រាជធានីភ្នំពេញ ៖ លោកស្រី មុំ ចាន់ដានី ប្រធានមន្ទីរសង្គមកិច្ចអតីតយទ្ធជន និងយុវនីតិសម្បទារាជធានីភ្នំពេញ បានឱ្យដឹងថា មជ្ឈមណ្ឌលសំចតសង្គមកិច្ច (ព្រៃស្ពឺ) នាព្រឹកថ្ងៃពុធ ៨កើត ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៩ ខែឧសភា ឆ្នាំ២០២១នេះ ជនរងគ្រោះ-ជនងាយរងគ្រោះចំនួន៣៤៣នាក់ (ស្រីចំនួន ១៤០ នាក់)ក្នុងនោះរួមមាន៖ ជនអនាថា ជនចាស់ជរាគ្មានទីពឹង អ្នកសុំទានស្ត្រីរកស៊ីផ្លូវភេទ ជនមានស្មារតីមិនប្រក្រតី ជនចំណាកស្រុកពីតាមបណ្ដាខេត្ត គ្មានទីពឹងទទួលបានការចាក់វ៉ាក់សាំងការពារកូវីដ ១៩ លើកទី១។
លោកស្រី មុំ ចាន់ដានី ថ្លែងអំណរអគុណយ៉ាងជ្រាលជ្រៅបំផុត ចំពោះសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលបានផ្ដល់វ៉ាក់សាំងបង្ការជំងឺកូវីដ-១៩ ដល់ជនរងគ្រោះជនងាយរងគ្រោះដែលកំពង់ស្នាក់នៅក្នុងមណ្ឌលសំចត (ព្រៃស្ពឺ)។ សូមគោរពថ្លែងអំណរគុណយ៉ាងជ្រាលជ្រៅគោរពជូនចំពោះឯកឧត្តម វង សូត្រ រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា។ សូមគោរពថ្លែងអំណរគុណយ៉ាងជ្រាលជ្រៅគោរពជូនចំពោះ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ។
សូមគោរពថ្លែងអំណរគុណយ៉ាងជ្រាលជ្រៅគ្រប់ជូនចំពោះលោកវេជ្ជបណ្ឌិត លោកគ្រូពេទ្យអ្នកគ្រូពេទ្យ (ទ័ពអាវស) ដែលបានជាប់ចិត្តទុកដាក់ខ្ពស់ព្យាបាលអ្នកជំងឺវីត-19 ថែទាំសុខភាព និងការចាក់វ៉ាក់សាំងបង្ការទប់ស្កាត់កូវីដ-១៩។ សូមគោរពថ្លែងអំណរគុណដល់កងកម្លាំងគ្រប់ប្រភេទអាជ្ញាធរមូលដ្ឋានគ្រប់លំដាប់ថ្នាក់ដែលបានយកចិត្តទុកដាក់ ការពារអាយុជីវិតប្រជាពលរដោយមិនប្រកាន់និន្នាការនយោបាយ នៅតាមមូលដ្ឋានទូទាំងប្រទេស ជាពិសេសក្នុងភូមិសាស្ត្ររាជធានីភ្នំពេញ៕ ដោយ ៖ ចន ណារិទ្ធ
ចែករំលែកព័តមាននេះ