ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា សមាជិកក្រុមប្រឹក្សាឃុំណាំតៅម្នាក់បានបាត់បង់ជីវិត ខណៈពេលឡើងដើមដូងដើម្បីបេះផ្លែដូងដែលមានកំពស់ជិត១០ម៉ែត្រ ក៏ស្រាប់តែធ្លាក់ចុះចំរបងឈើក្រាក់តែម្តង ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៥និង២០នាទីល្ងាច ថ្ងៃទី១៥ ខែឧសភា…
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា សមាជិកក្រុមប្រឹក្សាឃុំណាំតៅម្នាក់បានបាត់បង់ជីវិត ខណៈពេលឡើងដើមដូងដើម្បីបេះផ្លែដូងដែលមានកំពស់ជិត១០ម៉ែត្រ ក៏ស្រាប់តែធ្លាក់ចុះចំរបងឈើក្រាក់តែម្តង ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៥និង២០នាទីល្ងាច ថ្ងៃទី១៥ ខែឧសភា ឆ្នាំ២០២១ ស្ថិតនៅភូមិកន្ទួត ឃុំណាំតៅ ស្រុកភ្នំស្រុក ខេត្តបន្ទាយមានជ័យ ។
បើតាមលោកវរសេនីយ៍ឯកយ៉ត សុផល អធិការនគរបាលស្រុកភ្នំស្រុក បានឲ្យដឹងថា ជនរងគ្រោះខាងលើឈ្មោះ សូ ហុញ ភេទប្រុស អាយុ៤០ឆ្នាំ រស់នៅភូមិកន្ទួត ឃុំណាំតៅ ស្រុកភ្នំស្រុក ខេត្តបន្ទាយមានជ័យ មុខងារជាសមាជិកក្រុមប្រិក្សាឃុំណាំតៅ ។
លោកអធិការបានបញ្ជាក់ថា នៅមុនពេលកើតហេតុ ជនរងគ្រោះបានចេញពីផ្ទះរបស់ខ្លួន រួចជិះម៉ូតូមកដល់ផ្ទះឪពុក ដើម្បីឡើងកាប់ដើមដូង។ នៅពេលដែលឡើងនោះជនរងគ្រោះបានកាន់កាំបិតខ្វែវទៅជាមួយផងដែរ លុះពេលជនរងគ្រោះឡើងទៅដល់ក.ដើមដូង ក៏បានទាញធាងដូងដែលងាប់ទម្លាក់មកដី ដើម្បីយកផ្លូវឡើងទៅ ក៏ស្រាប់តែធាងដូងដែលងាប់របេះធ្វើឱ្យជនរងគ្រោះរបូតដៃដែលឱបដើមដូងនោះ ក៏ធ្លាក់មកចុះមកក្រោមត្រូវនឹងចំរបងឈើក្រាក់ (របងព្រំដី) ធ្វើឱ្យត្រូវសៀតថ្កា បណ្តាលឱ្យស្លា.ប់ភ្លាមៗនៅនឹងកន្លែងតែម្តង ។
ក្រោយពេលកើតហេតុ កម្លាំងនគរបាលជំនាញចុះទៅពិនិត្យឃើញថា ជនរងគ្រោះធ្លាក់ពីលើដើមដូងស្លា.ប់ពិតប្រាកដមែន បន្ទាប់ពីពិនិត្យរួចក៏ប្រគល់សាកស.ពជនរងគ្រោះជូនក្រុមគ្រួសារ ដើម្បីចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ