មិនដឹងលឿនយ៉ាងណា! កុងតឺន័រពន្លះបង្គោលភ្លើង និងបង្គោលស្លាកស្ថានីយប្រេង ផ្អើ.លផ្លូវវ៉េងស្រេង
- ភ្នំពេញ
រាជធានីភ្នំពេញ ៖ រថយន្តកុងតឺន័រមួយគ្រឿងសង្ស័យអ្នកបើកបរបើកក្នុងល្បឿនលឿនបួងចង្កូតមិនទាន់ក៏ជ្រុលឡើងឃឿនពុះ
រាជធានីភ្នំពេញ ៖ រថយន្តកុងតឺន័រមួយគ្រឿងសង្ស័យអ្នកបើកបរបើកក្នុងល្បឿនលឿនបួងចង្កូតមិនទាន់ក៏ជ្រុលឡើងឃឿនពុះ
រាជធានីភ្នំពេញ ៖ រថយន្តកុងតឺន័រមួយគ្រឿងសង្ស័យអ្នកបើកបរបើកក្នុងល្បឿនលឿនបួងចង្កូតមិនទាន់ក៏ជ្រុលឡើងឃឿនពុះចែកទ្រូងផ្លូវបុកបង្គោលភ្លើង និងបង្គោលប៉ាណូផ្សាយពាណិជ្ជកម្ម ជ្រុលទៅបុកបង្គោលស្លាកស្ថានីយប្រេងបន្ថែមទៀត បណ្តាលឱ្យរងការខូចខាតយ៉ាងធ្ងន់ធ្ងរ បង្កអោយមានការភ្ញាក់ផ្អើលកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី២៧ ខែឧសភា ឆ្នាំ២០២១ នៅតាមបណ្តោយផ្លូវវេងស្រេង ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ ។
រថយន្តកុងតឺន័រមួយគ្រឿងខាងលើ ពណ៌ទឹកប្រាក់ ឆ្នូតខៀវ ពាក់ស្លាកលេខ ភ្នំពេញ 3A-7374 អ្នកបើកបរមិនស្គាល់អត្តសញ្ញាណ ។
តាមប្រភពពត៌មានពីកន្លែងកើតបានអោយដឹងថា មុនពេលកើតហេតុ រថយន្ដកុងតឺន័រមួយគ្រឿងខាងលើបើកបរតាមបណ្តោយផ្លូវវេងស្រេងក្នុងទិសដៅពីលិចទៅកើតក្នុងល្បឿនយ៉ាងលឿន ដោយវ៉ាជែងរថយន្ដផ្សេងទៀតក្នុងទិសដៅស្របគ្នា តែដោយសារទីតាំងផ្លូវកន្លែងកើតហេតុជាចំណុចផ្លូវកោង ទើបរថយន្ដកុងតឺន័របើកលឿនបួងចង្កូតមិនទាន់ ក៏ជ្រុលឡើងឃឿនពុះចែកទ្រូងផ្លូវបុកបង្គោលភ្លើង និងបង្គោលប៉ាណូពាណិជ្ជកម្ម រួចជ្រុលទៅបុកបង្គោលប៉ាណូស្ថានីយប្រេងបន្ថែមទៀត បណ្តាលឱ្យរងការខូចខាតយ៉ាងធ្ងន់ធ្ងរ។
តាមប្រភពពត៌មានពីកន្លែងកើតហេតុបានបន្តទៀតថា ខណៈពេលភ្លាមៗនោះអ្នកបើកបររថយន្តកុងតឺន័របានចុះពីលើរថយន្តរួចរត់គេចខ្លួនបាត់ស្រមោល បន្សល់ទុករថយន្តកុងតឺន័រនៅកន្លែងកើតហេតុ។ បន្ទាប់មកក៏មានកំលាំងនគរបាលប៉ុស្តិ៍បានមកដល់ទីតាំងកន្លែងកើតហេតុ ហើយកំលាំងនគរបាលប៉ុស្តិ៍បានទាក់ទងទៅផ្នែកជំនាញភ្លាមៗផងដែរ។
ក្រោយពេលកើតហេតុ កំលាំងនគរបាលជំនាញចរាចរណ៍ខណ្ឌពោធិ៍សែនជ័យបានចុះមកដល់ចំណុចកើតហេតុ ហើយបានទាក់ទងទៅផ្នែកជំនាញចរាចរណ៍ផ្លូវគោករាជធានីភ្នំពេញ ដើម្បីវាស់វែង និងយករថយន្តកុងតឺន័រទៅរក្សាទុក រង់ចាំធ្វើការដោះស្រាយនៅថ្ងៃក្រោយទៀត ៕
ចែករំលែកព័តមាននេះ