ម៉ូតូកែច្នៃបំពង់ស៊ីម៉ាំងចំនួន១២គ្រឿង ត្រូវបានកម្លាំងនគរបាលខណ្ឌឬស្សីកែវ ឃាត់ទុកជាបន្តបន្ទាប់រយៈពេល៣ថ្ងៃហើយ និងបានអញ្ជើញម្ចាស់ម៉ូតូចូលខ្លួនមកទទួលការផាពិន័យ តាមច្បាប់ ដោយក្នុង១គ្រឿងចំនួន
រាជធានីភ្នំពេញ ៖ ម៉ូតូកែច្នៃបំពង់ស៊ីម៉ាំងចំនួន១២គ្រឿង ត្រូវបានកម្លាំងនគរបាលខណ្ឌឬស្សីកែវ ឃាត់ទុកជាបន្តបន្ទាប់រយៈពេល៣ថ្ងៃហើយ និងបានអញ្ជើញម្ចាស់ម៉ូតូចូលខ្លួនមកទទួលការផាពិន័យ តាមច្បាប់ ដោយក្នុង១គ្រឿងចំនួន១០ម៉ឺនរៀល និងអោយដោះដូរបំពង់ស៊ីម៉ាំងធម្មតាវិញ ។ ការផាកពិន័យ និងណែនាំក្រុមយុវជនទំនើងនេះ ធ្វើឡើងកាលពីវេលាម៉ោងប្រមាណ២រសៀល ថ្ងៃទី០១ ខែមិថុនា ឆ្នាំ២០២១ នៅស្នាក់ការប៉ុស្តិ៍នគរបាលស្វាយប៉ាក ខណ្ឌឬស្សីកែវ ។
លោកវរសេនីយ៍ទោ គង់ រតនៈភ័ណ្ឌ អធិការនគរបាលខណ្ឌឬស្សីកែវ ទទួលផែនចរាចរបានឲ្យដឹងថា ការឃាត់ម៉ូតូកែច្នៃបំពង់ស៊ីមុំាងប្រែននេះ ធ្វើឡើងជាបន្តបន្ទាប់ចាប់ពីថ្ងៃទី២៦ ខែឧសភា ឆ្នាំ២០២១ រហូតដល់យប់ថ្ងៃទី៣១ ខែមិថុនា ឆ្នាំ២០២១ ដោយសមត្ថកិច្ចអធិការដ្ឋាននគរបាលខណ្ឌឬស្សីកែវ បានដាក់គោលដៅស្ទាក់ឃាត់ម៉ូតូកែច្នៃបំពង់ស៊ីមុំាង(ប្រែន) នៅក្នុងមូលដ្ឋានស្សីកែវ។
ជាលទ្ធផលអធិការដ្ឋានបានឃាត់ម៉ូតូកែច្នៃបំពង់ស៊ីមុំាង (ប្រែន) បានចំនួន១២គ្រឿងយកមករក្សាទុកនៅប៉ុស្តិ៍នគរបាលស្វាយប៉ាកហើយ និងបានអញ្ជើញម្ចាស់ម៉ូតូមកធ្វើការផាកពិន័យ និងណែនាំអោយ ដោះដូរស៊ីម៉ាំងនៅពេលនេះ។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវ ក៏បានបញ្ជាក់ឲ្យដឹងថា ក្រោយពីធ្វើកិច្ចសន្យារួច បានឲ្យម្ចាស់ម៉ូតូទាំងអស់នោះដោះដូរបំពង់ស៊ីម៉ាំងដែលឮខ្លាំងចេញ និងដាក់បំពង់ស៊ីមុំាងធម្មតាចូលវិញដោយខ្លួនឯង និងបានផាកវិន័យជាប្រាក់ចំនួន១០ម៉ឺនរៀលតាមច្បាប់ចរាចរណ៍ផ្លូវគោក រួចអនុញ្ញាតឲ្យត្រឡប់ទៅផ្ទះវិញ ដោយសន្យាថា ឈប់កែច្នៃបំពង់ស៊ីម៉ាំងម៉ូតូឲ្យឮខ្លាំងៗជាការរំខានដល់សាធារណជនទៀត ៕
ចែករំលែកព័តមាននេះ