ខេត្តបន្ទាយមានជ័យ ៖ យុវជនម្នាក់ត្រូវគេដឹងថា ពេលត្រឡប់ពីចំការហែលទឹកឆ្លងអូរ ក៏បណ្តាលឱ្យលង់ទឹកស្លា.ប់ ហើយត្រូវបានអ្នកស្រុកប្រទះឃើញសពអណ្តែតទឹក បង្កការភ្ញាក់ផ្អើល នៅវេលាម៉ោង១២ថ្ងៃត្រង់ថ្ងៃទី០១ មិថុនា ស្ថិតនៅចំណុចអូរប្រមាណជាង១គីឡូម៉ែត្រ…
ខេត្តបន្ទាយមានជ័យ ៖ យុវជនម្នាក់ត្រូវគេដឹងថា ពេលត្រឡប់ពីចំការហែលទឹកឆ្លងអូរ ក៏បណ្តាលឱ្យលង់ទឹកស្លា.ប់ ហើយត្រូវបានអ្នកស្រុកប្រទះឃើញសពអណ្តែតទឹក បង្កការភ្ញាក់ផ្អើល នៅវេលាម៉ោង១២ថ្ងៃត្រង់ថ្ងៃទី០១ មិថុនា ស្ថិតនៅចំណុចអូរប្រមាណជាង១គីឡូម៉ែត្រ ពីភូមិព្រៃវែង ឃុំគំរំ ស្រុកថ្មពួក។
មន្ត្រីនគរបាលប៉ុស្តិ៍ឃុំគំរូបានប្រាប់ថា ជនរងគ្រោះស្លាប់មានឈ្មោះ សែន សាម អាយុ១៨ឆ្នាំ រស់នៅភូមិព្រៃវែង ឃុំគំរូ ស្រុកថ្មពួក ។ តាមមន្ត្រីនគរបាលប៉ុស្តិ៍បានបញ្ជាក់ថា សាច់ញាតិគឺជនរងគ្រោះបានត្រឡប់ពីចំការនៅខាងជើងភូមិប្រមាណជាង១គីឡូម៉ែត្រ ហើយពេលត្រឡប់មកពីមើលចំការវិញ ទំនងហែលទឹកឆ្លងអូរបណ្តាលលង់ទឹកបាត់ទៅរកមិនឃើញ ។
លុះដល់ម៉ោង១២ថ្ងៃទី០១ ខែមិថុនា ឆ្នាំ២០២១ ទើបអ្នកស្រុកទៅចំការដើរកាត់ ក៏ប្រទះឃើញសាកសពអណ្តែតទឹកហើយប្រាប់សាច់ញាតិ។
មន្ត្រីនគរបាលប៉ុស្តិ៍បានបញ្ជាក់ថា ក្រោយទទួលព័ត៌មានហើយកម្លាំងនគរបាលជំនាញបានចុះទៅពិនិត្យសាកសពជនរងគ្រោះនៅកន្លែងកើតហេតុឃើញថា ជនរងគ្រោះគឺលង់ទឹកស្លា.ប់ ក្រោយពិនិត្យហើយប្រគល់ជនសាច់ញាតិធ្វើបុណ្យតាមប្រពៃណី ៕
ចែករំលែកព័តមាននេះ