វ៉ាក់សាំង៤លាន៥សែនដូសនឹងមកដល់កម្ពុជានៅក្នុងខែមិថុនាខាងមុខនេះ
- ភ្នំពេញ
រាជធានីភ្នំពេញ ៖ វ៉ាក់សាំងបង្ការជំងឺកូវីដ19 ចំនួន៤លាន៥សែនដូស នឹងមកដល់កម្ពុជានៅខែមិថុនា ឆ្នាំ2021 ខាងមុខនេះ ។ នេះបើតាមសម្តេចតេជោហ៊ុន សែន…
រាជធានីភ្នំពេញ ៖ វ៉ាក់សាំងបង្ការជំងឺកូវីដ19 ចំនួន៤លាន៥សែនដូស នឹងមកដល់កម្ពុជានៅខែមិថុនា ឆ្នាំ2021 ខាងមុខនេះ ។ នេះបើតាមសម្តេចតេជោហ៊ុន សែន…
រាជធានីភ្នំពេញ ៖ វ៉ាក់សាំងបង្ការជំងឺកូវីដ19 ចំនួន៤លាន៥សែនដូស នឹងមកដល់កម្ពុជានៅខែមិថុនា ឆ្នាំ2021 ខាងមុខនេះ ។ នេះបើតាមសម្តេចតេជោហ៊ុន សែន ។
យោងតាមសារសម្លេងរបស់ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅពីព្រឹកថ្ងៃទី២៩ ឧសភា ឆ្នាំ២០២១បានបញ្ជាក់ថា« យើងនឹងមានវ៉ាក់សាំងគ្រប់គ្រាន់ដើម្បីចាក់ ហើយតាមគម្រោងនឹងមកប្រមាណ៤លាន៥សែនដូសទៀតសម្រាប់ខែមិថុនា ឆ្នាំ២០២១ ហើយនិងមកជាបន្តបន្ទាប់ទៀត» ។
សម្តេចតេជោ បញ្ជាក់ថា យើងនឹងអាចចាក់យ៉ាងហោចណាស់ក្នុង ៥លានទៅ៦លាននាក់ មុនដំណាច់ឆ្នាំនេះក្នុងចំណោម១០លាននាក់ ហើយយើងនឹងខិតខំធ្វើឱ្យសម្រេចនូវការចាក់វ៉ាក់សាំង១០លាននាក់ នៅក្នុងឆ្នាំនេះ ឬយឺតបំផុតនៅដើមឆ្នាំក្រោយតែម្តង ដើម្បីឱ្យប្រជាពលរដ្ឋរបស់យើងទទួលបាននូវវ៉ាក់សាំងគ្រប់ៗគ្នា ។
ក្នុងសារសំឡេងនោះដែរ សម្ដេចតេជោ ក៏បានបញ្ជាក់ទៅកាន់ថ្នាក់ដឹកនាំមួយចំនួនក៏ដូចជា បណ្ដាក្រុមហ៊ុនឯកជនដែលស្នើសុំឲ្យមានការចាក់វ៉ាក់សាំងនៅតាមក្រុមហ៊ុនឯកជន និងតាមតំបន់មួយចំនួនទៀតថា មិនទាន់អាចរៀបចំបានទេ ។ ពីព្រោះពេលនេះវ៉ាក់សាំងកម្ពុជាមាន គឺមិនទាន់គ្រប់គ្រាន់នៅឡើយ ។
សម្ដេចក៏បានលើកឡើងថា យុទ្ធនាការនៃការចាក់វ៉ាក់សាំងជូនប្រជាពលរដ្ឋនៅពេលកន្លងមក គឺជាយុទ្ធនាការចាក់វ៉ាក់សាំងតាមបែបផ្ការីកដែលមានន័យថា ចាក់នៅក្នុងរាជធានីភ្នំពេញថា ជាតំបន់ស្នូលរួចហើយ ខេត្តកណ្ដាល និងបណ្ដាខេត្តមួយចំនួនទៀត ។ ការធ្វើបែបនេះ ដើម្បីឲ្យមានភាពសាំក្នុងការចាក់វ៉ាក់សាំង បើមិនដូច្នេះទេយើងចាក់នៅកន្លែងនេះបន្តិចកន្លែងលក់បន្តិចនោះការចាក់វ៉ាក់សាំង និងមិនមានភាពសាំនោះទេ ។
សូមជម្រាបថា កម្ពុជាបានទទួលវ៉ាក់សាំងជាជំនួយក៏ដូចជា វ៉ាក់សាំងដែលបញ្ជាទិញពីសាធារណរដ្ឋប្រជាមានិតចិនដែលជាមិត្តដែកថែបជាជាបន្តបន្ទាប់មករួចហើយ ៕
ចែករំលែកព័តមាននេះ