Copa America រកប្រទេសធ្វើម្ចាស់ផ្ទះមិនទាន់ឃើញ ក្រោយអាហ្សង់ទីនដកខ្លួនចេញ
អន្តរជាតិ ៖ ប្រទេសអាហ្សង់ទីន បានសម្រេចដកខ្លួនចេញពីការរៀបចំជាម្ចាស់ផ្ទះសម្រាប់ព្រឹត្តិការណ៍ Copa America ដែលនឹង
អន្តរជាតិ ៖ ប្រទេសអាហ្សង់ទីន បានសម្រេចដកខ្លួនចេញពីការរៀបចំជាម្ចាស់ផ្ទះសម្រាប់ព្រឹត្តិការណ៍ Copa America ដែលនឹងត្រូវធ្វើឡើងនៅពាក់កណ្តាលខែមិថុនាឆាប់ៗខាងមុខនេះ។
ដើមឡើយ អាហ្សង់ទីនត្រូវធ្វើជាសហម្ចាស់ផ្ទះជាមួយប្រទេសកូឡុំប៊ី ដែលបានដកខ្លួនចេញរួចហើយ កាលពីថ្ងៃទី២០ ខែឧសភា កន្លងទៅ។ បន្ទាប់ពីផ្ទុះការតវ៉ាប្រឆាំង និងរដ្ឋាភិបាល អំឡុងពេលមានវិបត្តិកូវីដ១៩ ដែលអាចរំខានដល់ការប្រកួតប្រជែងសម្រាប់ពានរង្វាន់នេះ។
យោងតាមសហព័ន្ធកីឡាបាល់ទាត់អាមេរិកខាងត្បូង (CONMEBOL) បានប្រកាសថា ប្រទេសអាហ្សង់ទីន ក៏បានសម្រេចចិត្តដកខ្លួនចេញផងដែរ ដោយសារតែស្ថានភាពបច្ចុប្បន្ន កំពុងតែមានការកើនឡើងខ្លាំងករណីឆ្លងកូវីដ១៩ រួមនិងសកម្មភាពតវ៉ាប្រឆាំង កំពុងតែផ្ទុះឡើងខ្លាំងដូចគ្នា។
សហព័ន្ធបច្ចុប្បន្នកំពុងវិភាគលើការផ្តល់សិទ្ធិដល់ប្រទេសផ្សេងទៀត ដែលមានចំណាប់អារម្មណ៍ក្នុងការធ្វើជាម្ចាស់ផ្ទះព្រឹត្តិការណ៍ Copa America ដែលតាមការគ្រោងទុកនឹងចាប់ផ្តើមពីថ្ងៃទី១៣ ខែមិថុនា រហូដល់ថ្ងៃទី១០ ខែកក្កដា ដោយមានប្រទេសចំនួន១០ចូលរួមការប្រកួតប្រជែង។
សហព័ន្ធនឹងបើកកិច្ចប្រជុំបន្ទាន់មួយនៅថ្ងៃច័ន្ទនេះ ដើម្បីសម្រេចចិត្តលើជំហានបន្ទាប់ សម្រាប់ការប្រកួត ដែលត្រូវបានពន្យាពេលរួចមកហើយ កាលពីឆ្នាំ២០២០ ដោយសារតែរាតត្បាតនៃជំងឺកូវីដ១៩៕ (ដកស្រង់ចេញពី BBC)
ចែករំលែកព័តមាននេះ