១ថ្ងៃ បាត់បង់ជីវិត ២នាក់ នៅឃុំកំពង់ត្រាចខាងលិច ដោយរន្ទះបា.ញ់ និងឆក់ខ្សែភ្លើង
- កំពត
កំពត៖ អ្នកភូមិ ២នាក់ បាត់បង់ជីវិត ក្នុងថ្ងៃតែមួយ។ ម្នាក់ ត្រូវរន្ទះបាញ់ និងម្នាក់ទៀត ត្រូវឆក់ខ្សែភ្លើង។ ក្នុងនោះ…
កំពត៖ អ្នកភូមិ ២នាក់ បាត់បង់ជីវិត ក្នុងថ្ងៃតែមួយ។ ម្នាក់ ត្រូវរន្ទះបាញ់ និងម្នាក់ទៀត ត្រូវឆក់ខ្សែភ្លើង។ ក្នុងនោះ…
កំពត៖ អ្នកភូមិ ២នាក់ បាត់បង់ជីវិត ក្នុងថ្ងៃតែមួយ។ ម្នាក់ ត្រូវរន្ទះបាញ់ និងម្នាក់ទៀត ត្រូវឆក់ខ្សែភ្លើង។ ក្នុងនោះ ពលរដ្ឋម្នាក់ ឈ្មោះ វិត ថា ភេទប្រុស អាយុ ៤៨ឆ្នាំ នៅភូមិកណ្ដាលទួល ឃុំកំពង់ត្រាចខាងលិច ស្រុកកំពង់ត្រាច ត្រូវបានរន្ទះបាញ់ ស្លាប់នៅនឹងកន្លែង កាលពីវេលាម៉ោង ២ និង ៣០នាទី រសៀលថ្ងៃទី១៧ ខែឧសភា ឆ្នាំ២០២១។
ស្ត្រីជាប្រពន្ធបុរសរងគ្រោះ បានប្រាប់ថា កាលពីព្រឹកថ្ងៃទី១៨ ខែឧសភាថា គាត់ពីរនាក់ប្ដីប្រពន្ធ បានទៅចំការដំណាំនៅខាងជើងការដ្ឋានថ្មក្រុមហ៊ុនចិនភ្នំទ្រូងអណ្ដើក ជាប់ព្រំប្រទល់ខេត្តកំពត និងខេត្តកែប។ តែពេលនោះ មានភ្លៀងធ្លាក់ និងផ្គរលាន់។ ចំណែកគាត់ ជាប្រពន្ធ បានឈរបេះសណ្ដែកគួ និងប្ដីគាត់ឈរមើលគោ ស្រាប់តែឮសំលេងផ្គរលាន់បាញ់ក្រាំង។ គាត់ជាប្រពន្ធបានងាកមើលប្ដី មិនឃើញ។ ឃើញតែអាវភ្លៀង។ គាត់ជាប្រពន្ធបានលាន់មាត់ថា ប្រហែលផ្គរលាន់បាញ់ប្ដីគាត់ឬ? ស្រាប់តែដើរមកមើល ទើបឃើញប្ដីគាត់ដេកផ្កាប់មុខ នៅក្នុងទឹក ទើបរត់មកប្រាប់បងប្អូននាក់ភូមិ អោយមកជួយ យកសពបុរសជាប្ដី មកផ្ទះ។
ក្នុងថ្ងៃតែមួយនោះដែរ បុរសវ័យក្មេងម្នាក់ ឈ្មោះ សុខ ជាំ ភេទប្រុស អាយុ ២៤ឆ្នាំ នៅភូមិកណ្ដាលទួល ឃុំកំពង់ត្រាចខាងលិច ត្រូវបានចរន្តអគ្គិសនី ឆក់ស្លាប់ កាលពីវេលាម៉ោង ១២ថ្ងៃត្រង់ ថ្ងៃទី១៧ ខែឧសភា នៅក្នុងរោងចក្រកាត់ដេរក្រុមហ៊ុនពូចិនកណ្ដាលទួល។
ក្រុមសាច់ញាតិ បានឲ្យដឹងថា ជនរងគ្រោះ ដែលឆ្លងចរន្តអគ្គិសនីឆក់ស្លាប់ នៅក្នុងរោងចក្រក្រុមហ៊ុនពូចិននេះ គឺជនរងគ្រោះ ទើបតែការប្រពន្ធបាន ២ខែកន្លះទេ។
នៅព្រឹកថ្ងៃទី១៨ ខែឧសភា ឆ្នាំ២០២១ លោក ជួន សុភា អភិបាលរងស្រុកកំពង់ត្រាច រួមទាំងលោកចេងតាន់ មេឃុំកំពង់ត្រាចខាងលិច បានយកអំណោយអនុសាខាកាកបាទក្រហមស្រុក យកទៅជួនគ្រួសារសពទាំងពីរ។ ក្នុងគ្រួសារសពនិមួយៗ ទទួលបានអង្ករ ២៥គីឡូក្រាម និង ២០ម៉ឺនរៀល។
លោក ជួន សុភា អភិបាលរង ក៏បានចូលរួមរំលែកទុក្ខគ្រួសារសព ដែលជាគ្រោះធម្មជាតិ ហើយក៏គ្មាននរណា ចង់អោយបាត់បង់សមាជិក ក្នុងគ្រួសារណាមួយ ដែលសុទ្ធតែមានការស្ដាយស្រណោះគ្រប់ៗគ្នា។ នៅព្រឹកថ្ងៃដដែលនោះ តំណាងក្រុមហ៊ុនពូចិន ក៏បានឧបត្ថម្ភដល់អ្នកស្លាប់ ដោយឆក់ខ្សែភ្លើងផងដែរ៕ កែវ ឆាត
ចែករំលែកព័តមាននេះ