឥស្សរជនប្រឆាំងជាច្រើនក៏ត្រូវបានចាប់ខ្លួន និងបានបង្ខំឱ្យលោកស្រី Svetlana Tikhanovskaya ដែលជាមេដឹកនាំប្រឆាំងដ៏លេចធ្លោបំផុត ត្រូវនិរទេសខ្លួនផងដែរ៕ (ដកស្រង់ចេញពី BBC)
ចែករំលែកព័តមាននេះ