កម្លាំងកងរាជអាវុធហត្ថចំនួន១១នាក់ និងចុងភៅម្នាក់ ត្រូវបានលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ នៅថ្ងៃទី២៨ ខែឧសភា ឆ្នាំ២០២១នេះ បានតម្រូវឲ្យពិនិត្យសំណាក ដើម្បីរកមេរោគកូវីដ
ខេត្តបន្ទាយមានជ័យ ៖ កម្លាំងកងរាជអាវុធហត្ថចំនួន១១នាក់ និងចុងភៅម្នាក់ ត្រូវបានលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ នៅថ្ងៃទី២៨ ខែឧសភា ឆ្នាំ២០២១នេះ បានតម្រូវឲ្យពិនិត្យសំណាក ដើម្បីរកមេរោគកូវីដ១៩ នៅនឹងបញ្ជាការដ្ឋានកងរាជអាវុធហត្ថខេត្តតែម្តង ។
បើតាមប្រភពពីកងរាជអាវុធហត្ថខេត្តបន្ទាយមានជ័យ បានឲ្យដឹងថា ដើម្បីទប់ស្កាត់ការឆ្លងរីករាលជំងឺកូវីដ១៩ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានឲ្យកម្លាំងការិយាល័យសុខាភិបាល បញ្ជាការដ្ឋានកងរាជងាវុធហត្ថខេត្ត យកសំណាកមន្ត្រីកងរាជអាវុធហត្ថទាំង១១នាក់ និងចុងភៅម្នាក់ទៅធ្វើតេស្តរកមេរោគកូវីដ១៩ ដោយពួកគាត់ទាំងនោះបានពាក់ព័ន្ធដោយប្រយោលជាមួយនឹងជនសង្ស័យម្នាក់ដែលត្រូវកម្លាំងជំនាញការិយាល័យគ្រឿងញៀនបង្ក្រាបបានកាលពីថ្ងៃទី២១ ខែឧសភា ឆ្នាំ២០២១នោះ ហើយមានវិជ្ជមានជំងឺកូវីដ១៩។
ប្រភពដដែលបានបញ្ជាក់ថា ឆ្លងតាមការពិនិត្យជាលើកទី០១ មន្ត្រីកងរាជអាវុធហត្ថទាំង១១នាក់ និងចុងភៅម្នាក់នោះ ត្រូវបានរកឃើញថា លទ្ធផលគឺអវិជ្ជមានទាំងអស់ ៕
ចែករំលែកព័តមាននេះ