អាហារ៥ប្រភេទ ល្អសម្រាប់អ្នកឧស្សាហ៍រមួលក្រពើ
ឧស្សាហ៍រមួលក្រពើមែនទេ? បើមែន សូមកុំភ្លេចគិតដល់អាហារដែលអ្នកគួរទទួលទាន។ ថ្ងៃនេះ អ្នកបានស្គាល់ពីអាហារ ៥ប្រភេទ ដែលជួយដល់អ្នកដែលមានបញ្ហានេះ។ ១. ចេក៖ អ្នកប្រហែលជាដឹងហើយថា…
ឧស្សាហ៍រមួលក្រពើមែនទេ? បើមែន សូមកុំភ្លេចគិតដល់អាហារដែលអ្នកគួរទទួលទាន។ ថ្ងៃនេះ អ្នកបានស្គាល់ពីអាហារ ៥ប្រភេទ ដែលជួយដល់អ្នកដែលមានបញ្ហានេះ។ ១. ចេក៖ អ្នកប្រហែលជាដឹងហើយថា…
ឧស្សាហ៍រមួលក្រពើមែនទេ? បើមែន សូមកុំភ្លេចគិតដល់អាហារដែលអ្នកគួរទទួលទាន។ ថ្ងៃនេះ អ្នកបានស្គាល់ពីអាហារ ៥ប្រភេទ ដែលជួយដល់អ្នកដែលមានបញ្ហានេះ។
១. ចេក៖ អ្នកប្រហែលជាដឹងហើយថា ផ្លែចេកគឺជាប្រភេទដ៏ល្អមួយនៃជាតិប៉ូតាស្យូម។ ប៉ុន្តែវាក៏នឹងផ្តល់ឲ្យអ្នកនូវម៉ាញ៉េស្យូម និងកាលស្យូមដែរ។ ជីវជាតិទាំងបីនេះគឺជាតម្រូវការសម្រាប់រាងកាយក្នុងការបំបាត់បញ្ហារមួលក្រពើហើយ។
២. ដំឡូងជ្វា៖ វាមិនខុសពីផ្លែចេកឡើយ ដំឡូងជ្វាផ្តល់នូវជាតិប៉ូតាស្យូម កាលស្យូម និងម៉ាញ៉េស្យូម។ ដំឡូងប្រភេទនេះនឹងជួយឲ្យអ្នកឆាប់ដោះស្រាយបញ្ហារមួលក្រពើបានដោយសារតែវាមានជាតិកាលស្យូមច្រើនជាងផ្លែចេករហូតដល់ ៦ដងឯណោះ។ ការញ៉ាំដំឡូងជ្វា និងផ្លែល្ពៅទៀងទាត់គឺជាប្រភពដ៏ល្អមួយនៃជីវជាតិទាំងបីនេះ។ ផ្លែល្ពៅក៏មានជាតិទឹកច្រើនដែលអាចជួយអ្នកបង្គ្រប់ជាតិទឹកក្នុងខ្លួនផងដែរ។
៣. ផ្លែប័រ៖ ផ្លែប័រពណ៌បៃតងមួយនេះមានជាតិប៉ូតាស្យូមប្រហែល ៩៧៥មីលីក្រាម ដែលវាច្រើនជាងដំឡូងជ្វា ឬផ្លែចេករហូតដល់ ២ដងឯណោះ។ ប៉ូតាស្យូមគឺជារបស់ដ៏សំខាន់ដោយសារតែវាជួយសាច់ដុំធ្វើការកាន់តែល្អ និងជួយឲ្យបេះដូងមានសុខភាពល្អ។ ដូច្នេះបើអ្នកឧស្សាហ៍រមួលក្រពើ ចូរកុំភ្លេចឧស្សាហ៍ញ៉ាំផ្លែប័រផង។
៤. ផ្លែឪឡឹក៖ ផ្លែឪឡឹកមានជាតិទឹកប្រហែល ៩០ភាគរយ ដូច្នេះ នៅពេលអ្នកត្រូវការញ៉ាំអាហារដែលមានជាតិទឹកច្រើន ការញ៉ាំផ្លែឪឡឹកគឺជាជម្រើសដ៏ល្អហើយ។ ក្រៅពីជាតិទឹក ផ្លែឪឡឹកក៏មានជាតិប៉ូតាស្យូមខ្ពស់ដែរ ប៉ុន្តែមិនច្រើនដូចផ្លែឈើខាងលើឡើយ។
៥. ទឹកដោះគោ៖ ដវាគឺជាប្រភពធម្មជាតិមួយនៃអេឡិចត្រូលីត្រដូចជា កាលស្យូម ប៉ូតាស្យូម និងសូដ្យូម។ វាគឺជាជម្រើសនៃការបង្រ្គប់ជាតិទឹកដ៏ល្អមួយ។ ហើយវាផ្ទុកទៅដោយជាតិប្រូតេអ៊ីនដែលអាចជួសជុលសាច់ដុំដែលខូចខាតក្រោយពីហាត់ប្រាណរួចបានដែរ។ ដូច្នេះវានឹងជួយការពារភាពរមួលរឹងរបស់សាច់ដុំបាន៕
ចែករំលែកព័តមាននេះ