ខេត្តកំពត ៖ តំណាង មណ្ឌលកំសាន្ត ហាទៀង វេហ្គាស មានលោក ហ៊ុន តារា និង លោក ធីម ប្លាញ បាននាំយកអំណោយរួមមាន សៀវភៅ ប៊ិច និងថវិកាមួយចំនួនជូនសាលាស្រុកកំពង់ត្រាច កាលពីព្រឹកថ្ងៃទី៤ វិច្ឆិកា ២០១៥ ។
លោក ហ៊ុន តារា តំណាងមណ្ឌលកំសាន្ត ហាទៀង វេហ្គាស ព្រែកចាក បានប្រាប់ឲ្យដឹងថា កន្លងមកមណ្ឌលកំសាន្ត ហាទៀង វេហ្គាស តែងតែផ្តល់អំណោយមានសម្ភារសិក្សាជាច្រើន រួមទាំងអង្ករ មី ទឹកត្រី ទៅសាលាស្រុកកំពង់ត្រាច ដែលមានលោក អ៊ុម ស៊ីណាត ជាអភិបាលស្រុកទទួលយកទៅចែកបន្តជូនដល់ប្រជាជនក្រីក្រ និងចាស់ជរាគ្មានទីពឹង ។ លោក ហ៊ុន តារា បន្តទៀតថា ដោយឡែកនៅព្រឹកថ្ងៃទី៤ វិច្ឆិកានេះ មណ្ឌលកំសាន្យ ហាទៀង វេហ្គាស បាននាំយកអំណោយមកជូនសាលាស្រុកកំពង់ត្រាចជាថ្មីម្តងទៀតរួមមាន ប៊ិច៤០០ដើម សៀវភៅ៤០០ក្បាល និងថវិកា១លានរៀល ព្រមទាំងបានសន្យាជាមួយលោកអភិបាលស្រុកថា នឹងមានអំណោយមួយចំនួនទៀតទុកជូនសាលាស្រុកកំពង់ត្រាចដើម្បីយកទៅចែកជូនបន្តដល់ប្រជាពលរដ្ឋងាយរងគ្រោះ ។
លោក អ៊ុម ស៊ីណាត អភិបាលស្រុកកំពង់ត្រាច បានថ្លែងអំណរគុណផងដែរចំពោះមណ្ឌលកំសាន្ត ហាទៀង វេហ្គាស ដែលតែងតែបានជួយឧបត្ថម្ភទាំងសម្ភារសិក្សា និងថវិកាសម្រាប់ចែកជូនដល់សិស្សក្រីក្រ ជាពិសេសប្រជាជនក្រីក្រ ៕
ចែករំលែកព័តមាននេះ