ជំនួបរវាង Floyd និង Logan Paul ត្រូវបញ្ចប់ដោយមានម្នាក់សន្លប់ ដើម្បីរកអ្នកឈ្នះ
សហរដ្ឋអាមេរិក ៖ ជំនួបរវាងស្តេចប្រដាល់អាមេរិក Floyd Mayweather ជាមួយនិងតារាយូធូបអាមេរិកដ៏ល្បី Logan Paul ដែល
សហរដ្ឋអាមេរិក ៖ ជំនួបរវាងស្តេចប្រដាល់អាមេរិក Floyd Mayweather ជាមួយនិងតារាយូធូបអាមេរិកដ៏ល្បី Logan Paul ដែល
សហរដ្ឋអាមេរិក ៖ ជំនួបរវាងស្តេចប្រដាល់អាមេរិក Floyd Mayweather ជាមួយនិងតារាយូធូបអាមេរិកដ៏ល្បី Logan Paul ដែលនឹងធ្វើឡើងនាថ្ងៃទី៦ ខែមិថុនា ឆ្នាំ២០២១ (ពេលវេលានៅសហរដ្ឋអាមេរិក) នៅឯទីក្រុងម៉ៃអាមី រដ្ឋផ្លរីដា នឹងគ្មានវត្តមានចៅក្រមដាក់ពិន្ទុ ហើយក៏គ្មានអ្នកឈ្នះជាផ្លូវការណាម្នាក់ត្រូវបានប្រកាសនោះទេ។ ប៉ុន្តែពួកគេអាចផ្តួលគ្នាឱ្យសន្លប់ ដើម្បីដឹងថានរណាជាអ្នកឈ្នះ។
Floyd Mayweather ដែលបានប្រកាសចូលនិវត្តន៍ជាមួយកំណត់ត្រាប្រកួតឈ្នះទាំងអស់ ៥០-០ នឹងត្រូវតទល់លើសង្វៀនជាមួយ Logan Paul ក្នុងការប្រកួតក្រៅផ្លូវការ (Exhibition Fight) ដែលមានចំនួន៨ទឹក ហើយក្នុងមួយទឹកមានពេល៣នាទី។ អ្នកទាំងពីរអាចបញ្ចប់ការប្រកួតនេះ ក្នុងនាមជាអ្នកឈ្នះ ដោយការផ្តួលដៃគូឱ្យសន្លប់។
យោងតាមច្បាប់របស់គណៈកម្មការអត្តពលកម្មនៃរដ្ឋផ្លរីដា ក៏បានចែងផងដែរថា អ្នកប្រយុទ្ធទាំងពីរនឹងតម្រូវឱ្យពាក់ស្រោមដៃប្រភេទ 12oz ដែលធំជាង និងមានប៉ុងក្រាស់ជាងស្រោមដៃធម្មតាក្នុងប្រដាល់សេរី។
មានពាក្យចចាមអារ៉ាមជាច្រើនបានឱ្យដឹងថា Floyd Mayweather នឹងទទួលបាន១០០លានដុល្លារ ពីការប្រកួតនេះ។ ខណៈដែល Logan Paul អាចទទួលបានត្រឹមតែ២០លានដុល្លារតែប៉ុណ្ណោះ៕ (ដកស្រង់ចេញពី Dailymail)
ចែករំលែកព័តមាននេះ