បុរសសង្ហាសាច់ដុំធំៗអតីតបុរសឯកអន្តរជាតិនឹងចូលប្រកួតស៊ីហ្គេមលើកដំបូង និងរំពឹងថាឈ្នះមេដាយ
- ភ្នំពេញ
រាជធានីភ្នំពេញ ៖ បើទោះជាការប្រកួតជាលក្ខណៈកីឡា គឺជាការប្រកួតលើកដំបូង ប៉ុន្តែអតីតបុរសឯក លោក អ៊ិត សុធា ហាក់
រាជធានីភ្នំពេញ ៖ បើទោះជាការប្រកួតជាលក្ខណៈកីឡា គឺជាការប្រកួតលើកដំបូង ប៉ុន្តែអតីតបុរសឯក លោក អ៊ិត សុធា ហាក់
រាជធានីភ្នំពេញ ៖ បើទោះជាការប្រកួតជាលក្ខណៈកីឡា គឺជាការប្រកួតលើកដំបូង ប៉ុន្តែអតីតបុរសឯក លោក អ៊ិត សុធា ហាក់មានជំនឿចិត្តខ្ពស់ថាលោកនឹងឈ្នះមេដាយ ដោយទោះមិនបានមេដាយមាស ក៏ពិតជាបានមេដាយណាមួយជូនជាតិ។ ការរំពឹងបែបនេះ គឺបន្ទាប់ពីលោកជឿជាក់លើការហ្វឹកហាត់របស់ខ្លួន និងសម្អាងថា នាពេលកន្លងមកគឺលោកក៏ធ្លាប់មើលគេចូលប្រកួត គឺមិនល្អជាងលោកណាស់ណាស់។
លោក អ៊ិត សុធា ធ្លាប់តែប្រឡូកក្នុងវិស័យសិល្បៈតែប៉ុណ្ណោះ ដោយក្រោយពីបានចូលប្រកួតលើឆាកអន្តរជាតិ ហើយទទួលបានចំណាត់ថ្នាក់លេខ៤ Mister United World ឆ្នាំ២០១៩ បុរសឯករូបនេះ ទទួលបានការចាប់អារម្មណ៍នៅក្នុងវិស័យសម្ដែង ដោយម្នាក់កត់សម្គាល់ថា ទីផ្សារសិល្បៈរបស់លោកឈានឡើងកាន់តែខ្លាំង។ ដូច្នេះហើយទើបម្នាក់ៗភ្ញាក់ផ្អើលនៅពេលលោកស្រាប់តែបានក្លាយជាកីឡាករជម្រើសជាតិតំណាងអោយប្រទេសកម្ពុជា ដោយបានជ្រកក្នុងសហព័ន្ធកីឡាកាយវប្បកម្ម និងត្រៀមទៅប្រកួតសាច់ដុំ ក្នុងនាមជាកីឡាករ លើវិញ្ញាប្រកួតសាច់ដុំនៅស៊ីហ្គេម ដែលនឹងធ្វើឡើងនៅប្រទេសវៀតណាម ។
ថ្វីត្បិតតែការប្រកួតដ៏ធំមួយនេះ គឺជាលើកដំបូង និងជាការងារថ្មីដែលមិនធ្លាប់ប្រឡូក បន្ទាប់ពីក្លាយជាតារាសិល្បៈ តែលោក អ៊ិត សុធា ហាក់មានជំនឿចិត្តខ្ពស់លើភារកិច្ចមួយនេះ។ លោកបញ្ជាក់ថា ដោយសារតែលោកនិយមហាត់លើកសាច់ដុំ អោយមានរាងស្អាត ទើបខាងសហព័ន្ធកីឡាកាយវប្បកម្មជ្រើសរើសជាកីឡាករជម្រើសជាតិ ដោយតម្រូវអោយលោកចូលប្រកួតស៊ីហ្គេមលើវិញ្ញាសារសាច់ដុំ ក្នុងប្រភេទទម្ងន់៨០គីឡូក្រាម។ ជាមួយនឹងការទទួលបានឱកាសដ៏កម្រនេះ លោកថា ខ្លួនកាន់តែប្រឹងហាត់ ដោយក្រៅពីប្រឹងហាត់លើកសាច់អោយបានសាច់ស្អាត លោកក៏ត្រូវរក្សាគីឡូអោយបានដាច់ខាត ក្នុងប្រភេទទម្ងន់៨០គីឡូក្រាម ដោយមិនដែលប្រហែសនោះដែរ។
រាល់ថ្ងៃលោកមិនដែលភ្លេចខ្លួននោះទេ ហើយក៏ជាការលំបាកផងដែរ ដែលត្រូវប្រឹងប្រែងហ្វឹកហាត់រាល់ថ្ងៃ ប្រឹងយកសាច់ដុំទ្រូងផង សាច់ដុំស្មារផង និង សាច់ដុំត្រកៀកកំភួនជើងផង អោយបានសាច់ដុំស្អាត តាមអ្វីដែលវិញ្ញាសារចង់បាន។ លោកត្រូវហាត់អោយបានសាច់ដុំធំ ហើយបានសាច់ស្ងួត ណែនល្អ និងត្រូវធ្វើតាមបច្ចេកទេសគ្រប់ជំហាន ដោយមិនមែនគ្រាន់តែហាត់អោយតែបានសាច់ដុំតែម្យ៉ាងទេ។ នេះគឺជាលើកទី១ បើមិនរាប់ការឡើងប្រកួតជាបុរសឯក ដែលធ្លាប់ជាប់ចំណាត់ថ្នាក់លេខ៤ក្នុងការប្រកួតនៅថៃលើឆាកអន្តរជាតិនាពេលកន្លងមក តែលោកប្រាប់ថា មិនមែនជារឿងខុសគ្នាទេ ដោយគ្រាន់តែមួយគឺជាការប្រកួតសម្រស់ និង មួយទៀតគឺប្រកួតសាច់ដុំ និងគឺជាការប្រកួតជាលក្ខណៈអន្តរជាតិដូចតែគ្នាទេ។
អ្វីដែលពិបាកបំផុត គឺលោកក៏ត្រូវតមរបបអាហារ និង ត្រូវថែសុខភាពដើម្បីបង្កើនការហ្វឹកហាត់ផងដែរ ដើម្បីអោយការប្រកួតនៅស៊ីហ្គេមនៅវៀតណាម នាខែ១១នេះ ទទួលបានជោគជ័យ។ លោកមានការរំពឹងថា នឹងបានមេដាយណាមួយត្រលប់មកវិញ ដែលក្ដីរំពឹងនេះក៏ត្រូវបានហ្វេនៗ ដែលគាំទ្រការដើរម៉ូដ និង ការសម្ដែងរបស់លោកនាពេលកន្លងមក ជូនពរអោយលោកជោគជ័យ នៅក្នុងការប្រកួតស៊ីហ្គេមលើកដំបូងនេះផងដែរ៕
ចែករំលែកព័តមាននេះ