មនុស្សជំនិតលោក កឹម សុខា សួររកលុយ៧០ម៉ឺនដុល្លារកន្លងមករបស់ទូរទស្សន៍ព្រះអាទិត្យនៅទីណា?
- ភ្នំពេញ
រាជធានីភ្នំពេញ ៖ លោក មុត ចន្ថា មនុស្សជំនិតម្នាក់របស់ លោក កឹម សុខា អតីតមេដឹកនាំគណបក្សប្រឆាំង…
រាជធានីភ្នំពេញ ៖ លោក មុត ចន្ថា មនុស្សជំនិតម្នាក់របស់ លោក កឹម សុខា អតីតមេដឹកនាំគណបក្សប្រឆាំង…
រាជធានីភ្នំពេញ ៖ លោក មុត ចន្ថា មនុស្សជំនិតម្នាក់របស់ លោក កឹម សុខា អតីតមេដឹកនាំគណបក្សប្រឆាំង បានប្រកាសសួររកថវិការចំនួន ៧០ម៉ឺនដុល្លារអាមេរិកដែលជាលុយ មូលនិធិទូរទស្សន៍ព្រះអាទិត្យ កន្លងមក ថានៅទីណា ដើម្បីយលលុយនោះ មកជួយពលរដ្ឋកំពុងរងគ្រោះដោយសារកូវីដ-១៩នៅកម្ពុជា ។
លោកបានបន្តថា លុយចំនួន ៧០ម៉ឺនដុល្លារអាមេរិក ដែលកន្លងមកអតីតគណបក្សសង្រ្គោះជាតិប្រមូលបានដើម្បីបើកទូរទស្សន៍ព្រះអាទិត្យ តែគ្មានចេញរូបរាងរហូតដល់ពេលនេះ គួរបង្វែរលុយមូលនិធិទូរទស្សន៍ព្រះអាទិត្យជួយពលរដ្ឋពេលជួបការលំបាក ។ ការប្រកាសរកថវិការមូលនិធិនេះ ខណៈប្រជាពលរដ្ឋកម្ពុជាដែលធ្លាប់ចូលរួមថវិការក្នុងបង្កើតទូរទស្សន៍ព្រះអាទិត្យដែលអតីតបង្កើតប្រឆាំងគ្រោងបង្កើតកន្លងមក ។
លោកមុត ចន្ថា បានសរសេរលើបណ្តាញសង្គម នៅថ្ងៃទី២៧ ឧសភាយ៉ាងដូច្នេះថា « តើមូលនិធិជាង៧០ម៉ឺនដុល្លារអាមេរិក សម្រាប់បង្កើតទូរទស្សន៍ព្រះអាទិត្យនៅឯណា? គួរយកមកជួយពលរដ្ឋ»។
លោកថា នៅថ្ងៃទី២៧ ខែមិថុនា ឆ្នាំ២០១៥ គណបក្សសង្គ្រោះជាតិ បានបើកប្រមូលជំនួយពីសាធារណជន ដើម្បីគាំទ្រគាំទ្រគណបក្សសង្គ្រោះជាតិនូវមូលនិធិបង្កើត «ទូរទស្សន៍ព្រះអាទិត្យ» ឬ «SUN TV» ។
គិតត្រឹមខែកញ្ញា ឆ្នាំ២០១៥ គណបក្សសង្គ្រោះជាតិប្រមូលបានថវិកាដែលបានមកពីការបរិច្ចាគថវិកាផ្ទាល់ខ្លួនរបស់ប្រជាពលរដ្ឋខ្មែរ ជាង៧០ម៉ឺន ដុល្លារអាមេរិក ។ លោកលើកឡើងថា នៅក្រោយលោក កឹម សុខា ត្រូវបានចាប់ខ្លួន និងបន្តមកទៀតគណបក្សសង្គ្រោះជាតិត្រូវរំលាយដោយតុលាការកំពូល នៅថ្ងៃទី១៦ ខែវិច្ឆិកា ឆ្នាំ២០១៧ តាមបណ្តឹងរបស់គណបក្សហ្វ៊ុនស៊ិនប៉ិច និងគណបក្សយុវជនកម្ពុជារួចមក ថវិការបស់គណបក្ស និងមូលនិធិបង្កើតទូរទស្សន៍ព្រះអាទិត្យត្រូវបានដកចេញពីគណនេយ្យធនាគារស្ងាត់បាត់ឈឹង ។
មន្ត្រីជាន់ខ្ពស់នៃគណបក្សសង្គ្រោះជាតិ០៣រូប ដែលមានសិទ្ធិចុះហត្ថលេខាលើ Cheque ដើម្បីដកប្រាក់ពីធនាគារ គឺ១ – លោក កឹម សុខា ប្រធានគណបក្ស ២- លោក យឹម សុវណ្ណ ប្រធានគណៈកម្មការធិការប្រតិបត្តិគណបក្ស និង៣ – លោក គី វណ្ណដារ៉ា អគ្គហិរញ្ញឹកគណបក្ស ប៉ុន្តែខណៈដែលលោក កឹម សុខា កំពុងជាប់ឃុំនៅពន្ធនាគារត្រពាំងថ្លុង ខេត្តត្បូងឃ្មុំ គឺមានតែលោក យឹម សុវណ្ណ និងលោក គី វណ្ណដារ៉ា ប៉ុណ្ណោះ ដែលមានសិទ្ធិចុះហត្ថលេខាដកប្រាក់ទាំងអស់ពីគណនេយ្យធនាគារ ។
លោកថា ខ្ញុំឃើញលោក សម រង្ស៉ី អតីតប្រធានគណបក្សសង្គ្រោះជាតិ (២០១២-កុម្ភៈ ២០១៧) បាននិងកំពុងលក់ប័ណ្ណនាឡិកា ដោយអះអាងថា ដើម្បីយកថវិកាមកជួយពលរដ្ឋខ្មែរដែលរងគ្រោះដោយជម្ងឺកូវីដ-១៩ នៅប្រទេសកម្ពុជា ។ ខ្ញុំយល់ថា ដើម្បីជួយពលរដ្ឋខ្មែរឱ្យទាន់ពេលវេលាក្នុងវិបត្តិចំពោះមុខគួរតែឱ្យលោក យឹម សុវណ្ណ និងលោក គី វណ្ណដារ៉ា បង្វែរថវិការបស់ទូរទស្សន៍ព្រះអាទិត្យ ដែលជាថវិកាបានមកពីការបរិច្ចាគរបស់ប្រជាពលរដ្ឋ ដើម្បីយកមកជួយពួកគាត់វិញ ។
ម្យ៉ាងវិញទៀត ថវិកាជាង៣០ម៉ឺនដុល្លារ ដែលប្រមូលបានពីផែនការមាតុភូមិនិវត្តន៍ ៩ វិច្ឆិកា ២០១៩ គួរបញ្ចេញមកជួយប្រជាពលរដ្ឋខ្មែរ ដែលកំពុងរងគ្រោះដោយរោគរាតត្បាតកូវីដ-១៩។
លោកក៏បានសួរទៅ លោក យឹម សុវណ្ណ និងលោក គី វណ្ណដារ៉ា គួរតែចេញមុខមកបញ្ជាក់ដល់ម្ចាស់មូលនិធិទូរទស្សន៍ព្រះអាទិត្យ គឺប្រជាពលរដ្ឋខ្មែរ តើថវិកាជាង ៧០ម៉ឺន ដុល្លារ នៅឯណា? ៕
ចែករំលែកព័តមាននេះ