ខេត្តបន្ទាយមានជ័យ ៖ រថយន្តហាយឡិនឌ័របានបុកជាមួយគោយន្តកន្ត្រៃ បណ្តាលឱ្យមនុស្សរងរបួសធ្ងន់ស្រាល២នាក់ ឯរថយន្តធ្លាក់ចេញពីចិញ្ចើមផ្លូវ កើតឡើងនៅវេលាម៉ោង៨និង៣០នាទីយប់ថ្ងៃទី០២ មិថុនា ឆ្នាំ២០២១ ស្ថិតតាមបណ្តោយផ្លូវជាតិលេខ៥ ក្នុងភូមិម៉ក់ហើន ឃុំកូប ស្រុកអូរជ្រៅ។
មន្ត្រីនគរបាលចរាចរណ៍ស្រុកអូរជ្រៅបានប្រាប់ថា៖ ជនរងគ្រោះដែលរបួសធ្ងន់ស្រាល២នាក់មាន១.ឈ្មោះ ម៉ុន ចាន់ឌី ភេទប្រុស អាយុ២២ឆ្នាំរស់នៅភូមិសំពៅលូន ឃុំត្រពាំងប្រលិត ស្រុកសំពៅលូន និង២ឥឈ្មោះ រ៉ា បូរី ភេទប្រុស អាយុ២០ឆ្នាំរស់នៅភូមិជាមួយ ។
មន្ត្រីនគរបាលបានបញ្ជាក់ថា រថយន្តម៉ាកហាយឡិនធ័រ ពាក់ផ្លាក់លេខភ្នំពេញ 2X.8513បើកបរតាមបណ្តោយផ្លូវជាតិលេខ៥ ក្នុងទិសដៅកើតទៅលិច ក៏បានបុកគោយន្តពីក្រោយដែលបើកបរស្របទិសគ្នា បបណ្តាលរថយន្តធ្លាក់ប្រឡាយ គោយន្តក្រឡាប់របួសធ្ងន់ស្រាល២នាក់អ្នកបើកបរគោយន្តកន្ត្រៃរួមដំណើរត្រូវបានសង្គ្រោះបន្ទាន់ ចំណែកម្ចាស់រថយន្តបានគេចខ្លួន ។
មន្ត្រីនគរបាលបានបញ្ជាក់ថា នៅពេលគ្រោះថ្នាក់ចរាចរណ៍កើតឡើង មន្ត្រីនគរបាលចរាចរណ៍បានចុះពិនិត្យវាសវែង និងឃើញថា ដោយគោយន្តកន្ត្រៃដែលបើកបរពេលយប់លើផ្លូវជាតិគ្មានបិទចំណាំងផ្លាតពីក្រោយ និងគ្មានភ្លើង ទើបបង្ករថយន្តបើកបរពេលយប់បុកពីក្រោយបណ្តាលរបួសធ្ងន់ស្រាល២នាក់ខូចខាតរថយន្តនិងគោយន្តកន្ត្រៃក្រោយពេលវាស់វែងហើយត្រូវបានយកទៅរក្សាទុកអធិការដ្ឋាននគរបាលស្រុកអូរជ្រៅដើម្បីដោះស្រាយតាមច្បាប់ ។
ចែករំលែកព័តមាននេះ