ស្ដ្រីជនជាតិអាហ្វហ្គានីស្ថានម្នាក់ត្រូវក្រុមប្រដាប់អាវុធតាលីបង់ដាក់ទោស ដោយចាប់ដាក់ក្នុងរណ្ដៅត្រឹមក ហើយគប់នឹងដុំថ្ម បណ្ដាលឱ្យស្លា.ប់ក្រោយពីនាងរត់ចោលប្ដីដែលរៀបការតាមការបង្ខំ
ស្ដ្រីជនជាតិអាហ្វហ្គានីស្ថានម្នាក់ត្រូវក្រុមប្រដាប់អាវុធតាលីបង់ដាក់ទោស ដោយចាប់ដាក់ក្នុងរណ្ដៅត្រឹមក ហើយគប់នឹងដុំថ្ម បណ្ដាលឱ្យស្លាប់ក្រោយពីនាងរត់ចោលប្ដីដែលរៀបការតាមការបង្ខំ និងព្យាយាមគេចតាមប្រុសស្នេហ៍របស់ខ្លួន ។
វីដេអូឃ្លីបបានបង្ហាញរូបភាពក្រុមបុរសនាំគ្នាគប់ដុំថ្មទៅលើរាងកាយរបស់នាងរ៉ុក សាហាណា អាយុ២១ឆ្នាំ ដែលគេដាក់ក្នុងរណ្ដៅ។ ការដាក់ទោសដោយគប់នឹងដុំថ្មបណ្ដាលឱ្យស្លាប់នេះកើតឡើងកាលពីពេល ថ្មីៗកន្លងមកនៅស្រុក Ghalmeen ឆ្ងាយពីក្រុងហ្វ៊ីរ៉ូស្កូ ស្រុកហ្គ័រ ប្រមាណ៤០គីឡូម៉ែត្រ ។
លោកស៊ីម៉ា ចូយេនដា ចៅហ្វាយស្រុក «ហ្គ័រ» បញ្ជាក់ប្រាប់ AFP ថា «នារីរងគ្រោះត្រូវគប់នឹងដុំថ្មដោយពួកតាលីបង់ជាអ្នកដឹកនាំសាសនាក្នុងទីប្រជុំជន និងពួកអន្ធពាលប្រដាប់អាវុធ ដោយគ្មានការទទួលខុសត្រូវ ។
ស្ដ្រីរងគ្រោះត្រូវគេធ្វើទារុណកម្មយ៉ាងឃោរឃៅ ដោយគ្មានត្រាប្រណី ដូច្នេះអំពាវនាវដល់អាជ្ញាធរក្រុងកាប៊ុល ត្រូវតែបោសសំអាតពួកតាលីបង់ឱ្យអស់ចេញពីតំបន់នោះ ។ វាជារឿងហេតុដំបូងពិតមែន ប៉ុន្ដែមិនមែនជាលើកចុងក្រោយនៅតំបន់នោះទេ ព្រោះស្ដ្រីអាហ្វហ្គានីស្ថាននៅទូទាំងប្រទេស ប្រឈមមុខនឹងការចាប់រំលោភស្ទើរគ្រប់គ្នាហើយប្រុសដែលនាងរត់តាមក៏មិនទទួលទោសដោយគប់នឹងដុំថ្មដែរ» ។
លោកមូស្តាហ្វា ម៉ូសេនី មេបញ្ជាការប៉ូលិសក្នុងស្រុកហ្គ័រប្រាប់ AFP ថា ការដាក់ទោសដោយគប់នឹងដុំថ្មនេះបានកើតឡើងក្នុងតំបន់មានឥទ្ធិពលរបស់ពួកតាលីបង់ និងជាករណីដំបូងកើតឡើងនៅក្នុងឆ្នាំ២០១៥ នេះ ៕
ចែករំលែកព័តមាននេះ