រាជធានីភ្នំពេញ ៖ ដើម្បីប្រទេសមួយមានការរីកចម្រើន មេគ្រួសារនីមួយៗត្រូវបន្ដលើកកម្ពស់ការថែទាំ ទូន្មានប្រៀនប្រដៅ និង
រាជធានីភ្នំពេញ ៖ ដើម្បីប្រទេសមួយមានការរីកចម្រើន មេគ្រួសារនីមួយៗត្រូវបន្ដលើកកម្ពស់ការថែទាំ ទូន្មានប្រៀនប្រដៅ និងការបណ្ដុះបណ្ដាលដល់សមាជិកក្នុងគ្រួសារគ្រប់រូប ឱ្យមានអត្ដចរិតល្អ ចំណេះដឹង ចំណេះធ្វើ ជំនាញវិជ្ជាជីវៈ និងសមត្ថភាពខ្ពង់ខ្ពស់ ក្នុងការកសាងជីវភាពរស់នៅ សមរម្យប្រកបដោយសេច ក្ដីថ្លៃថ្នូរ។នេះបើតាមការអំពាវនាវរបស់ប្រមុខរាជរដ្ឋាភិបាល។
យោងតាមរយៈសារលិខិតរបស់សម្ដេចតេជោ ហ៊ុន សែន ក្នុងឱកាសទិវាអន្ដរជាតិស្ដីពី «គ្រួសារ» ក្រោមប្រធានបទ «កម្លាំងសេវាសង្គមមានតួនាទីយ៉ាងសំខាន់ ក្នុងការលើកកម្ពស់តួ នាទីគ្រួសារ» នាថ្ងៃទី១៥ ខែឧសភា ឆ្នាំ២០២១ បានឱ្យដឹងថា នៅក្នុងពិភពលោក ក៏ដូចជា នៅក្នុងប្រទេសកម្ពុជា គ្រួសារគឺជាផ្នែកមួយដ៏សំខាន់សម្រាប់មនុស្សគ្រប់រូប ព្រោះមនុស្ស គ្រប់គ្នារស់នៅលូតលាស់អភិវឌ្ឍ នៅក្នុងគ្រួសារដោយមានលោកឪពុក អ្នកម្តាយគឺជាអ្នកអប់រំ និងជាគ្រូបង្រៀនដំបូងរបស់កុមារ ដូច្នេះតួនាទីរបស់ពួកគេ ក្នុងការបង្កើតបុគ្គលិក លក្ខណៈរបស់មនុស្ស ដែលកំពុងលូតលាស់គឺធំធេងណាស់។
សម្ដេចតេជោបញ្ជាក់ថា៖ «ក្នុងន័យនេះ ដើម្បីធ្វើឱ្យសង្គមជាតិមួយមានការរីកចម្រើនប្រកបដោយចីរភាពនោះ គ្រួសារនីមួយៗត្រូវបន្ដលើកកម្ពស់ការថែទាំ ការអប់រំទូន្មាន ប្រៀនប្រដៅ និងការបណ្ដុះបណ្ដាលដល់សមាជិកក្នុងគ្រួសារ គ្រប់រូបឱ្យមាន អត្ដចរិតល្អ ចំណេះដឹង ចំណេះធ្វើ ជំនាញវិជ្ជាជីវៈ និងសមត្ថភាពខ្ពង់ខ្ពស់ ក្នុងការកសាងជីវភាពរស់នៅ សមរម្យប្រកបដោយសេចក្ដីថ្លៃថ្នូរ និងមានឆន្ទះមោះមុតចូលរួមចំណែកយ៉ាងសកម្ម ក្នុងការអភិវឌ្ឍសេដ្ឋកិច្ច សង្គមកិច្ច វប្បធម៌ ស្ថិរភាពនយោបាយ និងរក្សានូវតម្លៃនៃវប្បធម៌ ប្រពៃណីជាតិ»។
ជាមួយគ្នានោះ សម្ដេចតេជោក៏បានកោតសរសើរ និងគោរពដឹងគុណជាទីបំផុតចំពោះក្រុមគ្រួសារទាំងឡាយ ជាពិសេសគឺលោកឪពុក និងអ្នកម្តាយទាំងឡាយ ដែលតែងតែ ពលិកម្ម និងលះបង់គ្រប់បែបយ៉ាងក្នុងការចិញ្ចឹមបីបាច់ថែរក្សាកូនចៅ ឱ្យក្លាយជាកូនល្អ សិស្សល្អ និងពលរដ្ឋល្អសម្រាប់គ្រួសារ សហគមន៍ និងសង្គមជាតិ ព្រមទាំង ការចូលរួម ចំណែកយ៉ាងសកម្ម ក្នុងការបន្តថែរក្សា និងលើកស្ទួយមរតកវប្បធម៌ សាសនា ប្រពៃណី ទំនៀមទម្លាប់ដ៏ល្អផូរផង់របស់ប្រជាជាតិ។
សម្ដេចតេជោបន្ដថា ពិសេសនោះណែនាំកូនចៅប្រកាន់ខ្ជាប់នូវសីលធម៌ សុជីវធម៌ ការយោគយល់ ការអធ្យាស្រ័យ, ការសណ្តោសប្រណី និងការគោរពច្បាប់ ដើម្បីរក្សាឱ្យបាននូវភាពសុខដុមរមនា សាមគ្គីភាព និងសេចក្តីថ្លៃថ្នូរ ក្នុងសង្គមជាតិ ស័ក្តិសមជាឧត្តមប្រទេសមួយដែលមានវប្បធម៌ អរិយធម៌ដ៏ល្អផូរផង់ និងសម្បូរបែបនៅលើសកលលោក តាំងពីបុរាណកាលរហូតមកដល់បច្ចុប្បន្ន។
សម្ដេចតេជោ ក៏បានសង្ឃឹមយ៉ាងមុតមាំថា គ្រួសារទាំងអស់នឹងបន្តអនុវត្តនូវប្រពៃណីដ៏ល្អផូរផង់នេះ ដើម្បីបន្តរួមចំណែក ថែរក្សា និងកសាងសមិទ្ធផលនានាបន្ថែមទៀតសម្រា ប់ឧត្តមប្រយោជន៍ជាតិ សាសនាព្រះមហាក្សត្រ និងបន្តលើកកម្ពស់មនសិការទទួលខុសត្រូវ ក្នុងការកសាងសង្គមជាតិ ឆ្ពោះទៅរកសង្គមមួយប្រកបដោយសុខសន្តិភាព ស្ថិរភាព កិត្យានុភាព វឌ្ឍនភាព ភាពរុងរឿង និងសុខដុមនីយកម្ម។
ជាពិសេស នៅក្នុងដំណាក់កាល នៃការរីករាលដាលនៃជំងឺកូវីដ-១៩ គ្រួសារបានដើរតួនាទីស្នូលយ៉ាងសំខាន់ ក្នុងការអប់រំកូនចៅក្នុងការរស់ នៅតាមបែបគន្លងថ្មី ការបង្ការទប់ស្កាត់ការរីករាលដាល តាមរយៈការអនុវត្តវិធាននានារបស់សុខាភិបាល ការទប់ស្កាត់សកម្មភាពជាហានិភ័យ ផ្សេងៗទៀត ដែលអាចកើតមានជាយថា ហេតុក្នុងដំណាក់កាលកូវីដ-១៩ ដូចជាការបៀ.តបៀន ឬរំលោ.ភបំពានផ្លូវភេ.ទ អំពើហិ.ង្សាក្នុងគ្រួសារ ការសេពគ្រឿងស្រវឹង ការប្រើប្រាស់គ្រឿងញៀ.ន ការរងគ្រោះថ្នាក់ដោយលង់ទឹក គ្រោះថ្នាក់ផ្សេងៗ៕
ចែករំលែកព័តមាននេះ