លោកបេនខាសុន ដែលជាបុគ្គលដ៏សំខាន់ និងជាបេក្ខភាពនៅលំដាប់លេខ១ ក្នុងគណបក្សសាធារណរដ្ឋរបស់សហរដ្ឋអាមេរិកនាពេលបច្ចុប្បន្នបានបញ្ជាក់ថា «ពីរ៉ាមីត» នៅអេហ្ស៊ីប បានសាងសង់ដោយសប្បុរសជនចូសេហ្វ
លោកបេនខាសុន ដែលជាបុគ្គលដ៏សំខាន់ និងជាបេក្ខភាពនៅលំដាប់លេខ១ ក្នុងគណបក្សសាធារណរដ្ឋរបស់សហរដ្ឋអាមេរិកនាពេលបច្ចុប្បន្នបានបញ្ជាក់ថា «ពីរ៉ាមីត» នៅអេហ្ស៊ីប បានសាងសង់ដោយសប្បុរសជនចូសេហ្វ សម្រាប់ធ្វើជាឃ្លាំងរក្សាទុកគ្រាប់ធញ្ញជាតិ មិនមែនជាទីតាំងបញ្ចុះព្រះសពហ្វារ៉ូ ដូចអ្នកបុរាណវិទ្យាសន្និដ្ឋានឡើយ។
លោកខាសុន ដែលចូលប្រឡូកក្នុងការបោះឆ្នោតប្រធានាធិបតីសហរដ្ឋអាមេរិក ឆ្នាំ២០១៦ ធ្លាប់ផ្តល់គោលគំនិតនេះកាលពីឆ្នាំ១៩៩៨ ខណៈពេលថ្លែងសុន្ទរកថានៅមហាវិទ្យាល័យអ៊ែនឌ្រូ ។ តាមខ្សែអាត់វីដេអូដែលផ្សព្វផ្សាយ ក្នុងវែបសាយ Buzzfed កាលពីថ្ងៃទី៤ វិច្ឆិកា ២០១៥ លោកខាសុន បញ្ជាក់ថា «តាមទ្រឹស្តីផ្ទាល់របស់ខ្ញុំសប្បុរសជនចូសេហ្វ គឺជាអ្នកសាងសង់ពីរ៉ាមីតឡើងសម្រាប់ស្តុកគ្រាប់ធញ្ញជាតិ ខណៈពេលអ្នកបុរាណវិទ្យាក្នុងយុគសម័យថ្មី សន្និដ្ឋានថាពីរ៉ាមីត សាងសង់ឡើងដើម្បីជាទីបញ្ចុះព្រះសព្វហ្វារ៉ូ ។
ប្រសិនបើសង្កេតលើគ្រោងសំណង់នៅផ្នែកខាងក្នុងពីរ៉ាមីត គឺមានបន្ទប់ជាច្រើន និងបន្ទប់ នីមួយៗបិទជិត ខ្យល់មិនអាចចេញចូលបាន ទេ ត្រង់ចំណុចនេះ គឺមានហេតុផលច្រើនយ៉ាងដែលមនុស្សសម័យមុនសាងសង់ ។ អ្នកវិទ្យាសាស្ត្រជាច្រើនធ្លាប់និយាយថា ជួនកាលអាចសាងសង់ដោយមនុស្សពិភពផ្កាយដែលមានវិញ្ញាណពិសេស ប៉ុន្តែលោកអ្នកដឹងច្បាស់ថា គ្មានមនុស្សពិភពផ្កាយមកសាងសង់ទេដរាបណាមានព្រះជាម្ចាស់នៅក្បែរខ្លួនលោកអ្នក ។ នៅក្នុងសៀវភៅ «Genesis» ជាផ្នែកមួយនៃព្រះគម្ពីរ «បៃបល» បញ្ជាក់ថា សប្បុរសជនចូសេហ្វ ជាមនុស្សម្នាក់ក្នុងចំណោមកូនប្រុស១២នាក់ របស់ព្រះអង្គជេខុប និងជាកូនច្បងដែលត្រូវបានលក់ធ្វើជាទាសករឱ្យឈ្មួញធ្វើដំណើរទៅអេហ្ស៊ីប ហើយក្រោយមកលោកក្លាយជាបុគ្គលដ៏មានអំណាចមួយរូបនៅដែនដីអេហ្ស៊ីប» ។
បច្ចុប្បន្នប្រជាប្រិយភាពរបស់លោកខាសុន និងលោកមហាសេដ្ឋីដូណាល់ត្រាំ កំពុងមានសន្ទុះទី១ និងទី២ ក្នុងបណ្តាបេក្ខភាពគណបក្សសាធារណរដ្ឋ ប៉ុន្តែមនុស្សភាគច្រើនសម្លឹងឃើញថា គោលគំនិតអភិរក្ស និងភាពផូរផង់ក្នុងសាសនាគ្រឹស្តរបស់លោកខាសុន អាចទាក់ទាញគ្រឹស្តសាសនានិកបានច្រើន៕
ចែករំលែកព័តមាននេះ