លោកឧត្តមសេនីយ៍ទោជួន ណារិន្ទ៖ ជនបង្កកំពុងអនុវត្តទោសនៅពន្ធនាគារយូរហើយ
- ព្រះសីហនុ
ខេត្តព្រះសីហនុ៖ សណ្ឋាគារ Gold Sea Hotel ដែលជាប់ពាក់ព័ន្ឋទៅនឹងម្ចាស់សណ្ឋាគារលួចបង្កប់ Camera គិតមកដល់ថ្ងៃទី២៥ ឧសភា ឆ្នាំ២០២១…
ខេត្តព្រះសីហនុ៖ សណ្ឋាគារ Gold Sea Hotel ដែលជាប់ពាក់ព័ន្ឋទៅនឹងម្ចាស់សណ្ឋាគារលួចបង្កប់ Camera គិតមកដល់ថ្ងៃទី២៥ ឧសភា ឆ្នាំ២០២១ នៅបន្តបិទទ្វារនៅឡើយ ខណៈពេលជនបង្កកំពុងអនុវត្តទោសនៅពន្ធនាគារយូរហើយ ។ នេះបើយោងតាមការបញ្ជាក់ពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុថ្លែងបញ្ជាក់ប្រាប់ នៅថ្ងៃទី២៥ ខែ ឧសភា នេះ ។ សូមរំលឹកថា ៖ ដេនី ក្វាន់ ទម្លាយរឿងរ៉ាវបណ្តឹងជាមួយម្ចាស់សណ្ឋាគារនៅខេត្តព្រះសីហនុ
លោកឧត្តមសេនីយ៍ទោ ជួន ណារិន្ទ ស្នងការខេត្តព្រះសីហនុបញ្ជាក់ថា សំណុំរឿងបង្កប់កាមេរ៉ាក្នុងបន្ទប់សណ្ឋាគារក្នុងក្រុងព្រះសីហនុ ជនបង្កកំពុងអនុវត្តទោសនៅពន្ធនាគារយូរហើយ ។ បើតាមការបញ្ជាក់ពីលោកឧត្តមសេនីយ៍ទោ ជួន ណារិន្ទ ដដែលបានបញ្ជាក់បន្ថែមថា ចំពោះសំណុំរឿងចាស់តុលាការបានសម្រេចក្តីរួចហើយ ខណៈដែលជនដែលពាក់ព័ន្ធនឹងការបង្កប់កាមេរ៉ាក្នុងបន្ទប់សណ្ឋាគារនោះ ក៏កំពុងតែអនុវត្តទោសក្នុងពន្ធនាគារនៅឡើយ ។
លោក ជួន ណារិន្ទ ស្នងការនគរបាលខេត្តព្រះសីហនុបានប្រាប់ឱ្យដឹងទៀតថា បណ្តឹងនៃការបង្កប់កាមេរ៉ាក្នុងបន្ទប់សណ្ឋាគារសមុទ្រមាស ក្នុងក្រុងព្រះសីហនុ បានកើតឡើងតាំងពីថ្ងៃទី២១ ខែតុលា ឆ្នាំ២០២០មកម្លេះ ។ លោកបញ្ជាក់ថា ម្ចាស់សណ្ឋាគារ គឺអ្នកស្រី ជា ណារី គឺជាពលរដ្ឋខ្មែររស់នៅក្នុងស្រុកខ្មែរ ត្រូវបានតុលាការកាត់ទោសពីបទរំលោភសិទ្ធិឯកជនដោយជាប់ពន្ធធនាគារយៈពេល១ឆ្នាំ តាំងពីខែតុលា ២០២០មកម្លេះ ចំណែកសណ្ឋាគារសមុទ្រមាស សមត្ថកិច្ចបានបិទដំណើរការតាំងពីថ្ងៃទី២២ ខែតុលា ២០២០ មកដែរ ។
ដោយឡែក អ្នកនាង ដេននី ក្វាន់ បានបង្ហោះនោះលើបណ្តាញទំនាក់ទំនងសង្គម នាព្រឹកថ្ងៃទី២៥ ឧសភានេះ បានទម្លាយនូវរឿងម្ចាស់សណ្ឋាគារមួយនៅកំពង់សោមឈ្មោះ Gold Sea Hotel លួចបង្កប់ Camera ក្នុងបន្ទប់គេងរបស់នាង និងបន្ទប់ផ្សេងៗ ទៀតអំឡុងពេលដែលនាងទៅស្នាក់នៅទីនោះកាលពីខែតុលាឆ្នាំ២០២០។ ដេន នីក្វាន់ បានបញ្ជាក់ថា នាងទ្រាំមិនឡាយ៍ ជាសាធារណៈទេ ព្រោះរង់ចាំដំណោះស្រាយល្អជាមួយម្ចាស់សណ្ឋាគារ តែលទ្ធផលនាងទទួលបានសំណងជាលុយត្រឹម១ម៉ឺនដុល្លារប៉ុណ្ណោះ។
ចំពោះសំណុំរឿងនេះផងដែរ នៅពុំទាន់មានប្រភពជាក់លាក់ណាមួយថា ជនដែលពាក់ព័ន្ធនោះជាជាមនុស្សប្រុសឬស្រី អាយុប៉ុន្មាន ជាជនជាតិអ្វី និងត្រូវជាប់ទោសប៉ុន្មានឆ្នាំនៅឡើយនោះទេ ហើយមូលហេតុអ្វីបានជាម្ចាស់សណ្ឋាគារនេះ ហ៊ានបង្កប់ការមេរ៉ា គ្រប់បន្ទប់ភ្ញៀវនោះទេ។
ប៉ុន្តែបើយោងតាមប្រភពពីសមត្ថកិច្ចដែលបានធ្លាប់ចូលរួមអនុវត្តក្នុងសំណុំរឿងនេះបានខ្សឹបប្រាប់ថា ម្ចាស់សណ្ឋាគារដែលបានលួចបង្កប់កាមេរ៉ាក្នុងបន្ទប់ភ្ញៀវ គឺជាស្ត្រីអានិកជនខ្មែរ មិនមែនជាបុរសដូចក្នុងរូបភាពនោះទេ ។ ស្ត្រីរូបនេះរស់នៅបរទេស មានវ័យចំណាស់ចេញ-ចូល ទៅមកក្រៅប្រទេស បានបញ្ជាអោយអ្នកមើលការខុសត្រូវបំពាក់កាមេរ៉ាគ្រប់បន្ទប់ទាំងអស់ ដោយពុំដឹងមូលហេតុអ្វីជាក់លាក់ សូម្បីតែបន្ទប់គេងផ្ទាល់ខ្លួនរបស់គាត់ ក៏ចាប់កាមេរ៉ាដែរ និយាយជារួមក្នុងសណ្ឋាគារ គ្មានកន្លែងណាដែលគ្មានកាមេរ៉ានោះទេ ហេតុនេះ ស្ត្រីរូបនេះអាចមានរោគចិត្ត ។ នេះបើយោងតាមការសន្និដ្ឋានក្រៅផ្លូវការ ។ ដោយ៖ ឈុន គឹមហៃ
ចែករំលែកព័តមាននេះ