ខេត្តព្រៃវែង៖ យោងតាមលទ្ធផលបានពិនិត្យរកវីរុសកូវីដ-១៩ តាមរយ:ការធ្វើតេស្តរហ័ស(Rapid Test) នៅថ្ងៃទី២០ ឧសភា ឆ្នាំ២០២១ រដ្ឋបាលខេត្តព្រៃវែងក៏បានប្រកាសរកឃើញអ្នកវិជ្ជមានជំងឺកូវីដ-១៩ថ្មីចំនួន១១នាក់បន្ថែមទៀត ក្នុងនោះមានស្លា.ប់ម្នាក់ ដែលជាករណីឆ្លងក្នុងសហគមន៍ព្រឹត្តិការណ៍…
ខេត្តព្រៃវែង៖ យោងតាមលទ្ធផលបានពិនិត្យរកវីរុសកូវីដ-១៩ តាមរយ:ការធ្វើតេស្តរហ័ស(Rapid Test) នៅថ្ងៃទី២០ ឧសភា ឆ្នាំ២០២១ រដ្ឋបាលខេត្តព្រៃវែងក៏បានប្រកាសរកឃើញអ្នកវិជ្ជមានជំងឺកូវីដ-១៩ថ្មីចំនួន១១នាក់បន្ថែមទៀត ក្នុងនោះមានស្លា.ប់ម្នាក់ ដែលជាករណីឆ្លងក្នុងសហគមន៍ព្រឹត្តិការណ៍ ២០កុម្ភ: និងមកពីតាមបណ្តារាជធានី-ខេត្ត និងមកពីក្រៅប្រទេស ដូចមានប្រវត្តិថ្ងៃធ្វើដំណើរ និងឈ្មោះ រួមជាមួយទីកន្លែងស្នាក់នៅ ។
សូមបញ្ជាក់ផងដែរ គិតត្រឹមថ្ងៃទី២០ ឧសភា ឆ្នាំ២០២១ នេះ ខេត្តព្រៃវែងមានអ្នកឆ្លងជំងឺកូវីដ-១៩ សរុប២២៤នាក់ ព្យាបាលជាសះស្បោយ១១៤នាក់ កំពុងសម្រាកព្យាបាល១០៦ និងស្លា.ប់៤នាក់។ ដូច្នេះ ដើម្បីបង្ការ និងទប់ស្កាត់ការឆ្លងរាលដាលជំងឺកូវីដ-១៩ និងកាត់ផ្តាច់ការចម្លងចូលក្នុងសហគមន៍ រដ្ឋបាលខេត្តព្រៃវែង សូមអំពាវនាវដល់បងប្អូនប្រជាពលរដ្ធដែលធ្លាប់បានប្រាស្រ័យទាក់ទងជាមួយអ្នកវិជ្ជមានកូវីដ-១៩ខាងលើ ត្រូវរាយការណ៍ជូនអាជ្ញាធរជាបន្ទាន់ និងប្រញាបរួសរាន់ទៅផ្តល់វត្ថុសំណាកដើម្បីវិភាគរកវីរុសកូវីដ-១៩ នៅមន្ទីរពេទ្យបង្អែករៀងរាល់ម៉ោងធ្វើការ(រួមទាំងថ្ងៃឈប់សម្រាក)ហើយត្រូវធ្វើចត្តាឡីស័កនៅផ្ទះរបស់ខ្លួនអោយបានតាមបទបញ្ជាផ្ទៃក្នុងសម្រាប់អ្នកធ្វើចត្តាឡីស័ករយ:ពេល១៤ថ្ងៃ។
ចំពោះអ្នកពាក់ព័ន្ធដទៃទៀត ត្រូវតាមដានសុខភាពផ្ទាល់ខ្លួនជាប្រចាំ ត្រូវពិនិត្យកម្តៅយ៉ាងតិច២ដងក្នុង១ថ្ងៃ និងត្រូវសម្រាក់នៅផ្ទះបន្ទប់ដាច់ដោយឡែកតែម្នាក់ឯង និងត្រូវអនុវត្តកាតព្វកិច្ចរក្សាគម្លាតសុវត្ថិភាពអោយបានមុឺងម៉ាត់បំផុត ជាពិសេសអនុវត្តអោយបានខ្ជាប់ខ្ជួននូវវិធានការ -៣ការពារ និង៣កុំ-របស់សម្តេចអគ្គមហាសេនាបតីតេជោ ហ៊ុន សែន នាយករដ្ធមន្ត្រី នៃព្រះរាជាណាចក្រកម្ពុជា។
ក្នុងករណីមានការសង្ស័យ ឬប្រែប្រួលសុខភាពខុសប្រក្រតីដូចជាឡើងកម្តៅលើសពី៣៧អង្សាសេ ក្អក កណ្តាស់ ហៀរសំបោរ ឈឺបំពង់ក ថប់ៗដង្ហើម…. ត្រូវទំនាក់ទំនងទៅក្រុមឆ្លើយតបបន្ទាន់នៃមន្ទីរពេទ្យបង្អែកតាមក្រុង-ស្រុក ឬប្រធានមន្ទីរសុខាភិបាលខេត្តព្រៃវែងតាមរយ:លេខទូរស័ព្ទ ០៧១ ៧៧៧ ៧៨៧១ ។ ដោយ៖ ស៊ឹម សាន់
ចែករំលែកព័តមាននេះ