បញ្ហាជនអនាថាក្នុងក្រុងតាខ្មៅ ហាក់កំរើកឡើងវិញ
- កណ្តាល
អ្នកធ្វើដំណើរតាមសួនច្បារក្រុងតាខ្មៅ ខេត្តកណ្តាល នៅព្រឹកថ្ងៃទី១៦ ខែឧសភា ឆ្នាំ២០២១ នេះ ថា ជនអនាថាជាច្រើននាក់ចាប់ផ្តើមមានវត្តមាននៅតាមសួនច្បារ ដោយមាន
ខេត្តកណ្តាល ៖ អ្នកធ្វើដំណើរតាមសួនច្បារក្រុងតាខ្មៅ ខេត្តកណ្តាល នៅព្រឹកថ្ងៃទី១៦ ខែឧសភា ឆ្នាំ២០២១ នេះ ថា ជនអនាថាជាច្រើននាក់ចាប់ផ្តើមមានវត្តមាននៅតាមសួនច្បារ ដោយមានមនុស្សចាស់ ក្មេង ដោយបានដើរ ដេក និងសង់តូប សង់រោង ពាសវាល ពាសកាល យ៉ាងអនាធិបតេយ្យ ។
អ្នកធ្វើដំណើរដដែលបន្តថា ជាពិសេស ពួកគេតែងតែធ្វើសកម្មភាពប្រើប្រាស់គ្រឿងញៀន នៅក្បែរសួនច្បារ ធ្វើអោយពលរដ្ឋដែលទៅហាត់ប្រាណនៅទីនោះ ខ្លាចញញើត ថែមទៀតផង ។ អ្វីដែលបារម្ភថែមទៀតនោះ គឺបើសិនជាមានអ្នកផ្ទុកជំងឺកូវីដ១៩នោះ វាងាយនឹងរីករាលដាល ។
ជុំវិញបញ្ហាខាងលើនេះដែរ អ្នកសារព័ត៌មានបានទំនាក់ទំនងទៅកាន់លោក នូ សុវណ្ណរ៉ា អភិបាលក្រុងតាខ្មៅ ដើម្បីសុំបញ្ជាក់អំពីដំណោះស្រាយបញ្ហានេះ ជាច្រើនលើក តែលោកមិនទទួលទូរស័ព្ទឡើយ ។ ដោយឡែក លោក គង់ សោភ័ណ្ឌ អភិបាលខេត្តកណ្តាលវិញ ដែលជាថ្នាក់លើលោក នូ សុវណ្ណរ៉ា , អ្នកសារព័ត៌មាន ទូរស័ព្ទចូលតែងលើកគ្រប់ពេល ទោះលោកឆ្លើយខ្លីថា «ជាប់រវល់» ។
ចែករំលែកព័តមាននេះ