រាជរដ្ឋាភិបាលកំពុងរៀបចំផែនការចុះចាក់វ៉ាក់សាំងកូវីដជូនពលរដ្ឋនៅភ្នំពេញ និងខេត្តកណ្ដាល ឱ្យបានលឿន
- ភ្នំពេញ
រាជធានីភ្នំពេញ ៖ តាមរយៈក្រសួងសុខាភិបាល រាជរដ្ឋាភិបាលបាននឹងកំពុងរៀបចំផែនការវ៉ាក់សាំងជំងឺកូវីដ-១៩ ជូនប្រជា
រាជធានីភ្នំពេញ ៖ តាមរយៈក្រសួងសុខាភិបាល រាជរដ្ឋាភិបាលបាននឹងកំពុងរៀបចំផែនការវ៉ាក់សាំងជំងឺកូវីដ-១៩ ជូនប្រជា
រាជធានីភ្នំពេញ ៖ តាមរយៈក្រសួងសុខាភិបាល រាជរដ្ឋាភិបាលបាននឹងកំពុងរៀបចំផែនការវ៉ាក់សាំងជំងឺកូវីដ-១៩ ជូនប្រជាពលរដ្ឋរស់នៅភ្នំពេញ និងខេត្តកណ្ដាល ឱ្យបានលឿន។ នេះបើតាមការឱ្យដឹងពីលោកស្រីយក់ សម្បត្តិ រដ្ឋលេខាធិការក្រសួងសុខាភិបាល ដែលបានលើកឡើងក្នុងពិធីទទួលវ៉ាក់សាំងស៊ីណូវ៉ាក់ ចំនួន៥០ម៉ឺនដូសទៀត ដែលរាជរដ្ឋាភិបាលកម្ពុជាបញ្ជាទិញពីរដ្ឋាភិបាលចិន បានដឹកមកដល់កម្ពុជា នាថ្ងៃទី១៦ ខែឧសភា ឆ្នាំ២០២១ នៅព្រលានយន្ដហោះអន្ដរជាតិភ្នំពេញ ។
លោកស្រី យក់ សម្បត្តិ បានថ្លែងថា គណៈកម្មការចំពោះកិច្ចការចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស (គ.វ.ក-១៩) នៃក្រសួងសុខាភិបាល បាននិងកំពុងរៀបចំផែនការចាក់វ៉ាក់សាំង ឱ្យបានល្បឿនលឿនជាទីបំផុត សម្រាប់ចាក់ជូនប្រជាពលរដ្ឋរស់នៅរាជធានីភ្នំពេញ និងក្រុងតាខ្មៅ នៃខេត្តកណ្ដាល ។
លោកស្រី យក់ សម្បត្តិ ប្រាប់ ក្រុមអ្នកសារព័ត៌មានថា វ៉ាក់សាំងស៊ីណូវ៉ាក់ មកដល់កម្ពុជានាថ្ងៃនេះ គឺសម្រុកចាក់ជូនប្រជាពលរដ្ឋរស់នៅតំបន់ក្រហមក្នុងរាជធានីភ្នំពេញ និងខេត្តកណ្ដាល។
លោកស្រីបានគូសបញ្ជាក់យ៉ាងដូច្នេះថា «ខ្ញុំគិតថា គណៈកម្មការចំពោះកំពុងតែមមាញឹក ក្នុងការរៀបចំផែនការចាក់ឱ្យមានល្បឿនលឿន ហើយខាងបងៗកងទ័ពក៏បានចាក់ដំណាគ្នាជាមួយ អាជ្ញាធររាជធានីភ្នំពេញ ហើយរៀបចំផែនការផង ចុះបណ្ដើរៗផង ហើយវ៉ាក់សាំង ថ្ងៃទី១៦ ឧសភា នេះ ៥០ម៉ឺនដូសទៀត ហើយវ៉ាក់សាំង ថ្ងៃ២៣ ឧសភា នឹងមកដល់ទៀត។ ដូច្នេះវ៉ាក់សាំងរបស់យើងមកដល់ស្របពេលផែនការចុះចាក់»។
លោកស្រីរដ្ឋលេខាធិការបានគូសបញ្ជាក់ទៀតថា រាជរដ្ឋាភិបាលកម្ពុជា មានផែនការច្បាស់លាស់ ក្នុងចាក់វ៉ាក់សាំងជំងឺកូវីដ-១៩ ជូនប្រជាពលរដ្ឋឱ្យបានគ្រប់ៗគ្នា។ លោកស្រី ថា ឆ្នាំ២០២១ នេះ នឹងចាក់វ៉ាក់សាំងជូនប្រជាពលរដ្ឋរស់នៅ រាជធានីភ្នំពេញ និងខេត្តកណ្ដាល នៃ ក្រុងតាខ្មៅ ឱ្យបានគ្រប់ៗគ្នា ខណៈរាជរដ្ឋាភិបាលកម្ពុជា បានបញ្ជាទិញវ៉ាក់សាំងជាបន្ដបន្ទាប់ ដើម្បីចាក់ជូនប្រជាពលរដ្ឋ ។
ជាងនេះទៅទៀត រដ្ឋលេខាធិការក្រសួងសុខាភិបាល ក៏បានថ្លែងអំណរគុណចំពោះ រដ្ឋាភិបាលចិន ដែលផ្ដល់វ៉ាក់សាំង ជំងឺកូវីដ-១៩ មកដល់កម្ពុជា ជាបន្ដបន្ទាប់។
សូមបញ្ជាក់ថា យោងតាមរបាយការណ៍របស់ ក្រសួងសុខាភិបាល បានឱ្យដឹងថា គិតត្រឹមថ្ងៃទី១៥ ខែឧសភា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ-១៩ ជូនមន្ត្រីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេស ចំនួន ២,០៦៦,៨១៣នាក់។
ជាមួយគ្នានោះដែរលោកស្រីក៏បានឱ្យដឹងថា ការធ្លាក់ចុះតួលេខអ្នកឆ្លងជំងឺកូវីដ-១៩ ក្នុងរយៈពេលប៉ុន្មានថ្ងៃមកនេះ ដោយមានការចូលរួមពី ប្រជាពលរដ្ឋ ជាពិសេស កម្មករ-កម្មការិនីដោយអនុវត្តវិធានការសុខាភិបាលត្រឹមត្រូវ។
លោកស្រី យក់ សម្បត្តិ ប្រាប់ក្រុមអ្នកសារព័ត៌មានថា ការគ្រប់គ្រង ប្រព្រឹត្តការណ៍ ២០ កុម្ភៈ នេះ ជោគជ័យ ឬមិនជោគជ័យ ទាល់តែមានការចូលរួមពី ប្រជាពលរដ្ឋ រួមទាំង អនុវត្ត ៣កុំ ៣ការពារ ទទួលបានវ៉ាក់សាំង ២ដូសទៀត។
លោកស្រី បញ្ជាក់ថា «ចំពោះមុខនេះ យើងសង្ឃឹមថា ការបន្ដធ្លាក់ចុះតួលេខការឆ្លងនេះ យើងថា មានការចូលរួមបងប្អូន ប្រជាពលរដ្ឋ ជាពិសេស គឺកម្មករ-កម្មការិនី នៅតាមរោង ចក្រដែរគាត់ឃុំខ្លួនគាត់ នៅតំបន់ក្រហម។ ខ្ញុំសូមអធ្យាស្រ័យ ដល់បងប្អូនប្រជាពលរដ្ឋ ដែលមានការឃាត់ខ្លួនក្នុងតំបន់ក្រហម ក្នុងផ្ទះរបស់ខ្លួន ដោយមានការលំបាក ហើយរាជរដ្ឋាភិបាល ខិតខំប្រឹងប្រែងបញ្ជូនស្បៀង និងសំភារៈ ដល់បងប្អូនប្រជា ពលរដ្ឋយើង»។
សូមបញ្ជាក់ថា យោងតាមរបាយការណ៍របស់ ក្រសួងសុខាភិបាល បានឱ្យដឹងថា គិតត្រឹមថ្ងៃទី១៥ ខែឧសភា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ-១៩ ជូនមន្ត្រីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេស ចំនួន ២.០៦៦.៨១៣នាក់៕
ចែករំលែកព័តមាននេះ