កំណាព្យ (ទឹកតែ) បទកាកគតិ ដោយ ព្រុំ គឹម ជឿន
– គ្រប់ហាងគុយទាវ មានបំរើភ្ញៀវ តែក្ដៅផឹក Free
ទឹកតែស្រុកយើង មានគ្រប់ទិសទី ប្រុសស្រីមូលមីរ
– គ្រប់ហាងគុយទាវ មានបំរើភ្ញៀវ តែក្ដៅផឹក Free
ទឹកតែស្រុកយើង មានគ្រប់ទិសទី ប្រុសស្រីមូលមីរ
– គ្រប់ហាងគុយទាវ មានបំរើភ្ញៀវ តែក្ដៅផឹក Free
ទឹកតែស្រុកយើង មានគ្រប់ទិសទី ប្រុសស្រីមូលមីរ ផឹកតាមស្រេកឃ្លាន។
– តែឆ្ងាញ់ពិសារ មិនញៀនដូចស្រា កញ្ឆា អាភៀន
តែមានតែម្យ៉ាង ផឹកកើតរោគញៀន ភ្លេចការខ្មាស់អៀន បំពានគុណធម៍ ។
– តែមានចេស្ដា ជួយដោះបញ្ហា ជំពាក់ដូចវល្លិ
តែជួយរត់ការ ចាត់ចែងបន្ដរ ការអន់ ការល្អ ស៊ីសងទឹកតែ ។
– ទោះការរោងចក្រ ក៏ត្រូវមានប្រាក់ ឱ្យគេមុនដែរ
គ្មានលុយឱ្យមុន គេយកប្រាក់ខែ ហៅលុយ“ទឹកតែ” គឺលុយសំណូក ។
– បើមាន“ទឹកតែ” ការមិនខ្វះដែរ មានច្រើនគរគោក
បញ្ហាចំបង ត្រូវមានលុយសូក ការក៏បានមក ដោយសាររូបិ៍យ ។
– ខ្លះប្រឹងរៀនចប់ បែរជាត្រឡប់ មិនបានការអ្វី
ថ្លៃទឹកតែខ្ពស់ ព្រោះការប្រពៃ សូមលើកពីរបី ជាឧទាហរណ៍ ។
– មេព្រៃរាប់ម៉ីន គយរឹតតែច្រើន បើទីតាំងល្អ
ទៅណាវ៉ាល្បែង? កន្លែងជាន់ក ស៊ីខ្ជាក់បន្ដរ ចិញ្ចឹមមេទៀត ។
– និទានប៉ុណ្ណឹង ដឹងស្រេចថាតឹង ពិបាកប្រជ្រៀត
ព្រោះកន្លែងខ្លាញ់ វាណែនចង្អៀត ចូលបានត្រូវឆ្លៀត ប្រឹងលេបត្របាក់។
– រកស៊ីតូចធំ រឿងពេញនិយម គឺឋិតលើប្រាក់
បើទឹកតែដល់ គ្មានអ្វីស្ទើរស្ទាក់ មានលោកគ្រាក់ៗ ធ្វើជាជំនួយ ។
– ទោះចង់ស្អាតស្អំ ក៏ត្រូវបង្ខំ ឱ្យពុករលួយ
សូកអស់សន្ធឹក អ្នកណាមិនព្រួយ? ម្លោះហើយប្រឹងពួយ បូមវិញគ្មានល្ហែ។
– សង្ឃឹមថ្ងៃមួយ អស់ទុក្ខអស់ព្រួយ ពីរឿង“ទឹកតែ”
ច្បាប់ពុករលួយ ចាប់កំណើតដែរ ជួយសង្គមខ្មែរ ចំរើនស្អាតស្អំ ។
ដោយ ព្រុំ គឹម ជឿន prumkimchoeun@gmail.com
ចែករំលែកព័តមាននេះ