អ្នកដាំបន្លែនៅមណ្ឌលគិរី កាក់កប ខណៈកន្លែងផ្សេងត្អូញថា គ្មានទីផ្សារ !
- ភ្នំពេញ
រាជធានីភ្នំពេញ ៖ កសិករឈ្មោះ ម៉េង ឃាង រស់នៅក្នុងសង្កាត់ស្ពានមានជ័យ នៅក្រុងសែនមនោរម្យ ខេត្តមណ្ឌលគិរី ថា គាត់អាចរកចំណូលបានពីការដាំបន្លែបានជាង…
រាជធានីភ្នំពេញ ៖ កសិករឈ្មោះ ម៉េង ឃាង រស់នៅក្នុងសង្កាត់ស្ពានមានជ័យ នៅក្រុងសែនមនោរម្យ ខេត្តមណ្ឌលគិរី ថា គាត់អាចរកចំណូលបានពីការដាំបន្លែបានជាង…
រាជធានីភ្នំពេញ ៖ កសិករឈ្មោះ ម៉េង ឃាង រស់នៅក្នុងសង្កាត់ស្ពានមានជ័យ នៅក្រុងសែនមនោរម្យ ខេត្តមណ្ឌលគិរី ថា គាត់អាចរកចំណូលបានពីការដាំបន្លែបានជាង ៥ ០០០ ដុល្លារក្នុងមួយឆ្នាំ ។ លោកថា បន្លែដែលគាត់ដាំដុះមានការ៉ុត ត្រប់ ត្រសក់ ដំឡូងបារាំង ស្ពៃក្តោប និងស្ពៃបូកគោ ជាដើម ។ លោក ម៉េង ឃាង ទទួលបានការជួយឧបត្ថម្ភពីគម្រោង «ការប្រើប្រាស់បច្ចេកវិទ្យាកសិកម្មថ្មីដែលធន់នឹងការប្រែប្រួលអាកាសធាតុ» ហៅកាត់ថា ASPIRE ។ ចំណូលពីការដាំបន្លែក្នុងបរិមាណខាងលើ បានធ្វើឲ្យសេដ្ឋកិច្ចគ្រួសាររីកចម្រើន និងមានលទ្ធភាពទិញដីសម្រាប់ទុកពង្រីករបរនេះបន្ថែមនាពេលអនាគត ។
ចំណែកកសិករម្នាក់ទៀត ឈ្មោះ ជិន ផល នៅក្នុងខេត្តមណ្ឌលគិរី ដែរនោះបានរៀបរាប់ឲ្យដឹងថា បានប្រកបរបរដាំបន្លែនេះ ៤ ឆ្នាំមកហើយសម្រាប់ផ្គត់ផ្គង់ឲ្យទីផ្សារក្នុងខេត្ត ។ ផលទទួលបានពីបន្លែ ធ្វើឲ្យជីវភាពធូរធារ ហើយអនាគតគ្រោងនឹងពង្រីកផ្ទៃដីបន្ថែម ។ លោក ជិន ផល កំពុងដាំការ៉ុត ស្ពៃបូកគោ ស្ពៃក្តោប ត្រកូន លើផ្ទៃដីប្រមាណ ១០ អា ប៉ុណ្ណោះ ។
នៅពេលកសិករទាំងពីររូបខាងលើ បានលើកឡើងពីផលទទួលបានពីការដាំដុះ មានកសិករមួយចំនួននៅត្អូញថា ការដាំបន្លែនៅកម្ពុជាពិបាករកទីផ្សារ ។ ទីផ្សារមិនទៀងទាត់មិនអាចប្រកូតប្រជែងការនាំចូលបន្លែពីបរទេសបាន ។ កាលពីដើមខែនេះ មានកសិករម្នាក់នៅស្រុកស្អាងខេត្តកណ្តាល បានសម្រេចចិត្តឈួសឆាយសាឡាត់កំពុងបានផលលើផ្ទៃដីជាកន្លះហិកតាចោលដោយ សារគ្មានអ្នកទិញ និងមានតម្លៃថោកពេក ។ លោក តៃ សុង កសិករនៅស្រុកស្អាងថា សាឡាត់ដែលដាំលើដីទំហំកន្លះហិកតានោះ បើសិនប្រមូលផលបានប្រហែល ១០ តោន ។
កសិកររូបនោះឲ្យដឹងថា បន្លែសាឡាត់ដែលបានដាំ បានចំណាយដើមទុនប្រហែល ២០ លានរៀល ដើម្បីជួលកម្មករ ទិញជី ថ្នាំ ប្រេង និងឧបករណ៍ប្រើប្រាស់ផ្សេងៗទៀត ដើម្បីដាំដុះ ប៉ុន្តែគ្មានអ្នកទិញបន្លែលោកឡើយ ។ កសិករដដែលថា ការដាំដុះរបស់កសិករជាច្រើននៅក្នុងតំបន់លោកបានជួបបញ្ហាគ្មានទីផ្សារដូចៗគ្នា ។
នៅពេលចុះទៅពិនិត្យការងារកសិកម្ម នៅខេត្តមណ្ឌលគិរី ឯកឧត្តម វេង សាខុន រដ្ឋមន្ត្រីក្រសួងកសិកម្ម បានលើកទឹកចិត្តឲ្យកសិករខិតខំដាំដុះបន្ថែមទៀត ដើម្បីឆក់យកឱកាសដែលទីផ្សារកំពុងត្រូវការ និងជាពិសេសដើម្បីលើកកម្ពស់កម្រិតជីវភាពកាន់តែល្អប្រសើរ តាមរយ:ការរកែប្រែទម្លាប់នៃការដុះតាមបែបធម្មជាតិ ទៅធ្វើការដាំដុះតាមតម្រូវការទីផ្សារ ការបញ្ជាទិញ និងអនុវត្តកសិកម្មតាមកិច្ចសន្យា អនុវត្តបច្ចេកទេសកសិកម្មទំនើបទាន់សម័យ កាត់បន្ថយពលកម្ម ដើមទុនផលិត ការប្រើប្រាស់ធាតុចូលកសិកម្មឲ្យបានត្រឹមត្រូវ មាន ប្រសិទ្ធភាព ទទួលបានប្រសិទ្ធផល ៕
ចែករំលែកព័តមាននេះ