ស្ត្រីជនជាតិខ្មែរ២នាក់ និងបុរសជនជាតិប៉ាគីស្ថានម្នាក់ កាលពីនៅវេលាម៉ោង៩និង០៩នាទីយប់ ថ្ងៃទី២២ ខែឧសភា ឆ្នាំ២០២១ ត្រូវប្រជាពលរដ្ឋនៅភូមិតេជោភ្នំឆ័ត្រ ឃុំស្វាយចេក ស្រុកស្វាយចេក បានរាយការណ៍ប្រាប់
ខេត្តបន្ទាយមានជ័យ ៖ ស្ត្រីជនជាតិខ្មែរ២នាក់ និងបុរសជនជាតិប៉ាគីស្ថានម្នាក់ កាលពីនៅវេលាម៉ោង៩និង០៩នាទីយប់ ថ្ងៃទី២២ ខែឧសភា ឆ្នាំ២០២១ ត្រូវប្រជាពលរដ្ឋនៅភូមិតេជោភ្នំឆ័ត្រ ឃុំស្វាយចេក ស្រុកស្វាយចេក បានរាយការណ៍ប្រាប់កម្លាំងនគរបាលសហការជាមួយកម្លាំងប្រជាការពារ ប្រចាំការទប់ស្កាត់ពលករលួចឆ្លងដែននៅគោលដៅតេជោភ្នំឆ័ត្រថា មានមនុស្សប្រុស-ស្រីចំនួន៣នាក់ត្រូវរថយន្តមិនស្គាល់ម៉ាកដឹកមកទម្លាក់ចោលនៅមុខផ្ទះគ្មានម្ចាស់នៅ ដែលស្គាល់ថា ជាផ្ទះរបស់លោកឧត្តមសេនីយ៍ ចាប វណ្ណី នៅភូមិតេជោភ្នំឆ័ត្រ ឃុំស្វាយចេក។
លោកកវរសេនីយ៍ត្រី ដោក ខាំ នាយប៉ុស្តិ៍ឃុំផ្គាំ ឈរជើងនៅគោលដៅតេជោភ្នំឆ៏ត្រ បានឲ្យដឹងថា ស្ត្រីជនជាតិខ្មែរ២នាក់នោះ ១-ឈ្មោះ ថា ប៊ុនហ្កិច អាយុ២០ឆ្នាំ, ២-ឈ្មោះថា ប៊ុនសៀកទៀង អាយុ១៨ឆ្នាំ ២នាក់បងប្អូននេះរស់នៅភូមិព្រែកគយ ឃុំព្រែកគយ ស្រុកស្អាង ខេត្តកណ្តាល ។ ចំណែកបុរសជនជាតិប៉ាគីស្ថាន ឈ្មោះ មហាម៉ាត់អៃយ៉ាស់ អាយុ៤៥ឆ្នាំ ស្នាក់នៅផ្ទះជិតស្ត្រីខ្មែរទាំង២នាក់នោះ ។
លោកវរសេនីយ៍ត្រី ដោក ខាំ បានបញ្ជាក់ថា ៖ តាមការសាកសួរ ពួកគេធ្វើដំណើរពីភ្នំពេញមកដេកនៅសៀមរាប១យប់ និងដេកនៅខេត្តបន្ទាយមានជ័យ១យប់ លុះពេលល្ងាចថ្ងៃទី២២ ខែឧសភា ពួកគេក៏រកឡានឈ្នួលជិះត្រឡប់ទៅភ្នំពេញវិញ ក៏មានឡានម៉ាកកាមរី១គ្រឿងដោយម្ចាស់ឡានបានដឹកពួកគេទៅទម្លាក់ចោលនៅមុខផ្ទះមិនមានមនុស្សនៅ ធ្វើឲ្យពួកគេដាច់បាយដាច់ទឹក និងថែមទាំងយកថ្លៃឡានពីបន្ទាយមានជ័យទៅកន្លែងហ្នឹងចំនួន៥០ដុល្លារ រួចក៏បើកឡានគេចខ្លួនបាត់។
លោកវរសេនីត្រីដោក ខាំ បានប្រាប់ថា អ្នកទាំង០៣នាក់ត្រូវបានបញ្ជូនទៅមណ្ឌលសុំចតច្រកអូរបីជាន់ហើយ ដើម្បីត្រួតពិនិត្យ និងធ្វើចត្តាឡីស័ក ៕
ចែករំលែកព័តមាននេះ