អ្នកឆ្លងកូវីដ កាលពីថ្ងៃទី១៧ឧសភា នៅភ្នំពេញ មាននៅ ១៣ខណ្ឌ ក្នុងនោះ ខណ្ឌសែនសុខ ច្រើនជាងគេ
- ភ្នំពេញ
ភ្នំពេញ៖ រដ្ឋបាលរាជធានីភ្នំពេញ នៅរសៀលថ្ងៃទី១៨ ខែឧសភានេះ បានប្រកាសពីអត្តសញ្ញាណអ្នកឆ្លងកូវីដ១៩ ចំនួន ១៤៣នាក់។ អ្នកឆ្លងកូវីដ១៩ ទាំង ១៤៣នាក់…
ភ្នំពេញ៖ រដ្ឋបាលរាជធានីភ្នំពេញ នៅរសៀលថ្ងៃទី១៨ ខែឧសភានេះ បានប្រកាសពីអត្តសញ្ញាណអ្នកឆ្លងកូវីដ១៩ ចំនួន ១៤៣នាក់។ អ្នកឆ្លងកូវីដ១៩ ទាំង ១៤៣នាក់…
ភ្នំពេញ៖ រដ្ឋបាលរាជធានីភ្នំពេញ នៅរសៀលថ្ងៃទី១៨ ខែឧសភានេះ បានប្រកាសពីអត្តសញ្ញាណអ្នកឆ្លងកូវីដ១៩ ចំនួន ១៤៣នាក់។ អ្នកឆ្លងកូវីដ១៩ ទាំង ១៤៣នាក់ កាលពីថ្ងៃទី១៧ ខែឧសភា គឺនៅក្នុង ១៣ខណ្ឌ ហើយនៅខណ្ឌសែនសុខ មានអ្នកឆ្លងច្រើនជាងគេ រហូតដល់ ៣០នាក់។
បញ្ជីឈ្មោះអ្នកឆ្លងកូវីដ នៅរាជធានីភ្នំពេញ ដែលទើបរកឃើញ កាលពីថ្ងៃទី១៧ ខែឧសភា រួមមាន៖ ១-ខណ្ឌ ៧មករា មានចំនួន ៤នាក់។ ២-ខណ្ឌកំបូល ៥នាក់។ ៣-ខណ្ឌពោធិ៍សែនជ័យ ២៦នាក់។ ៤-ខណ្ឌចំការមន ៣នាក់។ ៥-ខណ្ឌបឹងកេងកង ៣នាក់។ ៦-ខណ្ឌច្បារអំពៅ ៣នាក់។ ៧-ខណ្ឌដង្កោ ១២នាក់។ ៨-ខណ្ឌដូនពេញ ២នាក់។ ៩-ខណ្ឌឫស្សីកែវ ២៤នាក់។ ១០-ខណ្ឌទួលគោក ៤នាក់។ ១១-ខណ្ឌព្រែកព្នៅ ២នាក់។ ១២-ខណ្ឌសែនសុខ ៣០នាក់ និង១៣-ខណ្ឌមានជ័យ ២១នាក់។
ក្រៅពីនោះ ក៏មានអ្នករស់នៅស្រុកមុខកំពូល ខេត្តកណ្តាល ចំនួន ២នាក់ និងអ្នករស់នៅស្រុកអង្គស្នួល ២នាក់ ក៏ត្រូវបានធ្វើតេស្តរកឃើញឆ្លងកូវីដ១៩ កាលពីថ្ងៃទី១៧ ខែឧសភា ឆ្នាំ២០២១ នៅក្នុងរាជធានីភ្នំពេញ ផងដែរ។
អ្នកឆ្លងកូវីដ១៩ ទាំង ១៤៣នាក់ថ្មី នៅភ្នំពេញនេះ ជាកម្មកររោងចក្រកាត់ដេរ ជាមន្ត្រីកងរាជអាវុធហត្ថ ជាមន្ត្រីយោធា ជាកម្មករសំណង់ បុគ្គលិកធនាគារ អ្នកដឹកជញ្ជូនទំនិញអនឡាញ ជាងដែក អ្នកលក់ដូរតាមផ្លូវ ជាងអ៊ុតសក់ អ្នកធ្វើការនៅKTV ធ្វើការនៅសិប្បកម្មទឹកកក SCI នៅខណ្ឌដង្កោ ជាដើម។
ក្នុងនោះ ក៏មានកម្មករ ជាងទឹក ជាងភ្លើង នៅការដ្ឋានខនដូ អារ៉ាកាវ៉ា នៅផ្សារទឹកថ្លា ក្នុងខណ្ឌសែនសុខ ង្មករសំណង់ នៅការដ្ឋានអារ៉ាការភានដូ អារ៉ាកាវ៉ា នៅផ្សារទឹកថ្លា រកឃើញឆ្លងកូវីដ១៩ ផងដែរ។ កាលពីប៉ុន្មានថ្ងៃមុន ក៏ផ្លូវ ជាងអ៊ុតសក់រកឃើញឆ្លងកូវីដ១៩ ចំនួន ១៩នាក់ កាលពីថ្ងៃទី១៧ ខែឧសភា ផងដែរ។ កាលពីសប្តាហ៍មុន ក៏មានកម្មករសំណង់ នៅការដ្ឋានអារ៉ាកាវ៉ា នៅផ្សារទឹកថ្លា ក្នុងខណ្ឌសែនសុខ រកឃើញឆ្លងកូវីដច្រើននាក់រួចមកហើយ។
កាលពីថ្ងៃទី១៧ ខែឧសភា រដ្ឋបាលរាជធានីភ្នំពេញ ក៏បានរកឃើញស្ត្រីចិន ២នាក់ និងបុរសចិនម្នាក់ ឆ្លងកូវីដ១៩ ផងដែរ។ ជនជាតិចិនទាំង ៣នាក់នេះ បានទៅស្នើសុំលិខិតធ្វើតេស្តរកកូវីដ ដើម្បីចេញទៅក្រៅប្រទេស។ ព្រឹត្តិការណ៍ឆ្លងសហគមន៍ថ្ងៃ២០កុម្ភៈ ផ្ទុះឡើងដំបូងពីជនជាតិចិន រស់នៅភ្នំពេញ ដែលបានទៅស្នើសុំលិខិតបញ្ជាក់ធ្វើតេស្តរកកូវីដ ដើម្បីចេញទៅក្រៅប្រទេស៕
ចែករំលែកព័តមាននេះ