ខេត្តកណ្តាល ៖ យោងតាមការបញ្ជាក់ពីលោក មន សុឃឿន មេឃុំសារិកាកែវ បានប្រាប់អោយដឹងថា រហូតមកដល់វេលាម៉ោងជាង៥ល្ងាច ថ្ងៃទី១៩ ខែឧសភា ឆ្នាំ២០២១នេះ មានប្រជាពលរដ្ឋរស់នៅភូមិតាស្គរ ឃុំសារិកាកែវ ស្រុកល្វាឯម ខេត្តកណ្តាល បានស្លា.ប់ជាបន្តបន្ទាប់គ្នាចំនួន១២នាក់ហើយ និង៥នាក់ទៀតកំពុងសម្រាកព្យាបាលនៅមន្ទីរពេទ្យ។ បន្ទាប់ពីពួកគាត់បានទៅចូលរួមកំដរក្នុងពិធីបុណ្យស.ពអ្នកភូមិជាមួយគ្នា ហើយបានផឹកស្រា.ស កាលពីយប់ថ្ងៃទី១០ ខែឧសភា ឆ្នាំ២០២១ កន្លងទៅ។
តែទោះយ៉ាងណា ករណីមនុស្សស្លា.ប់បន្តបន្ទាប់គ្នាចំនួន១២នាក់ និងសម្រាកព្យាបាល៥នាក់ខាងលើនេះ លោក មន សុឃឿន មេឃុំ មិនទាន់ហ៊ានបញ្ជាក់ប្រាប់ពីមូលហេតុអោយដឹងនោះទេ ព្រោះមន្ត្រីជំនាញកំពុងតែចុះស្រាវជ្រាវ ពិនិត្យ និងធ្វើកោសល្យវិច្ច័យ តែលទ្ធផលពុំទាន់ដឹងឡើយ។
ហើយនៅថ្ងៃទី១៩ ខែឧសភា ឆ្នាំ២០២១នេះ អាជ្ញាធរ សមត្ថកិច្ច ក្រុមគ្រូពេទ្យ ក្រុមយុវជន និងប្រជាការពារភូមិ បានប្រមូលអ្នកពាក់ព័ន្ធដែលទៅចូលរួមពិធីបុណ្យស.ពនោះចំនួន៨៤នាក់មកពិនិត្យសុខភាព ប៉ុន្តែដោយសុខភាពពួកគាត់ធម្មតា ក៏អោយពួកគាត់ត្រឡប់ទៅផ្ទះវិញផងដែរ។
ដោយឡែកក្រុមគ្រួសារអ្នកស្លា.ប់បានដាក់ការសង្ស័យថា ការស្លា.ប់របស់ប្តី ឬកូនចៅគាត់ គឺបណ្តាលមកពីពុលស្រា.ស ដែលផឹកពេលទៅកំដរបុណ្យស.ពគេក្បែរផ្ទះ លុះពេលមកដល់ផ្ទះវិញក៏មានអាការៈក្តៅស្រែកទឹក និងរឹងខ្ញង់ដៃជើង បានតែ១ថ្ងៃឬ២ថ្ងៃ ក៏បែកពពុះមាត់ត្រដរដាច់ខ្យល់ស្លា.ប់តែម្តង។
ហើយខ្លះទៀតមានអាការៈដូចគ្នា លុះយកទៅមន្ទីរពេទ្យបង្អែកស្រុក បានតែ៣ថ្ងៃ ៤ថ្ងៃ ៥ថ្ងៃ ឬ៦ថ្ងៃ ៧ថ្ងៃ ឬក៏៨ថ្ងៃ ទៅ៩ថ្ងៃ គឺដាច់ខ្យល់ស្លា.ប់ជាបន្តបន្ទាប់គ្នា។ ចុងក្រោយ ក្រុមគ្រួសារស.ពទាំង១២នាក់ខាងលើ សូមសំណូមពរដល់អាជ្ញាធរសមត្ថកិច្ច និងមន្ត្រីជំនាញ មេត្តាជួយអោយបានដឹងលទ្ធផលឆាប់ៗផង។
គួរបញ្ជាក់ថា ចំពោះអ្នកស្លា.ប់មិនទាន់បានស្គាល់ឈ្មោះអស់នោះទេ ដោយសារអាជ្ញាធរជាប់រវល់មិនបានបញ្ជាក់ប្រាប់៕
ចែករំលែកព័តមាននេះ